


Ornalasqan jeri: Jetisu oblysy, Panfilov audany, Qońyróleń auyldyq okrugi qarasty Qaishynyń beli atalatyn jerde.
Zerttelui: ólketanushy qali Ibraiymjanov zerrtep júr.
Sipattamasy: Esigi shyǵysqa qaraǵan keseneniń aldyńǵy qas betiniń úzyndyǵy shamamen 10 m, al, eni 8-9 m qúraidy eken. Biiktigi qazirgi qiraǵan kúiindegi qalpynda 8-9 metrdei, qúlaǵan kúmbezimen qosa eseptegende jalpy biiktigi 12-13 metrdei bolady-au shamasy. Irgetasynyń qalyńdyǵy 1 m juyq, qabyrǵa qalyńdyǵy 0,70 sm bolady. Uaqyt tezine shydamai qatty búlingenine bailanysty syrtqy qasbettiń órneginiń qandai bolǵandyy belgisiz. Al, ishki jaǵy úshy joǵary qaraǵan júrekshe sekildi kúidirilgen qyzyl kirpishpen birtegis ásemdelip órilipti. Qoldanylǵan qúrylys zattaryna kelsek: aǵash, topyraq, kirpish arasynda biriktirushi lai ornyna aq súr alebastrǵa úqsas belgisiz qospa jáne kúidirilgen qyzyl kirpishter jatady. Aq súr qospa alebastrǵa úqsas bolǵanymen salmaǵy jeńil jáne beriktik qasieti áli de myqty saqtalypty. Kúidirilgen qyzyl kirpishtiń kólemderi ártúrli bolyp kelgen eki túri paidalanylypty:
1). 0,27 h 0, 14 sm, qalyńdyǵy – 0,07 sm;
2). 0,25 h 0,25 sm, qalyńdyǵy – 0,05 sm;
Ańyz-áńgime
ÁRUAQ SYILAU – ATA DÁSTÚR
Juyrda ǵana úzaq jyldar Almaty oblysy ákimshiliginde basshylyq qyzmette bolǵan, el basqaru isiniń tájiribeli bilgiri jáne 1993-1995 jyldary Joǵarǵy Keńes tóraǵasy Ábish Kekilbaev aǵamyzdyń senimdi serigi bolyp, «Is basqarushy» lauazymyn atqarǵan bilikti maman, qazirgi tańda aimaqqa tanymal kásipker Amantai Kódekov aǵamyz naǵashy júrty – SHyny bi, Ótegen, Úsen bolys atalarynyń basyn kóterip, kúmbezin qorshap, keiingi úrpaqqa úlgi-ónege bolarlyq sauapty is jasady. Bir qauym el-júrtty jinap Aqjazyq auyly meshitiniń qatymhanasynda áruaqtarǵa arnap úlken as berdi.
Qyrkúiek aiynyń ekinshi senbisi. Aty kúz demeseń janǵa jaily aua raiy, shuaǵyn tókken kún núrymen astasyp tamyljyp-aq túr. Qońyr salqyn samal jel janyńdy jadyratady. Áriptesim Molot aǵa ekeumiz qalamyzdaǵy eńseli meiramhana «Medettiń» aldynda jolyǵyp, jeńil kólikterimizdi sol jerge shegerdik. Odan árige audandaǵy aituly kásipker Ákimjan Múqataiúlynyń jol talǵamaityn «Djip» kóligine auysyp minip, Kóktaldyń ainalma jolyna keldik. Búl jerde Amantai Kódekov aǵamyz bastaǵan, Qazaqstannyń Halyq jazushysy Beksúltan Núrjekeúly qoshtaǵan alashtyń ardaqtylary – Kádirbek Segizbaev, Igen Manasov, Baitúrsyn Ómirbekov, akademik Aibyn Tórehanov, audan ákiminiń orynbasary Qanat Dosmailov, taǵy basqa kileń aimańdai jaqsylar kútip túrǵan topqa kelip qosylyp, amandyq-saulyq súrasyp, máre-sáre boldyq.
