وبلىستا جىل باسىنان بەرى 261 ءورت وقيعاسى تىركەلگەن. ءتىلسىز جاۋدىڭ باسىم بولىگى تۇرعىن ۇيلەردەن شىعىپتى. ونىڭ نەگىزگى سەبەپتەرى ەلەكتر جابدىقتارىن پايدالانۋ تالابىن بۇزۋ جانە پەشتى قولدانۋ كەزىندە قاۋىپسىزدىك ەرەجەلەرىن ساقتاماۋدان تۋىندايتىن كورىنەدى. اسىرەسە، جارىق جەلىسى توزعان كونە ۇيلەردىڭ ەرەكشە باقىلاۋعا العان ءجون سياقتى.
قازىر ايماقتا قىسقى جىلىتۋ ماۋسىمىنا دايىندىق جۇمىسى قاۋىرت ءجۇرىپ جاتىر. وسىعان وراي، ۇيىمداستىرىلعان ءورت قاۋىپسىزدىگى ايلىعى اياسىندا ماماندار ۇيلەردى ارالاپ، قاۋىپسىزدىك تالاپتارىن تۇرعىندارعا تۇسىندىرۋدە. سول بارىستا الەۋمەتتىك وسال وتباسىلارعا دا تيىسىنشە كومەك كورسەتۋ قاراستىرىلعان.
قاۋىپسىز ءومىر ءسۇرۋ ءار ادامنىڭ وزىنە بايلانىستى دەسەك تە تۇرعىندار دا قىس تۇسكەنشە پەشتەرىن تەكسەرىپ، مۇرجانى تازالاپ، جارىقتاردى بىتەۋ جانە ەسكىرگەن ەلەكتر سىمدارىن اۋىستىرعانى دۇرىس. بۇل جەكە تۇرعىن ۇيلەر ءۇشىن دە، ەل اماندىعى، جۇرت تىنىشتىعى ءۇشىن دە ماڭىزدى قادام.
بۇل تۋرالى ماماندار پىكىرىن تومەندەگى ۆيديودان بىلە الاسىز؟
Посмотреть эту публикацию в Instagram
ايسۇلۋ باۋىرجانقىزى
“Q-Andas” اقپارات اگەنتىگىنىڭ ءتىلشىسى.











