ءبىز تانەكەنىڭ رىس اتتى ايەلىنەن (اكەسىنىڭ اتى ديحانباي) تۋعان كەنجە ۇلى قوجابەكتەن تارايمىز. قوجابەك تە اكەسىنە تارتىپ، ەل بيلەپ، بيلىك جۇرگىزگەن ادام. شامامەن 1843 جىلدارى دۇنيەگە كەلگەن. ەكى ايەلىنىڭ ءبىرى ورىكتەن (جۇماي-كولدەي رۋىنان) تۋعان ۇلكەن ۇلى مۇقاتاي (مۇحاممەتكارىم) ۇستالىپ، قوجابەك بۇكىل اۋىل ايماعىمەن ەشقايدا كەتپەي، قارايلاپ جۇرگەنىندە ءوزى دە «حالىق جاۋى» دەگەن جالامەن تۇتقىندالىپ، 1931 جىلى 89 جاسىندا الماتى قالاسىندا اباقتىدا اتىلعان. رىس اجەيدەن تۋعان بالالار رەسەيگە، قىتايعا قاشىپ، باس ساۋعالاپ، كەيىن قىتايدان ولاردىڭ ۇرپاقتارى قايتىپ كەلىپ، ەل ىشىندە دۇنيەگە اتتاندى. قوجابەكتىڭ بالالارى وتان سوعىسىندا مايداندا قان توگىپ، كوبىسى سوعىستا قىرشىن كەتتى. ارتىندا ۇرپاق جوق (احمەتكارىم، كەنجەقوجا جانە ت.ب.).
سوعىستان جارالى كەلىپ، كونتۋزيا الىپ، ءبىر-ەكى ۇرپاق قالدىرىپ، دۇنيەدەن وتكەن قوجابەكتىڭ ۇلدارىنان (مۇقاتاي، جۇماقان، مۇشىراتبەك) بۇگىنگى تاڭدا 3-4 ءتۇتىن بار. مەنىڭ اكەم مۇقاتاي جوعارىدا ايتىلعانداي قاشىپ-پىسىپ، 1940 جىلعا دەيىن قازاقستاننىڭ تالاي جەرلەرىن ساعالاپ، كەيىن الماتى، ۇشتوبە قالالارىندا قونىس تەۋىپ، سوعىستان جارالى بولىپ قايتىپ، 1948 جىلى 20 قىركۇيەكتە قايتىس بولدى.
گۇلجان مۇقاتايقىزى، ۇرپاعى.
جاريالاندى.تانەكە باتىر (تاريحي-كوپشىلىك جيناق). – الماتى: 2002. -158 ب. -122-124 ب.