Bas-ayaǵy jarty saǵattan asa uaqyt aralyǵynda taǵy kelip qosylǵan qonaqtarmen jinalyp, túgendelgen soń jiyrmaǵa juyq jeńil máshineler kerueni soltústiktegi Qaishynyń Beline bet túzedik. Negizgi maqsat Amantai aǵamyzdyń naǵashylary – Suannyń Soltanǵúl ruynan shyqqan Ótegen, SHyny bi, Úsen bolys atalary men birqauym tuǵandary jerlengen Qoskúmbezge baryp áruaqtarǵa arnap qúran baǵyshtau.
Dál osy jerde tanym-túsinigi jan-jaqty tereń, ónerden de qúr alaqan emes audanymyzdyń aituly azamaty Bolatjan Qojahmetov aǵamyz bizdiń kólikke auysyp minip, qyzu áńgime bastaldy. Aqjazyqtan shyǵyp Qoibynǵa deiingi aralyqta tau jaqty qolymen núsqap, jer-su attaryn tizip shyqty. Odan árige tauǵa velosipedpen barǵany jáne bala kezindegi qoi baǵyp kele jatqan atasynyń aldynan shyqqandaǵy keremet saǵynyshty sátterdi eske aldy. Jáne bir jinalysta atasynyń Hrushevti «Ol tazdy nemenege qaita-qaita aita beresińder!» dep tildep, isti bola jazdaǵany turaly da aityp ótti. Molot aǵa da qalysar emes, Keńes dáuirindegi bilik pen halyq arasynda beleń alǵan nebir keleńsizdikter turaly naqty dáleldermen, aiy, kúni jylyna deiin táptishtep aituda. Bizder, rulьdegi Ákimjan aǵa ekeuimiz áńgime tyńdaushy.
Qoibyn shatqaly bitip, Qońyróleńge barar joldan oń qaptalǵa búrylyp tauǵa qarai tura tarttyq. Bolatjan aǵa taǵy tanystyruǵa kóshti:
– Sol jaǵymyzdaǵy mynau «Aty joq taudyń» anau eteginde quysta bazy bar, sol jerde balbal tas bar, – degen habarlamasyna ishtei quanyp qaldym. Árine, ólketanushy bolǵan soń bizder úshin ol degenińiz úlken jańalyq qoi…
– Al, myna oń jaǵymyzda Irgetau, arǵy jaǵy Dolańqara, aldymyzda suy aǵyp jatqan Qostal, osydan ármen qarai Qaishynyń Beline ketip baramyz. Ondaǵy barar jerimiz jergilikti qazaqtar Qoskúmbez ataityn, búgingi bárimizdiń basymyzdy qosyp otyrǵan Amantaidyń arǵy-bergi naǵashy atalary bolyp keletin Suan ishindegi Soltanǵúldyń Tailaǵynan shyqqan Ótegen ata, SHyny bi men Úsen bolystar jerlengen jer. Ol kúmbezderdi kezinde Úsen bolys saldyrǵan eken, – dedi bizderge qiyalai kóz qiyǵyn tastap…
– Jalpy Soltanǵúldan – Tailaq, Túgel, Úzaq, Nazar degen tórt bala taraidy, – dep aǵamyz endi shejirege kóshti. – Sol Nazardyń bir balasy Qúttybaidyń úrpaqtary auylda túrady, bizder Táttibaidan taraimyz, ol kisi meniń besinshi atam bolady. Jáne bir qyzyǵy anau Lesnovkanyń (qazirgi Taldy auyly) basynda Qojbambet bidiń kesenesi, odan bergi osy Qoskúmbez, osy jerden batysqa qarai bizdiń Táttibai babamyzdyń jaqyn syilas dosy bolǵan Qaramende Maldybai bi men Qońyróleńniń bergi jaǵyndaǵy Albannyń Qońyrbóriginiń ataqty adamynyń ziraty, bári oisha jobalap qarasańyz bir syzyqtyń boiynda jatqanyn bireu bilse, bireuler bilmeidi, – dep mańǵazdana jauap qatty.
