Baieke bolys ózi tústas, kórikti aqyn kelinshek Malaiǵa birneshe ret bazynalyq sóz salady eken. Biraq Malai qabyl kórmepti. «Ái seni me», – dep orai izdep júrgen bir jyly Malaidyń auylyna bes saudager kelip sauda jasapty. Osyny estigen bolys úiinde ayaqkiim tigip jatqan etikshi Qairanbai degen adamdy jiberip:
- Qaireke taǵy qaityp barasyz ba,
Jel sózdiń siz júresiz arasyna.
Malaidy bes keruendik qylǵan jauyz,
Kókpektiń kúlin sepsin jarasyna, – dep bir auyz óleń aitqyzypty.
Sonda Malai Qairekeńdi qaita jiberip:
- Jailaǵan bizdiń eldi bes Kermendik,
Kóttiń jauyr bolaryn eskermedik.
Bákeńniń ókpeleitin qisyny bar,
Bopaidan bir japyraq et bermedik.
Sálem de Baiekege qaǵynbasyn,
Basynan Boqash alǵan marjan tasyn.
Men tússem bolystyqtan o da tústi,
(óziniń kelinshek bolǵanyn aityp otyr)
Jemir qara buradai shabynbasyn.
Ózińniń kóz salmaisyń ar jaǵyńa,
Auyrdyń jer solqyldar salmaǵyna.
Janyna meniń sózim qatty batsa,
Qoǵyldap qashyp ketsin qalmaǵyna, – degen óleńdi qolma-qol aitqyzypty.
(Sol jyly Baieke bolystyqtan qalyp, oryn Boqash degen adam alǵan eken).
Malaidyń jańa túsken jas kelinshek kúni eken. Bir jyly jailau ústinde sol auyldyń Jaqyp degen qaiynaǵasy kiiz úidiń aldynda otyryp, Malaidyń súlulyǵyna qyzyǵady.
Biraq kelini bolǵandyqtan sóz aita almai amalsyzdan ary ótken, beri ótkende Malaidyń artynan sary quraidy júlyp alyp laqtyryp úrady eken.
Sonda MALAI:
- Altymyzdan shyǵaiyq jetimizge,
SHaǵi kóilek jarasar etimizge.
Bi aǵanyń bizderde kóńili bar ma,
Sary quraimen úrady kótimizge, – degen eken.
Derekkóz: Doda: (Aitystar men tarihi-etnografiyalyq jyrlary) / A. Omaraqyn ; [qúrastyrǵan: Á. Majai [j. b.] .- Taldyqorǵan : [b. j.]. https://kazneb.kz/kk/catalogue/view/1657687
“Q-Andas” aqparattyq agenttigi
Jalǵasy bar…











