Q-Andas
No Result
View All Result
  • باستى بەت
  • ولكەتانۋ
    • ءبىلىم
    • دەنساۋلىق
    • سپورت
    • قۋعىن-سۇرگىن
    • تۇلعا تانۋ
    • قورشاعان ورتا
    • حالىق جادى
    • مادەنيەت
    • جەتىسۋ جارتاس سۋرەتتەرى
    • جەتىسۋدىڭ اسيەتتى جەرلەر
    • ادەبيەت
    • شالعاي اۋىل
    • تۋريزم
      • تاريح
    • ەلتانۋ
    • كوشى-قون
    • تۋرنير
  • ارنايى جوبالار
    • بايقاۋ
    • كورمەلەر
    • كونفەرەنتسيا
    • گرانت
    • ەكسپەديتسيالار
  • مۇراعات
    • انداس وماراقىن ىزىمەن
    • اۋەسحان ماجايدىڭ جادىگەرلەرى
    • بەينەفيلم
    • حاتكەرلىك
    • گالەرەيا
  • ءبىز تۋرالى
    • ارىپتەستەر
    • بايلانىس
    • سايت اكىمشىلىگى
    • PDF-مۇراعات
kz Қазақ qz Qazaq tj توتە جازۋ ru Русский en English
Q-Andas
  • باستى بەت
  • ولكەتانۋ
    • ءبىلىم
    • دەنساۋلىق
    • سپورت
    • قۋعىن-سۇرگىن
    • تۇلعا تانۋ
    • قورشاعان ورتا
    • حالىق جادى
    • مادەنيەت
    • جەتىسۋ جارتاس سۋرەتتەرى
    • جەتىسۋدىڭ اسيەتتى جەرلەر
    • ادەبيەت
    • شالعاي اۋىل
    • تۋريزم
      • تاريح
    • ەلتانۋ
    • كوشى-قون
    • تۋرنير
  • ارنايى جوبالار
    • بايقاۋ
    • كورمەلەر
    • كونفەرەنتسيا
    • گرانت
    • ەكسپەديتسيالار
  • مۇراعات
    • انداس وماراقىن ىزىمەن
    • اۋەسحان ماجايدىڭ جادىگەرلەرى
    • بەينەفيلم
    • حاتكەرلىك
    • گالەرەيا
  • ءبىز تۋرالى
    • ارىپتەستەر
    • بايلانىس
    • سايت اكىمشىلىگى
    • PDF-مۇراعات
No Result
View All Result
Q-Andas
No Result
View All Result
باستى بەت انداس وماراقىن ىزىمەن

جانسارباي ۇلتاراقۇلىنىڭ دانالىقتارى

admin
2025/10/09
انداس وماراقىن ىزىمەن
0
Жансарбай Ұлтарақұлының даналықтары

جاپسارباي ساسانۇلى سولتانكەلدى رۋىنداعى جانسارباي ەمشىنىڭ قىرمان الىپ جاتقانىندا ۇستىنەن تۇسەدى:

– اسسالاۋماعالەيكۋم، جانسارباي،

تامىر ۇستاعاندا ءجۇرسىڭ الدىڭا جان سالماي.

قىرمانداعى قىزىلعا كوزىم ءتۇستى، ياپىراي،

كەلىپپىن-اۋ، قاپ سالماي،

تانىرسىڭ، اتىم – جاپسارباي،

دەگەندە جانسارباي:

– وي، جاپسارباي ەكەنسىز عوي، داعار مۇندا بار،

دەپ، ءبىر داعار تارىنى تولتىرىپ، الدىنا وڭگەرتىپ جىبەرىپتى.

1) جاپسارباي ساسانۇلى – اقىن، شەشەن، كۇلدىرگى.

2) جانسارباي ۇلتاراقۇلى – ەمشى، قازاقتىڭ ەجەلگى ەمدەۋ ءادىسىن جالعاستىرعان بالگەر. قازاقى ەم تاسىلدەرىن قولدانىپ، قىلتاماققا (قاتەرلى ىسىككە) ەم قىلعان دەسەدى. وكىنىشكە قاراي، توپالاڭ جىلداردىڭ كەسىرىنەن رەتسەپتىسى ساقتالماعان.

