Q-Andas
No Result
View All Result
  • باستى بەت
  • ولكەتانۋ
    • ءبىلىم
    • دەنساۋلىق
    • سپورت
    • قۋعىن-سۇرگىن
    • تۇلعا تانۋ
    • قورشاعان ورتا
    • حالىق جادى
    • مادەنيەت
    • جەتىسۋ جارتاس سۋرەتتەرى
    • جەتىسۋدىڭ اسيەتتى جەرلەر
    • ادەبيەت
    • شالعاي اۋىل
    • تۋريزم
      • تاريح
    • ەلتانۋ
    • كوشى-قون
    • تۋرنير
  • ارنايى جوبالار
    • بايقاۋ
    • كورمەلەر
    • كونفەرەنتسيا
    • گرانت
    • ەكسپەديتسيالار
  • مۇراعات
    • انداس وماراقىن ىزىمەن
    • اۋەسحان ماجايدىڭ جادىگەرلەرى
    • بەينەفيلم
    • حاتكەرلىك
    • گالەرەيا
  • ءبىز تۋرالى
    • ارىپتەستەر
    • بايلانىس
    • سايت اكىمشىلىگى
    • PDF-مۇراعات
kz Қазақ qz Qazaq tj توتە جازۋ ru Русский en English
Q-Andas
  • باستى بەت
  • ولكەتانۋ
    • ءبىلىم
    • دەنساۋلىق
    • سپورت
    • قۋعىن-سۇرگىن
    • تۇلعا تانۋ
    • قورشاعان ورتا
    • حالىق جادى
    • مادەنيەت
    • جەتىسۋ جارتاس سۋرەتتەرى
    • جەتىسۋدىڭ اسيەتتى جەرلەر
    • ادەبيەت
    • شالعاي اۋىل
    • تۋريزم
      • تاريح
    • ەلتانۋ
    • كوشى-قون
    • تۋرنير
  • ارنايى جوبالار
    • بايقاۋ
    • كورمەلەر
    • كونفەرەنتسيا
    • گرانت
    • ەكسپەديتسيالار
  • مۇراعات
    • انداس وماراقىن ىزىمەن
    • اۋەسحان ماجايدىڭ جادىگەرلەرى
    • بەينەفيلم
    • حاتكەرلىك
    • گالەرەيا
  • ءبىز تۋرالى
    • ارىپتەستەر
    • بايلانىس
    • سايت اكىمشىلىگى
    • PDF-مۇراعات
No Result
View All Result
Q-Andas
No Result
View All Result
باستى بەت ولكەتانۋ حالىق جادى

ازاتتىق ءۇشىن اتقا قونعان

وتىنشى ءالجانوۆ تۋرالى ەستەلىكتەر 1873 جىلى تۋعان (1873-1918)، سەمەي وبلىسى زايسان ۋەزىنىڭ نارىن بولىسىنىڭ (قازىرگى شىعىس قازاقستان وبلىسى) تۋماسى.

admin
2026/03/19
حالىق جادى
0
Азаттық үшін атқа қонған

تۋعان ەلىنىڭ جارقىن بولاشاعى ءۇشىن ءوز ومىرلەرىنەن بۇرىن حالقىنىڭ تاعدىرىنا جانى كۇيىنىپ، سول كۇرەستە شەيىت بولعان ازاماتتاردىڭ ەسىمى ەل تاريحىندا، ۇرپاق جادىندا ماڭگى قالۋعا ءتيىس. ولاردىڭ قاۋىپ-قاتەرگە، تاۋەكەلگە تولى ءومىر جولدارى، جانكەشتىلىك پەن ىزگىلىكتى ىستەرى قاتار جۇرگەن قىزمەتتەرى كوبىرەك ناسيحاتتالسا عانا اتالعان ماقساتقا جەتەمىز. حالقىمىزدىڭ سونداي اياۋلى ۇلدارىنىڭ ءبىرى الاشوردا ۇكىمەتىنىڭ مۇشەسى، سول زامانداعى ءباسپاسوز باسىلىمدارىنا «باباي بۇركىت»، «ورتا ءجۇز» دەگەن بۇركەنشىك اتتارمەن جاريالانىپ تۇرعان وتىنشى ءالجانۇلى ەدى.

