Бұл маңдағы жартас суреттеріне қола дәуірінің бедерлі бейнелерінің қатарына біздің жыл санауымыздан 2500-3000 жыл бұрын салынған әскери арбаның, антропоморфты күн басты адамның, аңдардың суреттері жатадаы.
Халықаралық Азия дауысы ән байқауының нышанына айналған Қарбастау тауындағы антропомофты күн басты адамды алғаш Египет барельефтерінде пайдаланылғаны жөнінде туристерге қосымша ақпарат беру топ серуеннің танымдық маңызын арттыруға мүмкіндік береді. Оның солтүстік Америкадағы Колумбия үстіртінде, Солтүстік Африка мен Моңғолияда кездесуін қола дәуіріндегі Ұлы қоныс аударулармен байланыстыруға болады.
Қарбастау тауындағы сақ-скифтер өнерінің негізгі бөлігін хайуанаттардың бір-бірімен арпалысуы, мергенің садақ пен аң атып тұрған сәттері сияқты қозғалыс үстіндегі бейнелер құрайды. Петрогифтердегі қозғалыс аңдардың ғана емес, сол кезеңдердегі Жетісу өңірін мекендеген халықтардыңни сенім-нанымдарын көрсетеді. Таңбалыда кездесетін суреттердің қатарына мамыражай бейбіт өмірді айғақтайтын аяқтарын бүгіп жатқан құжаның суретін жатқызуға болады.
Қажет Андас,
өлкетанушы-журналист.
Еркін ТОҚПАНОВ,
Өлкетанушы, География ғылымдарының кандидаты. І. Жансүгүров атындағы ЖУ Жаратылыстану ғылымдары бойынша білім беру бағдарламаларының оқытушы-дәріскері.
