Taldyqorǵan memlekettik arhivinde «Atadan qalǵan asyl múra» atty otbasylyq qor ashyldy. Onda halyq shyǵarmashylyǵy, qazaq folьklory, jurnalistik zertteuler jinaqtalǵan. Andas otbasy – ata-babalary 5 ǵasyr boiy tútynǵan múralardy úrpaqtan-úrpaqqa amanattap, búginge jetkizgen úlgili janúya.
Jalpy, Andas áuletine tiesili 700-den astam jádiger bar. Onyń bir bóligi QHR Kúnes audandyq múrajaiynda saqtauly. Al 100-ge juyq jádiger «Atameken» mádeni ortalyǵynyń qoryna tapsyrylǵan. Andas áuletiniń músheleri jazyp, qúrastyrǵan 44 kitap qazaq ruhaniyatyna ólsheusiz úles qosuda. Onyń 10-ǵa juyǵy elimizdiń elektrondy kitaptar tizimine endi. Sondai-aq, búl otbasy 1930 jyldan bergi latyn, tóteshe jazumen jazylǵan 5 myń betten artyq qoljazbany saqtap keledi. Qordyń saltanatty ashyluynda aqyn, tarihshy Andas Omaraqynnyń «Tarih talǵarynda», «Doda», «Jyldar izi» atty úsh tomdyq eńbegi oqyrman nazaryna úsynyldy. Sonymen qatar, Taldyqorǵan qalalyq memlekettik arhivindegi otbasylyq ǵylymi qorǵa 60-qa juyq is, myńǵa juyq qúndy qújat tapsyrdy.
Últtyq ónerdi úlyqtap júrgen úlken áulettiń 7 balasynan 16 nemere-jien taraǵan. Balalary men kelinderi Qazaqstannyń jáne Qytaidyń tańdauly joǵary oqu oryndaryn bitirip, ǵylym magistri atandy. Aǵylshyn, qytai, japon, orys, úiǵyr, ózbek jáne qyrǵyz syndy tilderdi jetik meńgergen. Olardyń halyqaralyq, respublikalyq ǵylymi basylymdarda 113 ǵylymi eńbegi jaryq kórdi. Otaǵasy Andas Omaraqyn 2010 jyly QHR memlekettik dárejeli syilyǵyn alsa, Andas otbasy 2009 jyly Qytaida «Úrpaq tárbiesindegi memlekettik úlgili otbasy» degen marapatqa ie boldy.
Jiynda Almaty oblystyq analar keńesiniń tóraiymy Jamal Qasymbekova, I. Jansúgirov atyndaǵy JU oqytushylary Dáuletkerei Múlik pen Ónerbek Quanǵan jáne Qazaqstan Respublikasynyń mádeniet qairatkeri Tanatar Alshabekov ashylyp jatqan qordyń mańyzy túrǵysynda oi bólisti. Qorytyndy sóz alǵan Almaty oblystyq «Jetisý» gazetiniń tilshisi Qajet Andas:
– Arhiv máselesi qazirgi tańda eń ózekti bolyp túr. Aitalyq, Qytaida ár áulette otbasylyq arhiv bolady. Bizde osy úrdis qalyptasuy kerek. Mysaly, bir paraq qaǵazdy laqtyra salsańyz, ol qoqys bolady. Búktep saqtasańyz, qaraiyp jata beredi. Eger sol qaǵazdy osynda ákelip, qorǵa tapsyrsańyz, memlekettiń múlkine ainalady. Osynda barlyǵymyzdyń qoljazbalarymyz saqtalǵan. Qorda 1930 jyldan búginge deiingi 90 jyldyq tarihi qoljazbalar bar. Árqaisymyz otbasylyq arhiv jasap, memleket menshigine ótkizsek, batys elderindegidei múraǵatymyz da baii beredi, – dep, osyndai qor qazaqtyń ár otbasynda boluy keregin jetkizdi.
Máulen Ánerbai