Sóitti de Bókeń jan-jaǵyna shattana kóz tastap, qanatyn qomdaǵandai boldy, shamasy shabyty oyandy-au deimin:
– Eh, dombyra bolsa ǵoi, dombyramen jaqsy keledi, – dep aldy da, jyrlai jóneldi.
«SHabdar atty shal qazaq,
Malymdy alsań, al qazaq!
Janymdy qoi qu qazaq,
SHabdar atty shal qazaq!
Úzyn múrt Úzaq batyr babamyzdyń kezinde qalmaqty qazaqtar shappai ma, sondaǵy bir qalmaqtyń óziniń dombyrasymen batyr qazaqqa aitqan nazy eken», – dedi dauysyn ekpindete ándetip. Odan árige:
«Meni qalmaq demeseń,
Ouuu minim bar ma?
Bylǵarydan janymda qynym bar da
Ai, Oqailym-au, Oqailym», – dep qalmaq jigittiń qazaq qyzǵa ǵashyq bolǵandaǵy shyǵarǵan áni eken-di aityp, bar ashyq dauyspen taǵy bir ándetti aǵamyz. «Álgi qazaq jigiti Dudaraiǵa ǵashyq bolǵan orys qyzdyń mahabbaty siyaqty án ǵoi. Áueni de, sózi de ádemi edi, átteń úmytyp qalyppyn, bar esimde qalǵany osy eken» – dedi ándi ayaqtaǵan aǵamyz ókinishti keiippen. «Búndaǵy «Oqailym» sózi óziniń qalmaqtyń tiline keltirip, erkeletip at qoiǵany boluy kerek» – dedi qysqasha túsinik berip.
Odan árige de aǵamyzdyń ainalamen tanystyru sharasy óz jalǵasyn tauyp jatty retimen:
– Oń jaǵymyzda elder «túrli aurularǵa shipalyq qasieti bar» dep iship júrgen áigili emdik sudyń bastauy. Endi aldymyzda kezdesetini Almatynyń Esigindegi obalarǵa úqsas tóbeler jiyntyǵy, odan árige Yrǵaily, qasynda Kókbastau degen jer bar. Jáne mynau oń jaǵymyzda Keńes dáuirinde «Kóktal qoi sovhozy» bolyp dúrildep túrǵan kezde jazdyń kúni otar-otar qoi qyrqatyn «punkt» bar edi, qatarynda qoidy «kúpkige» salatyn jeri bolǵan. SHamamen, júzge juyq adam júmys jasaityn. Áne, sonyń qiraǵan júrnaǵy ǵana qalypty ǵoi, – dedi Bókeń aldyńǵy jaqqa qolyn núsqap. – Endi osy mańnan tura Kóktalǵa túsip ketuge bolady, – degendi qosyp aitty. Sodan qaita túzelip otyrdy da:
– Aldymyzda, – dedi betin soltústik-shyǵysqa búryp, tau jaqty núsqaǵan qalpy: – Anau túrǵan Aqqaiqy, endi odan árige eń shettegi kórinip túrǵan eki tau – Úlken Barkórneu jáne Kishi Barkórneu, – dep tanystyrdy. Men Yrǵaily saidaǵy qúpiya jazulardy aityp edim, Molot aǵa Naizatapqan arasanynyń ańyzy turaly áńgimesin jiberdi.
Sóitip áńgimeniń qyzyǵynda otyryp Qoskúmbezge de qalai jetkenimizdi bilmei qaldyq. Aralap kórdik, qaita qalpyna keltiru, qorshau júmysy óte sapaly jasalypty. Kire beristegi tóbesi jabylǵan, qúran baǵyshtauǵa kelgen kisiler dem basyp otyratyn arnaiy oryndyqqa abyz aqsaqaldarymyz jaiǵasty. Alashtyń ardaqty úldarynyń biri Igen aǵamyz áruaqtarǵa arnap qúran oqydy. Kópshilik bet sipap, bata jasaldy. Esiktiń oń jaǵyna ústelge qoiylǵan jeti shelpekten auyz tiip, balqymyzben shólimizdi bastyq.