سولتانكەلدى شاكىل دەگەن رۋدان تۇرعانبەك دەگەن ولەڭقۇمار، پىسىقتاۋ جىگىت شىعىپ، ەل ارالاپ، ولەڭ قۋىپ جۇرەدى ەكەن. بۇنىڭ ەلىنە كەيبىر كورەالماستار «ۇرى شاكىل» دەگەن لاقاپ ات قويىپتى. بىردە جانسارباي ەمشى ءبىر اۋىلعا ناۋقاس ەمدەۋگە بارعاندا جانىنا تۇرعانبەكتى ەرتىپ الادى. جانسەكەڭ سىرقاتتىڭ ەمىن قاراپ جاتقاندا سول اۋىلدىڭ ازاماتتارى تۇرعانبەككە قارسىلاس قىلىپ، وزدەرىنىڭ بەتكە ۇستارى تۇردىقان دەگەن ولەڭشى كەلىنشەكتى اكەلەدى. كوپ وتىرماستان تۇردىقان:

– ايت دەگەندە ايتايىن، شاكىل قۇدا،

قوزى-لاقتى قويماعان، كاپىر قۇدا.

نەندەي قۇلىق بويىڭا بۇگىپ كەلدىڭ،

بولا الماسپىز ونىڭا ماقۇل، قۇدا،- دەپ سالىپتى.

تۇرعانبەك بۇل ايەلدىڭ ءحالىن الدىن الا ءبىلىپتى: تۇردىقان تۇرمىسقا شىققان جىلى جۇكتى بولىپ ءبىر بالا كوتەرگەنىمەن، كوپ وتپەي شەتىنەپ كەتىپ، سودان بەرى ون نەشە جىل بالاسىز جۇرگەن ەكەن.

مۇنى ۇققان تۇكەڭ قارىمتا قايتارىپ:

– ەلەۋ بولىپ، ەندەشە ەلەۋ بولىپ،

قاعىر جەرگە ءشوپ شىعار سەلەۋ بولىپ.

تۇڭعىش تاپقان بالاڭدى شاكىل سويىپ،

سودان كەيىن قالىپ پا ەڭ بەدەۋ بولىپ؟

دەيدى. كەلىنشەك سوزگە شىداماي جىلاپ، ورنىنان تۇرىپ كەتىپتى.

بۇعان قىزىنعان اۋىلدىڭ ادىراقباي جىگىتتەرى شۋ شىعارىپ، ايتىستى بۇزباق بولعاندا، جانسارباي ەمشى:

– «ءسوز تاپقانعا – قولقا جوق». «سوزگە ءسوز كەلگەندە ايتپاسا، ءسوزدىڭ اتاسى ولەدى». بوسقا كوپسىمەڭدەر،

– دەپ باسۋ ايتىپ، جىگىتتەردى توقتاتىپتى.

جانسارباي ەمشىنىڭ ءتۇيىندى سوزدەرى

– قايىرىمسىز جازدان، قايىرىمدى قىس ارتىق،

كورىنبەگەن التىننان، كورىنىپ تۇرعان مىس ارتىق.

پارا جەگەن بيلەردەن، قاسقىر العان يت ارتىق،

اۋرۋ ىزدەپ ساندالعاننان – اۋىرماعان مىڭ ارتىق.

قاراكەرەي اۋىلىنداعى قاعىس

جانسارباي ەمشى ءبىر جولى قاراكەرەيدىڭ ءبىر اۋىلىنا كىسى ەمدەۋگە بارادى. بىراق ول كىسىنىڭ ەمشىلىگىنە سەنبەگەن سول اۋىلدىڭ شالا ساۋاتتىلاۋ ەمشىسى:

– قۇم جيىلىپ تاس بولماس،

قۇل جيىلىپ باس بولماس.

