Облыста жыл басынан бері 261 өрт оқиғасы тіркелген. Тілсіз жаудың басым бөлігі тұрғын үйлерден шығыпты. Оның негізгі себептері электр жабдықтарын пайдалану талабын бұзу және пешті қолдану кезінде қауіпсіздік ережелерін сақтамаудан туындайтын көрінеді. Әсіресе, жарық желісі тозған көне үйлердің ерекше бақылауға алған жөн сияқты.
Қазір аймақта қысқы жылыту маусымына дайындық жұмысы қауырт жүріп жатыр. Осыған орай, ұйымдастырылған өрт қауіпсіздігі айлығы аясында мамандар үйлерді аралап, қауіпсіздік талаптарын тұрғындарға түсіндіруде. Сол барыста әлеуметтік осал отбасыларға да тиісінше көмек көрсету қарастырылған.
Қауіпсіз өмір сүру әр адамның өзіне байланысты десек те тұрғындар да қыс түскенше пештерін тексеріп, мұржаны тазалап, жарықтарды бітеу және ескірген электр сымдарын ауыстырғаны дұрыс. Бұл жеке тұрғын үйлер үшін де, ел амандығы, жұрт тыныштығы үшін де маңызды қадам.
Бұл туралы мамандар пікірін төмендегі видиодан біле аласыз?
Посмотреть эту публикацию в Instagram
Айсұлу Бауыржанқызы
“Q-Andas” ақпарат агентігінің тілшісі.