Aradaǵy úzilisti paidalanyp kópshilikten bólinip shyqqan bizder Bolatjan aǵa bastap, Molot, Ákimjan aǵalar men birshama jastar qoshtap, shyǵysqa qarai 2-3 shaqyrymdai jerdegi aǵanyń besinshi atasy bolyp keletin Táttibai babasynyń basyna baryp, ol kisige de qúran baǵyshtadyq. Qaitar jolda Bókeń babalary turaly estelikter tiegin aǵytty….
Áne-mine degenshe Aqjazyq auylyna da kelip jettik. Auyl meshiti janyndaǵy qatymhanada arnaiy jaiylǵan as dastarhanynan dám tattyq.
Beksúltan aǵa bastaǵan, Baitúrsyn, Kádirbek, Igen, Molot, Aibyn, Qanat aǵalar men auyl aqsaqaldary jáne Atyrau, Astana, Semei, Ekibastúz, Taraz, Almatydan kelgen qúdalar da sóz sóilep, shejire estelikter molynan aityldy. Osy asty úiymdastyrushy Amantai aǵa men tátemiz qoldau kórsetip, kómek jasaǵan aǵaiyndary men ini-kelinderin qúrmettep árqaisysyna shapan jauyp, syi-siyapat jasady.
As qaiyrylyp, bata jasalǵan soń kópshilik, aǵaiyn tuystar tysqa shyǵyp estelik suretterge túsip jatty. Men osy bir ońtaily sátti paidalanyp, búkil qazaqtyń abyz aqsaqaly atanǵan Beksúltan aǵadan búgingi igi shara men Úsen bolys turaly súhbat aluǵa úmtyldym. Qoiylǵan súraqty múqiyat tyńdaǵannan keiingi abyz aqsaqalymyz sheshile sóiledi.
– Suan Soltanǵúl Úsen bolys bolyp 1912 jyly 22 mausymda Úigentastyń Belindegi sailauda sailanǵan. Auyl aqsaqaldary «Úsen bolys, Úsen bolys» deidi, «Sol bolystyǵy ras pa?» dep múraǵattan qaradym. Tauyp aldym. Ózi ol kezde 40 jasta eken, jazuly túr. SHynyiev Úsen bolys bolǵan, qasynda qansha adam bolǵan, bári. Mynau Úigentastyń Belinde ótken sailau – Beljailauda. Sodan sol Úigentastyń Belinen sonau Orbúlaqqa qarai úlken saz bar. Ózi bizdiń Beljailauda úsh saz bar: Úlken saz, Stamshaldyń sazy, Ayaq saz.
Osy Úlken sazdy «Úsen saz» deidi. Sebebi, ol kisiniń jylqy bailap otyratyny sol Úlken saz bolǵan. Sol Úigentastyń belinde, sol jerdiń shóbinde bir kilem siyaqty erekshelik bar jáne bylqyldap túrady. Biik bolyp óspeitin ayujún shóbi, jaiyp qoiǵan kilem siyaqty qúlpyratyny jáne bar. Sonda Úsen bolys úiin, ordasyn tigip otyrady eken. Ákesi SHyny bi, atasy Ótegen degen kisiler bolǵan. Bizben atalas, bárimiz Soltanǵúldyń Tailaq atasynyń úrpaǵymyz.
Bizdiń bala kúnimizde Aqkúmbez edi, qazir Qoskúmbez atalatyn Ótegen men SHyny bi atalarymyzdyń kúmbezin osy Úsen bolys atamyz saldyrǵan eken. Úsen bolys atamyz 1921 jyly auyryp qaitys bolǵan. Ol kezde Keńes úkimetiniń kezi. Atam aityp otyratyn, kúmbezdiń basynda aishyǵy bolatyn dep. Keiin Keńestik komsomoldar myltyqpen atqylap, syndyryp, ishindegi baspaldaǵyn alyp tastap mal qora jasap, berekesin ketirgen zaman bolǵan.
