Biz Tánekeniń Rys atty áielinen (ákesiniń aty Dihanbai) tuǵan kenje úly Qojabekten taraimyz. Qojabek te ákesine tartyp, el bilep, bilik júrgizgen adam. SHamamen 1843 jyldary dúniege kelgen. Eki áieliniń biri Órikten (júmai-kóldei ruynan) tuǵan úlken úly Múqatai (Múhammetkárim) ústalyp, Qojabek búkil auyl aimaǵymen eshqaida ketpei, qarailap júrgeninde ózi de «halyq jauy» degen jalamen tútqyndalyp, 1931 jyly 89 jasynda Almaty qalasynda Abaqtyda atylǵan. Rys ájeiden tuǵan balalar Reseige, Qytaiǵa qashyp, bas sauǵalap, keiin Qytaidan olardyń úrpaqtary qaityp kelip, el ishinde dúniege attandy. Qojabektiń balalary Otan soǵysynda maidanda qan tógip, kóbisi soǵysta qyrshyn ketti. Artynda úrpaq joq (Ahmetkárim, Kenjeqoja jáne t.b.).
Soǵystan jaraly kelip, kontuziya alyp, bir-eki úrpaq qaldyryp, dúnieden ótken Qojabektiń úldarynan (Múqatai, Júmaqan, Múshirátbek) búgingi tańda 3-4 tútin bar. Meniń ákem Múqatai joǵaryda aitylǵandai qashyp-pysyp, 1940 jylǵa deiin Qazaqstannyń talai jerlerin saǵalap, keiin Almaty, Úshtóbe qalalarynda qonys teuip, soǵystan jaraly bolyp qaityp, 1948 jyly 20 qyrkúiekte qaitys boldy.
Gúljan MÚQATAIQYZY, úrpaǵy.
Jariyalandy.Táneke batyr (Tarihi-kópshilik jinaq). – Almaty: 2002. -158 b. -122-124 b.
