Halyq qazynasyna úlken úlesi sińgen, artyna óshpestei iz qaldyrǵan Uálibek Ahmatúly 1948 jyly tuyp, 1995 jyly 47 jasynda qaitys bolǵan.
Jetim qap ákeden de, shesheden men,
Ómirden soqqy kórdim neshe jerden.
Jarym joq jetimderdi jeteleumen,
Júbattym kóńilimdi osy óleńmen, – dep ómirin óleńmen uatqan Uálibek pen aqyn, zertteushi, tarihshy Andas Omaraqyn arasynda qyl ótpeitin dostyq boldy. Andas Omaraqynnyń qoljazbalarynyń arasynan Uálibektiń biraz múrasyn kezdestirip qaldyq. Búl taqyrypqa keiin keńinen toqtalamyz.
Al jarandar, jarandar,
Keńesime qarańdar.
Óter qily zamandar,
Jaqsy da bar, jaman bar.
Túie berseń túimeńe
Alarmandy kúndeme?
Dańdaisyma, dauyryqpa,
Bailyq qonsa irgeńe.
Qúry sesten qaimyqpa,
Juastardy júndeuge.
Asau túser arbaǵa,
Tentek túser túrmege.
Qúr mansapqa qyzyqpa,
Iz qalmaityn birdeńe.
Ótse eken ómirimde alǵa úmtyla,
Jetse eken igi isterim bar júrtyma.
Tilegim til men jaǵym talmasa eken.
Kóz júmyp ketkenimshe máńgi úiqyǵa.
Bólenip taldan igen besikke men,
Sondyqtan taldai júmsaq ósip kelem.
Halqymnyń qanǵa sińgen dástúri bar,
Dosyma etimnen et kesip berem.
Biigi bolmasam da jota-qyrdyń,
Tóskeii bolsam deimin osy auyldyń.
Jat eldiń súltanyna bas úrmaimyn,
Últany bolsam boldy Otanymnyń.

Kúnes audanynyń Aqózen jailauynda ótken aqyndar aitysynda Altai aimaǵynyń aqyny Batimamen aitysqanda:
BATIMA:
- Rizamyn aqynym amanyńa,
Sendei aqyn izdesem tabamyn ba.
Ekinshi ret bas qostyq Aqózende,
SHeksiz alǵys aitamyn zamanyma, – degende
UÁLIBEK:
- Keudeńizge darynyń jatsa syimai,
Kóńilim meniń qalama jaqsy ashylmai.
Aq iyǵy Altaidyń samǵaitúǵyn,
Marqabyldyń ataqty qasqasyndai.
Minezińe sai kelgen núrly júziń,
Qyrdyń qyzyl jiekti basbasyndai.
Aitysqanǵa ózińe at basyndai,
Altyn bersem az bolad at basyndai, – dep qolma-qol jauap beredi.
Sonda BATIMA:
- Aqyn eken aqynym óz elinde,
Jaqsy jandy jatyrqap bezemin be?!
Men ne degen aqjoltai bop otyrmyn,
Sizben kelgen búgingi kezegime.
Ábden qandym kók jailau júparyńa,
Sen Altaidyń kez keldiń súńqaryna.
Qoltyǵymnan demeseń shyn kóńilmen,
Teń kelermin Ileniń túlparyna, – deidi.
Sonda UÁLIBEK:
- Jeńgem ediń Batima shyn saǵynǵan,
Saǵynyshym baiqaldy shyrqaludan.
Aq iyǵym teginde baiqap úshshy,
Qalmai júrme qatuly bir qaǵudan.
Jerde júrsem shynynda túlpar bolam,
Kókte úshsam aqiyq súńqar bolam.
Aq úirektei qaǵarmyn sonda seni,
Aqsúńqarǵa aq úirek ińkár bolǵan.
Aqtalatyn úmit qoi ol qalaida,
Aqyn jyryn múndaida tolǵamai ma?
Bailyǵy artyq jerimniń, ózi kórkem,
Baryp kórgem ana jyl Bolbadaiǵa.
Ortamyzda sondaǵy qart Smekeń,
Úqsaitúǵyn sol bir kez tolǵan aiǵa.
Tarbaǵatai aqyny Zátenmen aitysqanda:
ZÁTEN:
- Qashanda biz jasaimyz halyqpenen,
Halyqpen jasau ózi dańq degen.
Barǵanda bolashaqta Marsqa biz,
Qainyma qúrdyń qyzyn alyp berem, – degende
UÁLIBEK:
- Janyma jaqyn tamam kelshi, kúnim,
Óleńniń samalymen jelpi, kúnim.
Qor qyzy degen atqa jyǵylmaimyn,
Alyp berseń alaiyn eń súluyn, – deidi.
Halyq aqyny álqydyrmen bolǵan aitysta:
ÁLQYDYR:
- Aqyn dep baulyǵanda dańqty elim,
Tuǵan jer maǵan baqyt, shabyt berdiń.
Bop jatyr auylymda kóp jańalyq,
Jasadyń Qúlja audannan balyq kólin, – degende
UÁLIBEK:
- Aitasyń Qúlja audannyń balyqtaryn,
Jegemiz balyǵyńnyń baryp dámin.
Aǵa aqyn bolǵannan soń ei Áleke,
Kelmeidi sizdi sózben aiyptaǵym, – dep sypaiy jauap beredi.
Derekkóz: Doda: (Aitystar men tarihi-etnografiyalyq jyrlary) / A. Omaraqyn ; [qúrastyrǵan: Á. Majai [j. b.] .- Taldyqorǵan : [b. j.]. https://kazneb.kz/kk/catalogue/view/1657687
“Q-Andas” aqparattyq agenttigi