Endi qúdaiǵa shúkir Amantai ainalasyn jańalap, qorshauyn jóndetip, qaita qalpyna keltirgen soń atalarymyzdyń áruaǵy riza bolsyn dep kelgen jaiymyz bar, – dep sózin bir túiindep alǵan Qazaqstannyń Halyq jazushysy, memlekettik syilyqtyń iegeri Beksúltan Núrjekeúly lebizin ári qalai jalǵady.
– Áskeriler kartasynda búl jer «Usen» dep belgilengen eken. Biraq, olar ony bilmeidi, túsinbeidi de. Kóptegen súrau salsa da esh jauap taba almaǵan ǵoi. Sebebi, osy Qoskúmbezdiń ońtústigindegi Aqjazyq auylynyń jelkesinde áskeri poligon bar emes pe. Jaqynda Amantailar qaita qalpyna keltiru júmystaryn júrgizip jatsa, kartalaryn alyp áskeriler kelipti:
– Aǵa myna «Usen» degen sóz neni bildiredi, túsindirińizshi, – dep.
Olarǵa Amantai:
– Oi, ol bizdiń atamyz! Úsen bolys atamyz osy jerge jerlengen, – dep jauabyn beripti.
– Oi, jaqsy boldy ǵoi, «Úsen» dep aitady, biraq eshkim eshteńe túsindire almaidy, – dep áskeriler máz bolyp quanypty.
Bastaryn qatyrǵan birauyz sózdiń mán-maǵynasyna qanyǵyp, naqty jauabyn alǵan áskeriler de razy bolyp attanypty.
Endi kezinde ataqty adam bolǵan ǵoi. Úsen bolys atamyzdyń eń erekshe qasieti – óte baisaldy adam bolǵan eken. Sol kezeńde bizdiń ruda ózara bir janjal shyǵyp, arada bala ólimi bolyp, jaqyn aǵaiyndar bir-birin kórmestei bolǵan. Sonda sol aǵaiyndardy biriktirip, tatulastyrǵan osy kisi bolypty. Sodan ádildigimen, bilimdiligimen jáne sózge júirik sheshendik qasietimen birge ata dástúrge beriktigimen aty shyqqan. Osyndai jaqsy qasietterin moiyndaǵan halqy syilap, qúrmettep, keiin bolys sailaǵan.
Dál osyndai segiz búryshty kúmbez mynau kórshiles Kerbúlaq audanynda da bar eken. Osy kúmbezder meniń oiymsha bir sheberdiń qolynan shyqqan siyaqty, – degen boljaldy keipimen abyz aǵamyz sózin ayaqtady.

Endigi sóz kezegi naǵashy atalarynyń kúmbeziniń basyn kóterip, qorshaularyn qalpyna keltirip, áruaqtarǵa arnap as berip jatqan el azamaty, tanymal kásipker Amantai Kódekov aǵamyzǵa kelgen edi. Qoiylǵan súraqty múqiyat tyńdaǵan aǵamyz sál oilanyp alyp áńgimesin bastap ketti.
– Atalarymyz joǵaryda Beksúltan aǵa aityp ketkendei Soltanǵúldan taraǵan tórt aǵaiynnyń ishindegi Tailaqtan – Dorjy, Ótegen. Al, shejire boiynsha aitar bolsaq Ótegennen jeti bala bar. Naǵashylarym Dorjynyń úrpaqtary jáne de nege ekenin qaidam, kúmbez Ótegen men SHyny bi atalarymyzǵa túrǵyzylǵan. Soǵan qaraǵanda Ótegen babamyz myqty kisi bolǵan kórinedi. Ótegennen SHyny bi shyǵady, endi ol balasy ma, aǵaiyny ma ol jaǵyn anyq bilmeimin. Odan búryn Soltanǵúlda Dosqara degen kisi bi bolǵan desedi. Qazir osynda bizben birge júrgen, jeke teri ileitin zauyty bar kásipker inimiz Núptekeev Núrman Battalǵazyúlynyń atalary.