قولدارىڭنان نە كەلەدى؟

دەپ قاعىتىپتى.

سوندا جانسەكەڭ:

– يت تاماعىن جىلدام ىشەم دەپ، ىستىقتىعىن بىلمەي تاماعىن كۇيدىرەدى.

ادامنىڭ اقىماعى – قولى دۋالى ادامعا ءتىل تيگىزەدى.

ادامنىڭ باسى – اللانىڭ دوبى.

ايتسە دە، جۇرەگى تازا ەمشى عانا سىرقاتتىڭ دەرتىنە داۋا كىرگىزەدى.

جىل اتتارى (كونە اتاۋلارمەن)

مۇش – دەگەنىڭ ءمانىسى تىشقان بولار،

جىگىتكە تاكاپپارلىق دۇشپان بولار.

كوڭىلگە شايتان كىرىپ سەمىرتەدى،

بىرەۋى ىشتەن، بىرەۋى تىستان بولار.

باحار – دەگەننىڭ ءمانىسى سيىر بولار،

جىل قايىرۋدى بىلمەگەنگە قيىن بولار.

ادىلدىكپەن پاتشاڭىز باسقارعاندا،

كۇندە توي، كۇندە قىزىق جيىن بولار.

فالىڭ – دەگەنىڭ ءمانىسى بارىس بولار،

جاقىن جەر كورمەگەنگە الىس بولار.

حالىقتىڭ بىرىندە بار، بىرىندە جوق،

جاس ساناپ جىل قايىرۋ قالىس بولار.

قاركۇش – دەگەننىڭ ءمانىسى قويان دەيدى،

جاسىڭدا ۇلگى الىپ، ويان دەيدى.

جىل قايىرىپ، جاس ساناۋ – بۇل ءبىر ونەر،

بۇرىنعى اتا جولدى قويام با ەندى؟

ءماحي – دەگەننىڭ ءمانىسى بالىق بولار،

ۇلى دەسە بالىقتى قانىق بولار.

بۇل بالىقتى «ۇلى» دەپ تالاسادى،

بالىقتىڭ ۇلكەندىگى قانىق بولار.

ءمار – دەگەننىڭ ءمانىسى جىلان ەكەن،

بارىندا اياعى جوق، سىلاڭ ەكەن.

بۇرىنعى-كەيىنگى وتكەن اتا جولى،

جىل قايىرىپ، جاس ساناپ تۇرادى ەكەن.

ءاسىپ – دەگەنىڭ ءمانىسى بولار جىلقى،

جىلقىدان قۇتىلمايدى قاشقان تۇلكى.

ات ءمىنىپ، قىمىز ءىشىپ كوك جايلاۋدا،

سالادى ساۋىق-سايران ءانشى-جىرشى.

كۇشپاندى – دەگەنىمىز قوي بولادى،

تەرىسى ءبىر ىشىككە بوي بولادى.

جۇنىنەن توقىلادى اسىل بوزدەر،

قويدىڭ دا قاسيەتى زور بولادى.

ھامدۋنا – دەگەنىمىز مەشىن ەدى،

ەجەلگى «مايمىل» دەگەن وسى دەيدى.

ماريحى – دەگەنىمىز بولار تاۋىق،

ونىڭ دا ناعىز اتىن قويعان تاۋىپ.

ول شىركىن ۇزاق تاڭعا كوزىن ىلمەي،

نامازعا وياتادى اۋىق-اۋىق.

ساك – دەگەننىڭ ءمانىسى بولادى يت،

تۇرا جۇرگەن ابزال عوي ءناپسىنى تىيىپ.

پارسى تىلدەن اۋداردىم قازاقشاعا،

بار بولعان ءبىلىمىمدى ويعا ءتۇيىپ.

قوك – دەگەننىڭ ءمانىسى بولار دوڭىز،

عىلىم-ءبىلىم، اقىل-وي بولادى ەگىز.

