Taldyqorǵan qalasynda kontent jasaudy úiretetin 2 kúndik praktikalyq intensiv úiymdastyryldy. Baǵdarlama ayasynda mobilografiya jáne jasandy intellekt arqyly video jasau úiretildi.
Birinshi kúni qatysushylar telefonmen kásibi túsirudiń negizgi qaǵidalaryn meńgerdi. Kadr qúru, jaryq qoyu, rakurs tańdau jáne kúndelikti kontentti sapaly túsiru tásilderi jan-jaqty túsindirildi.
Ekinshi kúni mátinnen video generatsiyalau, AI qúraldary arqyly jyldam kontent ázirleu jáne kreativti formattar boiynsha praktikalyq júmys júrgizildi. Qatysushylar zamanaui jasandy intellekt platformalarynyń múmkindikterimen tanysyp, naqty mysaldar arqyly video jasau protsesin tájiribede oryndady.
Intensiv ayasynda Qandas.kz veb-saitynyń redaktory Erǵali Áli ekinshi kúni spiker retinde qatysyp, jasandy intellekt arqyly video generatsiyalau boiynsha praktikalyq sabaq ótkizdi. Sabaq barysynda AI generatsiyasynyń bazalyq úǵymdary, mátinnen video jasau algoritmderi, tiimdi prompt qúrastyru qaǵidalary jáne neirojelilermen dúrys júmys isteu tásilderi túsindirildi. Teoriyalyq bólim naqty mysaldarmen úshtastyrylyp, qatysushylar ózderi prompt jazyp, AI qúraldarynyń kómegimen qysqa videolar ázirledi. Osylaisha, ekinshi kún praktikalyq formatta ótip, qatysushylar jasandy intellektti kontent óndirisinde qoldanudyń naqty daǵdylaryn meńgerdi.
Úiymdastyrushylardyń aituynsha, intensiv nátijesinde qatysushylar eki kúnniń ishinde kontent jasaudyń zamanaui qúraldaryn meńgerip, áleumettik jelige arnalǵan videony sapaly túsiru jáne AI arqyly kontent daiyndau daǵdylaryn damytty. Is-shara Taldyqorǵan qalasyndaǵy Jastarǵa qyzmet kórsetu ortalyǵynda ótti.
«Q-andas» aqparattyq agenttigi.