Sol Dosqara bi atamyz ózinen keiin SHynyny bi sailap ketken eken. Al, Núrmandar SHynydan taramaidy. SHynydan – Asan, Úsen degen egizder jáne Qasen, Qasymjan. Osylardyń ishinde Úseni 1912 jyly bolys bolyp sailanǵany da joǵaryda jazyldy. Arada 5 jyl óter-ótpesten Keńes úkimeti bilikke keldi emes pe?! Sóitip, bolys atamyz tárkileuge iligip, bolьshevikter bar maldy tartyp alady. Qarsy shyqsa itjekkenge aidaidy.
Sodan ne kerek mynau Qaishynyń Beli ejelden Soltanǵúldardyń qystauy, al, anau arǵy jaǵyndaǵy Aqqaiqy, Barkórneu jailaulary. Sol mańda «Úsen sai» degen sai bar, sonda «Kórmegenim Sovet ókimeti bolsyn» dep quǵynda júrip, 49 jasynda auyryp qaitys bolady. YAǵni, 1921 jyly, sóitip Úsen bolys atamyzdy osy Qoskúmbezdegi Ótegen, SHyny bi atalarynyń qasyna jerleidi.
Úsennen – Ábilákim, Ábdibek, Altyn degen qyz jáne Anarbek. Bolys atamyz balalarynyń bárin oqytypty, áueli Ábdibekti orys mektebine berip sauat ashqyzǵan. Taǵy bir qyzyǵy balalarynyń bári kommunistke ótken ǵoi. Ábilákim ákemiz osy óńirge kelgen alǵashqy temir dońǵalaqty traktordyń myqty mamany, ozaty bolypty, sol úshin bronьmen soǵysqa jiberilmegen. Ábdibek atamyz Qoǵalyda komsomol komitetiniń birinshi sekretary bolǵan. «Zamanyna qarai adamy» degendei, sol birge júrgen tanystary, jaqyndary túrtkilep «Baidyń túqymy!», «Ákesi bolys bolǵan!» dep shaǵym túsiredi. Odan jinalys bolyp «Ákeńniń bolys bolǵanyn jasyrǵanyń úshin» dep qatań sógis berip, komsomoldan shyǵarady.
Osynau bir jaisyz jaǵdaidan keiin jaqyndarynan qatty kóńili qalǵan Ábdibek ákemiz úi-ishimen Narynqol jaqtaǵy naǵashylaryna kóship ketedi. Sebebi, sheshemiz de Albannyń bir ataqty baiynyń qyzy edi. Sol jaqqa baryp «Zagotkontordyń» direktory bolyp qyzmet jasaidy. Sonda júrip Fin soǵysyna alynady da, Budennyidyń kavaleriyasy qatarynda maior sheninde soǵysqa kirip, sodan qaitpaǵan.
Al, Úsen bolystyń úshinshi balasy bolyp keletin qyzy – Altyn, meniń ákem Suan ishindegi Qoshqar atasynyń úrpaǵy Úmbetbek Kódekovke túrmysqa shyqqan. Ákem kolhoz tóraǵalaryn daiyndaityn arnaiy jedeldetilgen kursty bitirgen. Kelgen soń alǵashqy qyzmetin Úsharal kolhozynyń predsedatelьi bolyp bastaǵan. Sodan – Aqjazyq, Sátjol, Eńbekshi auyldarynda basshylyq qyzmette bolyp, keiin óziniń Qoshqarlarynyń auyly Áulieaǵashqa tóraǵa bolyp taǵaiyndalǵan. Sóitip, ataqonysta úi-jái salyp túraqtap qalady.