اسىل سوزدەر ىنجۋدەي تىزبەكتەلسە،

بولادى باعاسى دا ۇشان-تەڭىز.

اۋشاديار (ساناماق-تاقپاق)

اۋشاديار ءبىر بولار،

مالىن باققان بي بولار.

اقساقالدان باتا العان،

اق شالمالى باي بولار.

اۋشاديار ەكى،

قوپا تولدىڭ شەتى.

شىتىرمان كويلەك، ون تۇيمە –

اق سۇلۋدىڭ كوركى.

اۋشاديار ءۇش بولار،

ۇشىپ جۇرگەن قۇس بولار.

باعى تايعان جىگىتكە

باقىتى قارت دوس بولار.

اۋشاديار ءتورت بولار،

قىزدىڭ قوينى – ءورت بولار.

ەكى جامان قوسىلسا،

قول-اياعى مەرت بولار.

اۋشاديار التى،

اق نايزانى قارپى.

ويناپ-كۇلىپ جۇرەلىك –

بۇرىنعىنىڭ سالتى.

اۋشاديار جەتى،

قىزدىڭ قىزىل بەتى.

قىزىل بەتتەن ءبىر ءسۇيۋ –

ەر جىگىتتىڭ سەرتى.

اۋشاديار سەگىز،

سۋ اياعى – تەڭىز.

قاشايىق تا كەتەيىك،

ەكى تورى ات – سەمىز.

اۋشاديار توعىز،

جورعالايدى قوڭىز.

اتا-اناسىن باقپاعان

اقىرەتتە – دوڭىز.

اۋشاديار ون بولار،

قارا ماقپال تون بولار.

اتا-اناسىن سىيلاعان

ەتەك-جەڭى كەڭ بولار.

اۋشاديار ون ءبىر،

داڭعىراعان جول ءبىر.

قاشايىق تا كەتەيىك،

ەكى تورى ءدۇلدۇل.

اۋشاديار ون ەكى،

جامان ادام – دورەكى.

قاشالىق تا كەتەلىك،

تاڭداپ ءبىرىن – جول ەكى.

جانسارباي باقسىنىڭ ۇشىق سارىنى

اۋ، ءبيسميللاھي-راحماني-راحيم،

ءيا، قاۋىس، قياس، قىزىر-ءىلياس.

ون ەكى يمام، قىرىق سۇلتان،

باباي-تەكتى، شاشتى ءازيز.

شايقى، بۇرقى، دۋانا –

كەت، پالەكەت،

كەت، پالەكەت!

جىن-شايتاندى قۋالا.

جەتى ولىككە جان بەرگەن،

جەتى پىرگە قول بەرگەن،

اۋەدەن وت تۇسىرگەن،

قايناتپاي تەمىر پىسىرگەن،

ۇلى جوققا ۇل بەرگەن،

قىزى جوققا قىز بەرگەن.

قولداساڭ – قولدا،

قولداماساڭ – قال جولدا.

ءاي، باتپاق، ۇشىق، ۇشىق!

ار جاقتا دا ەل بار،

بەر جاقتا دا ەل بار،

بۇل مومىندا نەڭ بار؟

بۋىن-بۋىن – قامىستان،

پالە قايدان جابىسقان؟

ءاي، باتپاق، ۇشىق، ۇشىق!

ۇشىنىپسىڭ كوپ ءىشىپ،

ءلا ءيلاھا يللاللاھ.

شايقى، بۇرقى، دۋانا –

كەل، پالەكەت،

كەت، پالەكەت!

جىن-شايتاندى قۋالا.

ايت – سۋ.

جانسارباي باقسىنىڭ جىن شاقىرۋى

كەرەگە بويلى كەر بۇعىم،

شاقىرعاندا كەل، بۇعىم.

ۇكىلى بالاق، سەكسەن تون،

ءبىرىڭ كەلدىڭ، ءبىرىڭ جوق.

پەرىنىڭ قىزى – سارى ايمان،

كەلە مە دەپ قارايمىن.

