Soltangeldi(1) bala kúninen myrza ósken, súńǵyla adam eken. Bir jyly Esenkeldi aǵasyna erip, áskeri attardy kúzetuge shyǵady. Sol kúni qalyń jańbyr bolyp, sheshesi etek-jeńin júryndap, órnektep tigip bergen ton-shalbary qalyń jańbyrdyń áserinen sozylyp, úzara bergen soń jeńi men balaǵyn kesip tastap otyrady. Ertesi kún ysyp, ton-shalbar ábden kepken kezde jeńi men balaǵy qysqaryp, kiyuge kelmei qalypty. Múny kórgen aǵasy Esenkeldi: «Kón qatsa qalybyna keledi» dep inisin júbatqan eken. Keiin búl sóz el arasyna tarap, qanatty sózge ainalyp ketedi.
1) Soltangeldi myrza – Qúdainazar batyrdyń kenjesi, myrzalyǵymen júrt nazaryna ilingen adam.
***************************
Úrker úiden kórinse,
Úsh ai toqsan jazyń bar.
Úrker ińirde jambasqa kelse,
Jaz shyqpaǵanda nesi bar. (1)
********************************
Jeti qaraqshyny ańǵarsań,
Jeti túnde adaspaisyń.(2)
********************************
Sáuir bolmai jauyn bolmas,
Jauyn bolmai qauyn bolmas.(3)
*********************************
Búlt kóp bolsa, jút bolady,
Auru kóp bolsa, qúrt bolady.(4)
*********************************
Tyshqan kóp jyly,
Toqshylyq bolady.
Qoyan kóp jyly,
Joqshylyq bolady.(5)
1,2,3,4,5 búlar Esengeldi batyrdyń auaraiy turaly boljamdary dep aitylady. Qazir el arasynda qanatty sóz bolyp, taralyp júr.
«Tekebai (1) dauǵa bermeidi,
Búlǵynayaq (2) jútqa bermeidi.
Músirbai (3) auruǵa bermeidi,
Qaraǵai (4) jauǵa bermeidi».
1) Tekebai Aǵysúly – Qyzaidyń begimbet ruynan shyqqan zerdeli, sheshen adam.
2) Búlǵynayaq – Qyzaidyń qazymbet ruynan shyqqan aituly boljampaz adam.
3) Músirbai Qatpaúly – qyzyaidyń begimbet ruynan shyqqan ataqty emshi.
4) Qaraǵai batyr – Qyzaidyń derbis ruynan shyqqan jaujúrek batyr.
Derekkóz: Tarih talǵarynda [Mátin] : (Tarihi zertteuler, esse, maqalalar) / A. Omaraqyn- Taldyqorǵan : [b. j.] , 2022.– 500 dana . – ISBN 978-601-7865-39-9 (1-t.), ISBN 978-601-7865-36-8 1-tom .– 287 b., suretti .
https://kazneb.kz/kk/catalogue/view/1657755
“Q-Andas” aqparattyq agenttigi
Jalǵasy bar…