Úsen bolystyń kenje balasy Anarbekke kelsek, ol kisi de er-azamattar qatarynda Úly Otan soǵysyna attanǵan. Stalingrad shaiqasyna qatysqany turaly arhiv qújattary men orden, medalьdary saqtalǵan. Atalmysh Stalingrad túbindegi qandy shaiqastyń birinde auyr jaralanyp, densaulyǵy jaramsyz dep tanylyp elge qaitarylady. Jolai SHapyrashtynyń Marjan atty qyzymen tanysyp, úilenip, sheshemizdi auylǵa alyp keledi. Marjan sheshemiz Oraz Jandosovtyń Súltan, Sydyq esimdi jaqyn aǵaiyndarynyń qyzy edi. Súltan men Sydyq soǵysqa ketedi da, Oraz Jandosov «Halyq jauy» bolyp ústalyp ketken soń, búl áulet te qyzyldar úkimetiniń quǵynyna úshyraǵan ǵoi.
Esterińizde bolsa anau jyldary Almaty oblysyn basqarǵan Ańsar Músahanov degen ákim bar edi ǵoi, ol da bizdiń Marjan sheshemizdiń jaqyn atalas tuysy bolyp keledi. Onyń atalary Keńestik quǵyn-súrginde qyrǵyz asyp ketken eken. Sol jaqta qyrǵyzdyń qyzyna úilenip, janúyaly bolyp qaityp oralady. Al, olardyń etjaqyny respublikalyq «Sotsialistik Qazaqstan» gazetinde on neshe jyl redaktordyń orynbasary bolǵan, bar qazaqqa tanymal túlǵa Balǵabek Qydyrbekúly aǵamyz. Búlardyń bári SHapyrashtynyń ishinde – Asyl, odan berige Ájike atasynan taraidy.
Anarbek ákemiz ózi qolynan óner tamǵan, muzyka aspaptary bolsyn, nebir zattardy qoldan kelistirip jasaityn óte sheber adam bolǵan eken, – dedi oily janaryn bir núktege qadaǵan Amantai aǵamyz. – Yqylym zamannan beri ata-baba áruaǵyna táu etip, qúrmettep ósken últtyń úrpaǵy bolǵandyqtan, ata dástúrimizge sai naǵashy júrtymyzǵa arnap as berip jatqan jaiymyz bar inim, – degendi qosyp sózin ayaqtady.
«Úidiń jaqsy bolmaǵy – aǵashynan, jigittiń jaqsy bolmaǵy naǵashydan» dep halyq danalyǵynda aitylǵandai, Amantai aǵamyz sózden góri iske beiim, úqyptylyǵynda shek joq, aldyǵa qoiǵan maqsatyna jetpei qoimaityn jigerli jan. Búǵan deiin de Úsen bolystyń áieli Taisha ájesiniń de basyn kóterip, mazaryn saldy. «Bataly er – arymas» dep qazaq atam aitqandai as berip, úlkenderdiń batasyn aldy. Sondai-aq, Áulieaǵashtaǵy qarashańyraq bolǵan kóne úidi búzǵyzyp, zamanaui jeti bólmeli ádemi úi salyp, aǵaiynnyń da qúrmetine bólengeni jáne bar. Minekei, qarap otyrsańyz árbir isi keiingi óskeleń úrpaqqa, aǵaiynǵa ónege bolyp jatqan abzal áke, el azamaty Amantai Kódekov aǵamyzǵa osyndai igi isteri úshin myń alǵys!
Babalar ruhyna baǵyshtalǵan alqaly as bitip, aǵaiynmen qoshtasqan qonaqtarmen birge Jarkent qalasyna aparatyn qara jolǵa tústik. Keshki qonaqasy dastarhany qalamyzdaǵy Ákimjan aǵamyzdyń «Medet» meiramhanasynda óz jalǵasyn tapty.
Qali IBRAIYMJANOV,
Qazaqstan Jurnalister
odaǵynyń múshesi.
Q-Andas ақпарат.











