بايىن جۇرەك
باياعىدا قىزايلاردىڭ قوڭىز دەگەن ءبيى بولىپتى. ول ەلىنە جايلى قونىس ىزدەپ، الپىس نەشە باتىردى ەرتىپ جىنىس ورمان، اساۋ وزەندەردى كەشىپ ءوتىپ، ەكى تاۋدىڭ تۇيىسكەن جەرىنە ىلىنگەندە الدارىنان سالت اتتى جالعىز جىگىت كەزدەسەدى. ونى ۇستاپ الىپ جاعدايىن ۇقىسسا موڭعولدىڭ ءبىر باتىرى ەكەن. جولداستارىنىڭ اتا كەگى قوزىپ، ونى ولتىرمەك بولعاندا قوڭىز بي باسۋ ايتىپ توقتاتادى. سونىمەن ونىڭ جالعىز نەگە جاپان دالادا جۇرگەنى سۇرايدى. ءاسىلى ول موڭعولدىڭ ءبىر باتىرى بولىپ، ءوزىنىڭ جاقىن تۋىسىنىڭ قىزىنا عاشىق بولىپ، موڭعولدىڭ اتا زاڭىن بۇزىپ، ونى الىپ قاشىپ وسى تاۋعا بۇعىنىپ جاتقان ەكەن. ءوزىن شۇرەك، قىزدىڭ اتى بايىن دەپ تانىستىرادى.
سونىمەن شۇرەك باتىر قوڭىز بي باستاعان ازاماتتارعا ءوزىن 200-گە تارتا موڭعول جاساعىنىڭ ىزدەپ جۇرگەنىن ايتىپ، توسىننان كەزدەسسە قان توگىس بولاتىنىن ەسكەرتەدى. ءوز جول باستاپ، موڭعولدار قامسىز دەمالىپ جاتقان جەرىنە ەرتىپ كەلەدى. قوڭىز باستاعان الپىس باتىر موڭعولدارعا تۇيىقسىز شابۋىل جاساپ، ولاردى ەكى تاۋدىڭ تۇيىسكەن جەرى جەلدىكەزەڭمەن ارى اسىرىپ تاستايدى. بۇل جەر كەيىن قازاق پەن موڭعولدىڭ شەكاراسى بولىپ بەكىتىلەدى. سالتقا قايشى بولسا دا، ەكى عاشىقتىڭ جۇرەگىن قوسقان جەر دەپ قوڭىز بي سول جەردى بايىنجۇرەك دەپ اتاۋدى ءجون كورەدى.
دەرەككوز: تاريح تالعارىندا [ءماتىن] : (تاريحي زەرتتەۋلەر، ەسسە، ماقالالار) / ا. وماراقىن- تالدىقورعان : [ب. ج.] ، 2022.– 500 دانا . – ISBN 978-601-7865-39-9 (1-ت.)، ISBN 978-601-7865-36-8 1-توم .– 287 ب.، سۋرەتتى .
https://kazneb.kz/kk/catalogue/view/1657755
“Q-Andas” اقپاراتتىق اگەنتتىگى
جالعاسى بار…