وتىنشى ءالجانۇلى جەتىسۋ ولكەسىنىڭ لەپسى ۋەزىنە «ساياسي سەنىمسىز» دەپ ايىپتالىپ، جەر اۋدارىلعانى ءمالىم. سول كەزدىڭ زاڭ ءتارتىبى بويىنشا «ساياسي سەنىمسىز» ادامدارعا بالا وقىتۋعا، اۋدارمامەن، ادۆوكاتتىقپەن اينالىسۋعا تىيىم سالىنعان. سوعان قاراماستان، ول وزىنەن كومەك سۇراي كەلگەندەرگە، اتاپ ايتقاندا، سوت، زاڭ ماسەلەلەرى بويىنشا اقىل-كەڭەس بەرىپ، ولارعا جازباشا ارىزدانۋدىڭ ەڭ ءتيىمدى جولدارىن ۇيرەتىپ وتىرعان. ول 1917–1918 جىلدارداعى دۇربەلەڭ كەزىندە جەتىسۋ ولكەسىن شارپىعان قىم-قيعاش ساياسي شايقاستاردىڭ بەل ورتاسىندا بولدى. ءوز ماماندىعى مۇعالىم بولعانىمەن، اقمولادا، ومبى قالاسىندا وڭىرلىك سوت مەكەمەلەرىندە ءتىلماش بولىپ ىستەگەن قىزمەتتەرىنىڭ ارقاسىندا زاڭ جولدارىن جاقسى ءبىلدى. كوز الدىندا ءوتىپ جاتقان سان ءتۇرلى ادىلەتسىزدىكتەر، قياناتتار، وزبىرلىق پەن قورلىقتار وتىنشىنىڭ ار-ۇيات، نامىس الدىنداعى ارەكەتتەرىنە قاتتى قوزعاۋ سالدى. ول ساياسي كوزقاراستارى قالىپتاسپاعان، ءتىپتى، ساياساتتان مۇلدەم الىس، تابيعاتىنان مومىن، قاناعاتشىل قانداستارىنا قايتكەندە كومەك بەرە الامىن دەگەن ادال نيەتىنەن ەشۋاقىتتا اينىماعان ادام. وتىنشىنىڭ قاتىسۋىمەن «الاشوردانىڭ» اسكەري پولكى جاساقتالىپ، جەرگىلىكتى حالىقتى قان قاقساتقان بولشەۆيكتەردىڭ، اق گۆاردياشىلاردىڭ، بەلوچەحتاردىڭ، كازاكتاردىڭ شابۋىلىنان قورعادى.

وتىنشى ءالجانۇلى ۋاقىتتىڭ اسا ءبىر الاساپىران كەزىندە ءومىر ءسۇرىپ، سانالى، جىگەرلى كەزەڭىن حالقىنىڭ ساۋلەلى بولاشاعىنا ارنادى. وعان جەتە الماي، كەلىسىمگە دە، ساتقىندىققا دا بارماي مەرت بولدى. سوڭعى دەمى شىققانشا ول الاش تۋىن بيىك ۇستاپ، جەلبىرەتىپ كەتتى. سول قاسىرەتتى كۇندەر تۋرالى پۋبليتسيست جازۋشى، ءوزى دە الاش اسكەرىنە جاساق جيناعان اسىل ازامات مىرجاقىپ دۋلاتۇلى «تاعى قۇربان» ماقالاسىن جاريالادى. وندا «وتىنشى الاش جولىندا قۇربان بولدى! قىزىقتى عۇمىرىنىڭ كوبى اباقتىدا، ايداۋدا ءوتتى، بىراق، قىمباتتى وتىنشى، الاشتىڭ كوركەيگەنىن كورە الماي، ارماندا كەتتىم دەمە، سەندەي ۇل تۋعان ەل ەشكىمنەن كەم بولماس»، – دەپ جازعان ەدى.
«ۇلت قىزمەتىندە ءجۇرىپ قۇربان بولعان وتىنشى ءالجانوۆتىڭ مەزگىلسىز قازاسىنا قايعىرامىز. مارقۇم الاشوردانىڭ ءبىر مۇشەسى ەدى، قۇرىلتايدىڭ وكىلى ەدى. الاش بالاسىنا وتىنشىنىڭ شىعىنى باتادى، ورنى ويسىرايدى، اسىرەسە، بالشىقتان كىسى جاساپ الا الماي وتىرعان جەتىسۋداعى اعايىندارعا باسشىسىنان، كوسەمىنەن ايرىلعانى جان اۋىرارلىق ءىس بولدى. تاعدىرعا شارا بار ما؟» – دەگەن جۇسىپبەك ايماۋىتوۆتىڭ ازالى ءسوزى 1918 جىلدىڭ 22 تامىز كۇنى «اباي» جۋرنالىنا باسىلدى.

