Сонда Тяң Джиу:
“Мұнда пәлендей бір басқа себеп жоқ, заң өлшем, бақылау-тексеру шаралары патшаның уысында тұрғандығы себепті солай болған. Чуго бектігі Суңгоны үлкен қолбасшы етіп пайдалану салдарынан өзінің үкімет істерін ойрандап алғандығын, Уйго бектігі Фин Лиды бас уәзір етіп пайдалану салдарынан өз ел-жұртын құрып, жоғалумен тындырғандығын сіз өз басыңыз естімеген бе едіңіз?…”
Олай болса, үлкен мансап ұстайтын қайраткерлерің қорған басқарушы болу тәрізді қызметтердің сынынан өтуін, аймақтарда қызмет атқарған тарихты басынан кешіруін талап етуінің өзі ақылгөй, зерделі төрелер жөнінен алғанда, лайықты шара бола ма?” – дейді.
Таң Ши мырза Ханцзыға:
“Естуімше, ежелгі салт-сана ережелерін басшылыққа алып, сыпайы, ибалы болу ғана өз басын толық аман сақтаудың әдісі көрінеді; … Мен сіздің мұныңызды құптамаймын” – депті.
Ханцзы:
“Мен сіздің сөзіңізді ұғына білем. Ел-жұртты, әлемді басқарудың заң өлшемдерін, бақылау-тексеру шараларын, бұқараны тепе-тең етудің ереже-жолдарын меңгерудің өзі, шынында, оңайға түспейді… Сіз мені аялайтын ізгі ниетті бола тұрсаңыз да, бірақ іс жүзінде маған үлкен сойқан әзірлеп отырсыз” – депті.
Түсінік
«Тяң Джиуға сұрау» – «Хан Фи цзы» деген кітаптың бір бөлімі. Бұл мақала екі бөлікке бөлінген. Әр бөлікте бір көзқарас түсіндіріледі…
Хан Фи уәкілдігіндегі заңшылдардың заңымен басқаруды жолға қою үшін құл иеленуші ақсүйектерге және бұлардың жаршысы болған тағлымшылдарға бағыттап, ерлікпен жүргізген күрестері жаңадан гүлденіп келе жатқан жер иеленуші тобының сол кездегі жалынды жігерлі рухын әйгілеп береді…
Десе де, ел басқаруда үлкен мансап ұстайтындардың ізгі ниеттілігіне емес, оның біліктілігіне баса мән берілу керек. Ізгі ниетті болғанымен қолынан іс келмесе, елді бүлдіріп тынады. Біз де қалай? Билікке жаұындардың білігіне қараймыз ба? Әлде, бір сүйем жақындығына қараймыз ба? Оны өзіңіздің талғамыңызға тапсырдым.
Аударып, реттеп ұсынған: Қажет Андас
«Q-Andas» ақпараттық агенттігі