كەرەگە بويلى كەر جىلان،

شاقىرعاندا كەل، جىلان.

ۇزىن سارىنى (ارۋاققا جالبارىنۋ)

اۋەلى باستان ايتامىن – جاراتقان جالعىز قۇدايدى،

ارۋاعىن شاقىرىپ جىلايىن – جار بولسىن انام قىزايدى.

قايىربەر سۇلتان، شايقى، بۇرقى، دۋانا،

وڭىنا كەلسە اۋرۋدى – قىزىر شالىپ، قولدايدى.

بەزگەك بولىپ جابىسقان، سۋ پەرى بولىپ قاعىسقان،

باقسى، مولدا جينالسا – اۋىزدىقپەن الىسقان.

ويلاسا دا جاقتاعان، الىستان كەلىپ تابىسقان،

ەمشىلەردىڭ ەمدەرىن – ەم قىلمايدى نامىستان.

قاراكەرەي قابانباي، قانجىعالى بوگەنباي،

قاسىرەت تارتىپ زار شەكتىم – وڭدار مەنى ءبىر قۇداي.

جالعىز تۋعان جاڭعابىل، كوپ پەرى-جىنىم ءبىر جاتىل،

قۇدايدان مەن سۇرايىن – اۋىرتپاۋعا ەم تابىل.

تاڭىربەردى ارۋاعى، تىلەۋبەردى – قولباسشى،

ءتورت قىزايدىڭ ارۋاعى – ءوزىڭ كەلىپ قولداشى.

اعارىس پەن بەگارىس، قولداساڭشى جانارىس،

ۇرپاعىڭدى ساقتاپ قال – كەتپەسەڭشى تىم الىس.

اۋليە قىزاي انامىز، ەسەنگەلدى بابامىز،

عارىپ بولعان ءمۇساپىر – ەمىن قايدان تابامىز؟

البان، سۋان، دۋلاتىم – سەن ەدىڭ عوي قۋاتىم،

ەمىن تابار اۋرۋدىڭ كۇن بولار ما تۋاتىن.

ارعىن مەنەن كەرەيىم – وسى اۋرۋدان سەن ايىر،

ۋاق پەنەن قوڭىرات، شاپىراشتى مەن جالايىر.

قىرعىز، قىپشاق ارۋاعى – بەرەرسىڭ بويعا قۋاتتى،

الشىن، جاپپاس، شەكتىنىڭ ءپىرى كەلىپ ۋاتقىشى.

تانا، تاما، سەركە – شىركىن، بولار ما قابىل بۇل ءىسىم،

اداي، جاعالبايلى – سەن ەدىڭ عوي تىنىسىم.

ومار، وسپان، ءتورت شامار، ازىرەت ءالى، اۋباكىر،

ارۋاعى قولداپ بولسا – جار جەتى اۋليە، ءانبيا.

اسقابىل، كاپ، ءۋايىس، اپپاق قوجا ارۋاعى –

بولار ما ەكەن ءبىر تىنىس – مەككە، مادينە، قاعبا.

جاراتقان يەم جار بولسا، ايتۋشى يەم بار بولسا،

اۋرۋعا ەم تاۋىپ، اقىلمەن ەلدى ەمدەيىك.

تۇسىنىكسىز سوزدەر

اسسالاۋماعالەيكۋم – امانداسۋ، «سالەم بەردىك».

قىرمان – استىق باستىرىلاتىن/ۇيىلەتىن ورىن؛ قىزىل – باستىرىلىپ، تازالانعان دايىن استىق.

داعار – ءىرى كەنەپ قاپ (ەپونج)، استىق سالاتىن ۇلكەن قاپ.

قاپ سالماي كەلۋ – قاپسىز كەلىپ قالدىم، ياعني «جەتكىزە الماي تۇرمىن» دەگەن مىسقىل.

وڭگەرتۋ – جۇكتى جانۋاردىڭ ساۋىرىن الا اسىپ سالۋ (ءبىر جاعىنا).