بىزدەردىڭ، ونىڭ ۇرپاقتارىنىڭ، وتىنشى بابامىز جايىندا تولىق بىلە الماۋىمىز – زاڭدى قۇبىلىس. ول تۋرالى بالالارى – مۇحامەتقاسىم، ياعني، مۇقاش، ءبيبىفاتيما، عالىمجان بالالارىنا ەشنارسە ايتپادى. ايتسا دا ماردىمسىز عانا حابارلار بولدى. ال نەمەرەلەرى – مۇقاشتىڭ قىزدارى ءامينا، ساۋلە – كەڭەس وكىمەتىنىڭ وركەندەپ، داۋىرلەپ تۇرعان زامانىندا ءومىر سۇرگەندىكتەن، شوبەرەلەرىنە وتىنشىداي بابالارى جايىندا تولىق مالىمەت بەرە المادى. اسىرەسە، ءامينا انامىز. الايدا قازاق حالقى نەشەمە عاسىر بويى ارمانداعان تاۋەلسىزدىك تاڭى اتتى، ەل ەگەمەندىگىن الدى. الاشىم دەپ جۇرەگى سوققان باتىرلارىمىز كۇن شاپاعىمەن بىرگە كوتەرىلگەندەي، حالقىمەن قايتا قاۋىشتى. ءباسپاسوز بەتتەرىندە «الاش اماناتى» ايدارىمەن بەرىلگەن ماقالالار كوڭىل قۋانتىپ، جاريالانىپ جاتىر. قازاقستاننىڭ ءار تاراپىندا ءتۇرلى ءىس-شارا ۇيىمداستىرىلۋدا.

