Сарқан ауданының Черкасск ауылдық округіне қарасты Теректі ауылына барып, тұрғындармен пікірлесіп, басылымның №50 (19333) сенбі, 2024 жылғы 27 сәуір санының 3-бетінде «Түбі бір түлейтін ауыл» атты мақалада жарияланғанбыз. Сол мақалада Теректі ауылының маңындағы сақ қорғандарын мемлекеттік тізімге алу туралы мәселелер бойынша Жетісу облысының тарихи-мәдени мұраларды қорғау жөніндегі орталығының директоры Ғалымжан Оспановтың атына өтініш жолдап едік. Сол өтінішке жауап келді.
Хатта: «Жетісу облысының тарихи-мәдени мұраны қорғау жөніндегі орталығының мамандары мамыр айынан бастап Сарқан ауданы аумағында тарихи және мәдени ескерткіштерге мониторинг жұмысын жүргізеді. Аталған жұмыс барысында хатта көрсетілген ескерткіштерге зерделеу жұмысын жүргізіп, тарих және мәдениет ескерткіштері санатында жатса, мемлекет қорғауға алынатын болады» делінген.
Әрине, даласы тарихи ескерткіштерге бай Жетісу жерінде әлі де назарға ілінгбеген нысандардың бар екені анық. Дегенмен де облыстық тарихи-мәдени мұраларды қорғау жөніндегі орталығы да тынымсыз жұмыс атқөарып келеді. «Jetisу» газеті көтерген мәселеге түсіністік танытқаны үшін алғысымыз мол. Ал өтінішіміз орындалатынына сенімдіміз.
Бұл мәселе алдағы уақытта да басылымның назарында болады.
Қажет Андас
