سوندا تياڭ دجيۋ:
“مۇندا پالەندەي ءبىر باسقا سەبەپ جوق، زاڭ ولشەم، باقىلاۋ-تەكسەرۋ شارالارى پاتشانىڭ ۋىسىندا تۇرعاندىعى سەبەپتى سولاي بولعان. چۋگو بەكتىگى سۋڭگونى ۇلكەن قولباسشى ەتىپ پايدالانۋ سالدارىنان ءوزىنىڭ ۇكىمەت ىستەرىن ويرانداپ العاندىعىن، ۋيگو بەكتىگى فين ليدى باس ءۋازىر ەتىپ پايدالانۋ سالدارىنان ءوز ەل-جۇرتىن قۇرىپ، جوعالۋمەن تىندىرعاندىعىن ءسىز ءوز باسىڭىز ەستىمەگەن بە ەدىڭىز؟…”
ولاي بولسا، ۇلكەن مانساپ ۇستايتىن قايراتكەرلەرىڭ قورعان باسقارۋشى بولۋ ءتارىزدى قىزمەتتەردىڭ سىنىنان ءوتۋىن، ايماقتاردا قىزمەت اتقارعان تاريحتى باسىنان كەشىرۋىن تالاپ ەتۋىنىڭ ءوزى اقىلگوي، زەردەلى تورەلەر جونىنەن العاندا، لايىقتى شارا بولا ما؟” – دەيدى.
تاڭ شي مىرزا حانتسزىعا:
“ەستۋىمشە، ەجەلگى سالت-سانا ەرەجەلەرىن باسشىلىققا الىپ، سىپايى، يبالى بولۋ عانا ءوز باسىن تولىق امان ساقتاۋدىڭ ءادىسى كورىنەدى؛ … مەن ءسىزدىڭ مۇنىڭىزدى قۇپتامايمىن” – دەپتى.
حانتسزى:
“مەن ءسىزدىڭ ءسوزىڭىزدى ۇعىنا بىلەم. ەل-جۇرتتى، الەمدى باسقارۋدىڭ زاڭ ولشەمدەرىن، باقىلاۋ-تەكسەرۋ شارالارىن، بۇقارانى تەپە-تەڭ ەتۋدىڭ ەرەجە-جولدارىن مەڭگەرۋدىڭ ءوزى، شىنىندا، وڭايعا تۇسپەيدى… ءسىز مەنى ايالايتىن ىزگى نيەتتى بولا تۇرساڭىز دا، بىراق ءىس جۇزىندە ماعان ۇلكەن سويقان ازىرلەپ وتىرسىز” – دەپتى.
تۇسىنىك
«تياڭ دجيۋعا سۇراۋ» – «حان في تسزى» دەگەن كىتاپتىڭ ءبىر ءبولىمى. بۇل ماقالا ەكى بولىككە بولىنگەن. ءار بولىكتە ءبىر كوزقاراس تۇسىندىرىلەدى…
حان في ۋاكىلدىگىندەگى زاڭشىلداردىڭ زاڭىمەن باسقارۋدى جولعا قويۋ ءۇشىن قۇل يەلەنۋشى اقسۇيەكتەرگە جانە بۇلاردىڭ جارشىسى بولعان تاعلىمشىلدارعا باعىتتاپ، ەرلىكپەن جۇرگىزگەن كۇرەستەرى جاڭادان گۇلدەنىپ كەلە جاتقان جەر يەلەنۋشى توبىنىڭ سول كەزدەگى جالىندى جىگەرلى رۋحىن ايگىلەپ بەرەدى…
دەسە دە، ەل باسقارۋدا ۇلكەن مانساپ ۇستايتىنداردىڭ ىزگى نيەتتىلىگىنە ەمەس، ونىڭ بىلىكتىلىگىنە باسا ءمان بەرىلۋ كەرەك. ىزگى نيەتتى بولعانىمەن قولىنان ءىس كەلمەسە، ەلدى ءبۇلدىرىپ تىنادى. ءبىز دە قالاي؟ بيلىككە جاۇىنداردىڭ بىلىگىنە قارايمىز با؟ الدە، ءبىر سۇيەم جاقىندىعىنا قارايمىز با؟ ونى ءوزىڭىزدىڭ تالعامىڭىزعا تاپسىردىم.
اۋدارىپ، رەتتەپ ۇسىنعان: قاجەت انداس
«Q-Andas» اقپاراتتىق اگەنتتىگى