كەڭ-بايتاق جەرىمىزدىڭ جايناعان شىعىسى – وتىنشى بابامىزدىڭ كىندىك قانى تامعان جەر. سونىڭ ىشىندە، تابيعاتى ەرەكشە ءۇرجار، ناۋالى، ماقانشى، باقتى – وتىنشى ءالجانۇلىنىڭ ەڭ سوڭعى ايالداعان، جان الىسىپ، جان بەرىسكەن، تابانى تيگەن قاسيەتتى مەكەندەر. وتىنشىنىڭ وي-ماقساتتارى وتە بيىك بولدى، ۇلكەن ۇلى مۇقاش اتامىز سوزگە ساراڭ بولعانىمەن، كەي-كەيدە ءبىر سۋىرتپاقتاي ەستەلىك ايتسا، ونىڭ سوزىنەن وتىنشى بابامىزدىڭ ەرەكشە بولمىسىن بايقاۋشى ەدىك. مۇقاش اتامىز «حالىق جاۋىنىڭ» بالاسى رەتىندە جەر اۋدارىلىپ، قۋعىن كوردى. ءنۇرجاميلا اجەمىزدىڭ ايتۋىندا ەكى ۇلى دا اكەلەرىنىڭ تاعدىرىن قايتالاعان. وتىنشى كوكپەكتىدەن لەپسينسك ۋەزىنە جەر اۋدارىلسا، مۇقاش تا لەپسينسككە قىزىلداردىڭ وكتەمىمەن كەلگەن. بۇل شامامەن 1945-46 جىلدار بولۋى كەرەك. ونىڭ ەكى قىزى ءامينا مەن ساۋلە جاستاي انالارىنان ايىرىلىپ، جەتىمدىك كوردى. ساۋلە اجەسىنىڭ باۋىرىندا وسسە، ءامينا اكەسىمەن بىرگە ول قايدا بارسا، سوندا بولعان. ءباسپاسوز بەتتەرىندە جاريالانعان وتىنشىنىڭ وتباسى سۋرەتىندە اجەسى ءنۇرجاميلانىڭ قاسىندا تۇرعان وتىنشىنىڭ تۇڭعىش نەمەرەسى – نۇرساعيلا، ياعني، ءامينا. سۋرەت بىشكەكتە، 1932 جىلى تۇسىرىلگەن. سوندا ءامينا انامىزدىڭ جاسى 6-دا، ساۋلە سۋرەتتە جوق، ول ءالى ءسابي، بار بولعانى 1-دە. وسى دەرەكتىڭ ءوزى كوپ نارسەنى اڭعارتقانداي. اناسىز وتكەن بالالىق شاق، ۇنەمى ۇرەيمەن كەلەتىن كۇندەر مەن تۇندەر…
ءسويتىپ، ءامينا اكەسىمەن ءار قالادا 1942 جىلعا دەيىن بىرگە بولادى. 1942 جىلى مۇقاش سوعىسقا سۇرانىپ كەتەدى دە، ءامينا اجەسىمەن قالادى. مۇقاش اتامىزدى 1944 جىلى مۇگەدەكتىگىنە بايلانىستى اسكەردەن بوساتىپ، ەلگە قايتارعان. وسىدان كەيىن ول لەپسينسككە كەتكەن. اكەسىنىڭ حابارىن ەستىگەن سوڭ قىزى ءامينا ونى ىزدەپ، جولعا شىعادى. ول ۋاقىتتا جاسى 18-گە كەلىپ قالعان بويجەتكەن كەزى، ورىس ءتىلىن وتە جاقسى مەڭگەرگەن، سول ۋاقىت ءۇشىن ەداۋىر ءبىلىمى بار ادام. بىراق اكەسى كەتكەن جەتىسۋ ءوڭىرىن دۇرىس بىلمەيدى، سۇراي كەلە، لەپسى ستانسىسىنا جەتەدى. الايدا لەپسينسك قالاسى جاسىل كول ماڭىندا، ال بۇل لەپسى تەمىرجول بەكەتى، ياعني، ەكەۋى ەكى بولەك ەلدى مەكەن بولاتىن. ءامينا وسىلايشا جەتتىم دەپ ەسەپتەپ، لەپسىدەن ءتۇسىپ قالادى. اۋداندىق وقۋ بولىمىنە بارىپ، ءجون سۇراعانىندا، قىزمەتكەرلەر وعان بۇل جەر ول ىزدەپ كەلگەن لەپسينسك قالاسى ەمەس، لەپسى ستانسىسى ەكەنىن ايتادى. ول قانشا قاپالانسا دا، ءارى قاراي كەتە الماعان. «جازمىشتان وزمىش جوق» دەگەندەي، ول سول ماڭداعى «ۇلگى» اۋىلىنا مۇعالىم بولىپ كەلەدى. كەيىن مۇقان تولەباەۆتىڭ تۋعان ءىنىسى ءابىلماجىن تولەباەۆپەن قوسىلىپ، شاڭىراق كوتەرگەن. وسىلايشا تارىداي شاشىلعان وتىنشىنىڭ ۇرپاقتارى زامانىنىڭ سۋىق جەلىمەن جاپىراقتاي ۇشىپ جۇرە بەرگەن.

انامىزدىڭ كوز جاسىنا يە بولا المايتىنىن، ونىڭ سەبەپتەرىن بىزدەر كەش تۇسىندىك. جالپى ءوزى كوپ وكپە ارقالامايتىن، كەشىرىمشىل، اسەمدىكتى، جاڭالىقتى جاقسى كورەتىن ادام ەدى. ناعاشى جۇرت كىمگە دە بولسا، ىستىق، قىمبات قوي. بۇل تۋرالى مەن ءوز اناما دا، ساۋلە تاتەمە دە سانسىز سۇراق بەرەتىنمىن. ءامينا انامنىڭ جايىن بايقاعان سوڭ، سۇراقتار ساۋلە تاتەمە كوبىرەك قويىلدى. مەن وعان قاتتى ريزامىن، وتىنشى اتامىزدىڭ جەتى اتاسىنا دەيىن قالاي تارالعانىن اڭگىمەلەيتىن. وعان جاسىندا اجەمىز جاتتاتقان، ول كادىمگىدەي تاقپاقتاپ، انمەن ايتىلادى. ساۋلە تاتەمىز سونى ءدال ايتىپ جەتكىزدى. بۇل دەرەكتى ءوزىنىڭ جازىپ، جارىققا شىعارىپ كەتكەن «وتىنشى ءالجانوۆ» دەگەن كىتابىنا ەنگىزدى. ساۋلە ءالجانوۆا كوزى تىرىسىندە باباسى وتىنشى تۋرالى ەكى ەڭبەكتى جازىپ، جاريالادى. ارتىنداعى ۇرپاقتارى – بىزدەر ءۇشىن بۇل ەڭبەكتەر اسا قۇندى.

