BAIYN JÚREK
Bayaǵyda qyzailardyń Qońyz degen bii bolypty. Ol eline jaily qonys izdep, alpys neshe batyrdy ertip jynys orman, asau ózenderdi keship ótip, eki taudyń túiisken jerine ilingende aldarynan salt atty jalǵyz jigit kezdesedi. Ony ústap alyp jaǵdaiyn úqyssa mońǵoldyń bir batyry eken. Joldastarynyń ata kegi qozyp, ony óltirmek bolǵanda Qońyz bi basu aityp toqtatady. Sonymen onyń jalǵyz nege japan dalada júrgeni súraidy. Ásili ol mońǵoldyń bir batyry bolyp, óziniń jaqyn tuysynyń qyzyna ǵashyq bolyp, mońǵoldyń ata zańyn búzyp, ony alyp qashyp osy tauǵa búǵynyp jatqan eken. Ózin SHúrek, qyzdyń aty Baiyn dep tanystyrady.
Sonymen SHúrek batyr Qońyz bi bastaǵan azamattarǵa ózin 200-ge tarta mońǵol jasaǵynyń izdep júrgenin aityp, tosynnan kezdesse qan tógis bolatynyn eskertedi. Óz jol bastap, mońǵoldar qamsyz demalyp jatqan jerine ertip keledi. Qońyz bastaǵan alpys batyr mońǵoldarǵa túiyqsyz shabuyl jasap, olardy eki taudyń túiisken jeri Jeldikezeńmen ary asyryp tastaidy. Búl jer keiin qazaq pen mońǵoldyń shekarasy bolyp bekitiledi. Saltqa qaishy bolsa da, eki ǵashyqtyń júregin qosqan jer dep Qońyz bi sol jerdi Baiynjúrek dep ataudy jón kóredi.
Derekkóz: Tarih talǵarynda [Mátin] : (Tarihi zertteuler, esse, maqalalar) / A. Omaraqyn- Taldyqorǵan : [b. j.] , 2022.– 500 dana . – ISBN 978-601-7865-39-9 (1-t.), ISBN 978-601-7865-36-8 1-tom .– 287 b., suretti .
https://kazneb.kz/kk/catalogue/view/1657755
“Q-Andas” aqparattyq agenttigi
Jalǵasy bar…