بىردە انامىز امينامەن ەمەن-جارقىن اڭگىمەلەسىپ وتىرعاندا: «ءبىزدىڭ اكەلەرىمىز بەن قۇنانبايدىڭ اراسىندا تۋىستىق بار»، – دەپ قالدى. بۇل وتكەن حح عاسىردىڭ 80-جىلدارى بولاتىن. مەن اڭ-تاڭ بولىپ: «قويشى، تاتە، كادىمگى اباي قۇنانباەۆتىڭ اكەسى قۇنانبايدى ايتىپ وتىرسىز با؟» – دەدىم. ارينە، سەنىڭكىرەمەي وتىرعانىم بەلگىلى بولىپ قالدى. بۇل تاقىرىپ ەش ۋاقىتتا كەڭىنەن قوزعالمايتىن، انامىز جۇرەگىنە وتە جاقىن قابىلداپ، وزىنە-ءوزى يە بولا المايتىندىقتان، كوپ قاۋزامايتىنبىز. بۇل جولى ءوزى باستادى، مۇمكىن، ىشىنە سىيماي، اۋزىنان قالاي شىعىپ كەتكەنىن بايقاماي قالدى-اۋ دەيمىن. «ايتسام، سەنبەيسىڭدەر، م.اۋەزوۆتىڭ «اباي جولى» ەپوپەياسىنداعى ىزعۇتتى ءبىزدىڭ ۇلكەن اتامىز بولادى»، – دەدى. مىنە، كەرەمەت! نە دەرىمدى بىلمەي، ءسال كىدىرىپ بارىپ، اكەمە قارادىم. ول كۇلىمسىرەپ وتىردى دا: «تاتەڭ ايتا بەرەدى عوي»، – دەگەندە، مەن دە ماناعىدان گورى باسىلىپ، ايتا بەرەدىگە سەندىم بە، ءۇنسىز قالدىم. بىراق، انامىز ءبىزدىڭ ەندىگى جەردە بىلگەنىمىزدى قالادى ما: «جوق، ايتا بەرمەيمىن عوي، شىن مانىندە سولاي»، – دەپ جالعاستىردى. – ىزعۇتتىنى قۇنانبايدىڭ ءوزى قالاپ، باۋىرىنا باسقان. ول توبىقتىلارعا بارعان سوڭ بارىسى وڭ بولسىن، ءىزى قۇتتى بولعاي دەگەن ويمەن ەسىمىن ىزعۇتتى قويعان. ۇلكەن بابامىز نۇراننىڭ ۇلى ساقاۋدان، شىن اتى مۇحامەتجاننان ىزعۇتتى تۋعان. اناسى قۇنانبايدىڭ تۋعان قارىنداسى مولدا اپامىز – تايبالا. ىزعۇتتى وتە اقىلدى، مىنەزگە باي، تۋىسقا مەيىرىمدى ادام بولىپتى. قۇنانباي مەككەگە بارىپ، اۋىرىپ قالعاندا قاعبانىڭ مەشىتىنە قۇنانبايدى ارقالاپ كىرگىزىپتى. مەككەنىڭ باسىندا قۇنانباي مۇسىلمان بالاسى ءۇشىن ءۇي سالدىردى دەگەندى بىلەسىڭدەر. ارابتىڭ ءدىن باسىلارى ءۇي سالۋعا جەر بولمەستەن بۇرىن كىمسىڭدەر، قانداي ەلدەن كەلدىڭدەر دەپ سۇراعان. بۇلاردىڭ قازاقپىز دەگەنىنە تاڭىرقاپ: «قاعازدارىڭدا قىرعىز دەپ تۇر عوي، ءتىپتى، مۇسىلمان ەمەس شىعارسىڭدار، قازاق، مۇسىلمان دەگەندەرىڭدى دالەلدەيتىن قۇجات بار ما؟ ول بولماسا، قوناقۇي سالۋعا رۇقسات بەرىلمەيدى، سول قۇجاتتى اكەلۋگە ءبىر جىل مەرزىم بەرەمىز، سەندەر كەپىلدىككە نە بەرەسىڭدەر؟»، – دەيدى. سوندا قۇنانباي ىزعۇتتىنى كەپىلدىككە بەرىپتى. قۇنانباي ادامدارىن ەلگە جىبەرەدى، ولار ءبىر جىل وتكەنشە ءتيىستى قاعاز، قۇجاتتاردى كوپ قيىندىقپەن تاۋىپ اپارعان. سولاي قوناقۇي سالىنعان. مەنىڭ اتا-بابالارىمنىڭ وسىنداي ىستەرگە قاتىستى بولعاندارىن ماقتان ەتەمىن. ولاردىڭ ايتىلار ۋاقىتى كەلەدى ءالى. ازىرگە سەندەر بىلە بەرىڭدەر، ماعان رەنجىمەڭدەر، ۇزاق ۋاقىت ءتىس جارمادىم. دەنساۋلىعىم دا ناشارلادى، وكىنبەيىن دەپ ايتىپ وتىرمىن»، – دەپ بارىپ توقتادى.
اكەمىز ونىڭ وسى تاقىرىپتا كوپ سويلەمەۋىن ويلايتىن. سەبەبى، انامىزدىڭ قان قىسىمى كۇرت كوتەرىلىپ كەتەتىن. ءبارىنىڭ سەبەپ-سالدارىن كەيىن بىلەمىز عوي. مىنا جاعدايلاردى ەستىگەندە ناعاشىلارىمنىڭ ناعاشى جۇرتى توبىقتى، اۋزى دۋالى قۇنانباي قاجىنىڭ رۋحىنا باسىمدى ءيدىم. «بىلگەنىم – ءبىر توعىز، بىلمەگەنىم – توقسان توعىز» ەكەنىن ۇقتىم. ۋاقىت شىركىن اڭداتپاي ءوتىپ جاتسا دا، كەشتەۋ ءتۇسىنىپ، بىلگەنىمە ريزامىن.
انامىز ايتقان ىزعۇتتىنىڭ كەپىلدىككە بەرىلۋى تۋرالى مەن الماتىدان 2006 جىلى «قاجىلار كەرۋەنى» سەرياسى بويىنشا جارىققا شىققان ءسابيت سالقىنۇلى اتتى ازاماتتىڭ «دوسجان حازىرەت» كىتابىنان مالىمەت كەزدەستىردىم. كىتاپتىڭ 100 بەتىندە: «مۇمكىن، سەندەر كاپىر شىعارسىڭدار؟ كانە، مۇسىلمان ەكەندەرىڭدى دالەلدەيتىن قۇجات اكەلىپ تاپسىرىڭدار». تالاپتى ورىنداۋعا ءبىر جىل مەرزىم بەرەدى. ىزعۇتتىنى كەپىلدىككە الادى. ول – قۇنانبايدىڭ اسىراپ العان بالاسى»، – دەيدى. ارينە، مۇنداي دەرەكتىڭ ەلگە تارالىپ، وسىلاي كورىنىس تاپقانىنا قۋانىشتىمىن.
وكىنىشتىسى، وتىنشى اتامىزدىڭ ءبىز بارىپ، قول جايىپ، قۇران باعىشتايتىن جاتقان جەرىنىڭ، بەلگىسىنىڭ جوقتىعى. بۇل – ەڭ ۇلكەن وكىنىش. تاعى ءبىر قيىن نارسە، ءۇرجار ەلىنە اتالارىنىڭ ەسكەرتكىشى ورناتىلعانىن ءامينا دا، ساۋلە دە كورە المادى. الايدا ۇلىم دەگەن قۇشاعى كەڭ ەلى باردا، قازاق دەگەن تاريحى تەرەڭ وتانى باردا وتىنشىداي اسىلدار ماڭگى ءتىرى بولارى ءسوزسىز. وزىنە ءوزى ايتقانداي، الاشتىڭ قىران بۇركىتى وتىنشى جەتىسۋدىڭ دا جەرىن باسىپ، ونىڭ ەل-حالقىنا قامقور بولىپ، قىزمەت ەتتى.

وتاندى ءسۇيۋ، ەلدىكتى ساقتاۋ، ەل ازاماتى، پاتريوتى بولۋ دەگەن ۇلى ۇعىمدار وسىنداي اسىلدارىمىزدى دارىپتەۋدەن باستالماي ما؟! بۇگىنگى ۇرپاق ءۇشىن وتىنشى ءالجانۇلىنىڭ ءجۇرىپ وتكەن جولى تۇنعان ونەگە. ءسوز سوڭىندا جازىقسىز جالا جابىلىپ، قۋدالاۋعا ءتۇسىپ، جاپا شەككەن ارىستارىمىزدى ۇمىتپايىق دەگىم كەلەدى.

 

مايرا تولەباەۆا،
وتىنشى ءالجانۇلىنىڭ شوبەرەسى
اقتاۋ قالاسى،

ماڭعىستاۋ وبلىسى.

جاريالاندى. -تالدىقورعان:«جەتىسۋ» گازەتى.№24.2018. 3 ب.

5 1 vote
Рейтинг статьи
Post Views: 19
Ақиқат айтылмай қалды
حالىق جادى

اقيقات ايتىلماي قالدى

August 12, 2026
Байырша Абылайхановтың беймәлім тағдыры
حالىق جادى

بايىرشا ابىلايحانوۆتىڭ بەيمالىم تاعدىرى

August 10, 2026
Айбат
حالىق جادى

ايبات

August 4, 2026
Келмеске кетсін сол зұлмат…
حالىق جادى

كەلمەسكە كەتسىن سول زۇلمات…

July 31, 2026
ЖАРКЕНТ ӨҢІРІНДЕГІ «АЛЖИР»
حالىق جادى

جاركەنت وڭىرىندەگى «الجير»

July 30, 2026
Екпемен елін сақтаған…
حالىق جادى

ەكپەمەن ەلىن ساقتاعان…

July 27, 2026
Subscribe
Login
Notify of
guest
guest
0 комментариев
Oldest
Newest Most Voted
Inline Feedbacks
View all comments
ӨЛКЕ ШЕЖІРЕСІН СӨЙЛЕТКЕН ҚАЛАМГЕР

ولكە شەجىرەسىن سويلەتكەن قالامگەر

November 9, 2026

«Бекзат өмір»: өнерге арналған еңбек

«بەكزات ءومىر»: ونەرگە ارنالعان ەڭبەك

November 7, 2026

Өлке тарихы ұрпаққа аманат

ولكە تاريحى ۇرپاققا امانات

October 23, 2026

ЖАҢА ҚАҒИДА?  «Әлеуметтік кәсіпкерлерге жаңа талаптар түсіндірілді»

جاڭا قاعيدا: «الەۋمەتتىك كاسىپكەرلەرگە جاڭا تالاپتار ءتۇسىندىرىلدى»

October 13, 2026

Жұмыспен қамту тәртібінде не өзгерді?

جۇمىسپەن قامتۋ تارتىبىندە نە وزگەردى؟

October 12, 2026

Ақпараттық агенттігі

Меншік иесі: “Жетісу” өлкетанушылар орталығы” қоғамдық бірлестігі
Қазақстан Республикасы, Жетісу облысы, Талдықорған қаласы “Болашақ” шағын ауданы, 12-27

Q-Andas желілік басылымы Қазақстан Республикасы Ақпарат және коммуникация министрлігі Ақпарат комитетінде 2025 жылғы 19 наурызда тіркеліп, № KZ21VPY00115275 куәлігі берілген.

Сайт материалын пайдалану үшін редакция келісімі керек және гиперсілтеме жасау міндетті.

Тел: 8 747 706 1382
email: andas_kazhet@mail.ru

qandas.kz © 2026. Барлық авторлық құқық заңмен қорғалған.

  • tjتوتە جازۋ
    • kz Қазақ
    • qz Qazaq
    • tj توتە جازۋ
    • ru Русский
    • en English
  • باستى بەت
  • ولكەتانۋ
    • ءبىلىم
    • دەنساۋلىق
    • سپورت
    • قۋعىن-سۇرگىن
    • تۇلعا تانۋ
    • قورشاعان ورتا
    • حالىق جادى
    • مادەنيەت
    • جەتىسۋ جارتاس سۋرەتتەرى
    • جەتىسۋدىڭ اسيەتتى جەرلەر
    • ادەبيەت
    • شالعاي اۋىل
    • تۋريزم
      • تاريح
    • ەلتانۋ
    • كوشى-قون
    • تۋرنير
  • ارنايى جوبالار
    • بايقاۋ
    • كورمەلەر
    • كونفەرەنتسيا
    • گرانت
    • ەكسپەديتسيالار
  • مۇراعات
    • انداس وماراقىن ىزىمەن
    • اۋەسحان ماجايدىڭ جادىگەرلەرى
    • بەينەفيلم
    • حاتكەرلىك
    • گالەرەيا
  • ءبىز تۋرالى
    • ارىپتەستەر
    • بايلانىس
    • سايت اكىمشىلىگى
    • PDF-مۇراعات

© 2025 qandas.kz

wpDiscuz