لاقاپ ات – بۇركەنشىك ات، قوسىمشا ات.

ادىراقباي – داڭعازا، ۇرىنشاق، شالت مىنەز جىگىت.

قارىمتا – قارىم جاۋاپ، جاۋاپ ولەڭ.

بەدەۋ – بالا كوتەرمەيتىن ايەل (نە ۇرىقسىز ەركەك).

«ءسوز تاپقانعا – قولقا جوق» – تاپقىر جاۋاپ ايتساڭ، رەنجىمەيدى دەگەن ماتەل.

«سوزگە ءسوز كەلگەندە ايتپاسا، ءسوزدىڭ اتاسى ولەدى» – دەر كەزىندە جاۋاپ قايتارىلماسا، ءسوزدىڭ قادىرى قاشادى،

ەمشىلىك – حالىقتىق داستۇردەگى ەم-دوم كاسىبى؛ بالگەر – ەمشى-كورىپكەل.

شايقى / دۋانا – سوپىلىق-دالا داستۇرىندەگى ءدىندار، ءدارۋىش.

ۇشىق – كوز-ءتيىم، سىرقات پالەسىن سوزبەن-ىرعاقپەن ۇركىتىپ الاستاۋ سالتى؛ «ايت – سۋ» – دەم سالىپ، سۋعا «وقىپ» ىشتىرەتىن يشارا.

باباي-تەكتى، شاشتى ءازيز – يسلامدىق اڭىز-ءاپسانادا ارۋاق يەسى رەتىندە اتالاتىن كيەلى ەسىم.

قىزىر-ءىلياس – حالىق اڭىزىنداعى ءپىر-قامقورشى (حىزىر مەن ءىلياس).

كەرەگە بويلى كەر بۇعىم/كەر جىلان – باقسىلىق سارىندارداعى تۇراقتى گيپەربولا (ۇزىن-الىپ بەينەلەر).

مۇش، باحار، فالىڭ، قاركۇش، ءماحي، ءمار، ءاسىپ، كۇشپاندى، ھامدۋنا، ماريحى، ساك، قوك – پارسى-اراب تەكتى كونە جىل اتاۋلارىنىڭ قازاقشا دىبىستالۋى:

مۇش – تىشقان، باحار – سيىر، فالىڭ – بارىس، قاركۇش – قويان،

ءماحي (ماحي) – بالىق، ءمار (مار) – جىلان، ءاسىپ (اسب) – جىلقى.

كۇشپاندى – قوي، ھامدۋنا – مەشىن (مايمىل)، ماريحى/مۇرعي – تاۋىق.

ساك – يت، قوك – دوڭىز.

اۋشاديار – كونە تاقپاق-ساناماق ۇلگىسىندەگى شۋماق اتاۋى (قۇت، ىرىس تىلەيتىن فورمۋلا).

قىزاي – نايماننىڭ قىزاي اتالىعىنا قاتىستى كيەلى انا-اتاۋ (رۋلىق ميفونيم)؛ ءتورت قىزاي – قىزاي بولىنىستەرى تۋرالى ۇعىم.

اعارىس، بەگارىس، جانارىس – اڭىزداعى ارىس-اتاۋلار (ۇرپاق تاراتۋ ءموتيۆى).

ءمۇساپىر – پاقىر، قورعانسىز جولاۋشى.

جاعالبايلى، البان، سۋان، دۋلات، ارعىن، كەرەي، ۋاق، قوڭىرات، شاپىراشتى، جالايىر، قىپشاق، الشىن، جاپپاس، شەكتى، تانا، تاما، اداي – قازاقتىڭ رۋ-تايپا اتاۋلارى (ارۋاق، باتا كونتەكسىندە اتالادى).

ازىرەت ءالى، اۋباكىر – مۇسىلماندىق تۇلعالار (حازىرەتتەر). ءانبيا – پايعامبارلار (ارابشا كوپتىك).

قاعبا – مەككەدەگى قاسيەتتى ءۇي.

توپالاڭ جىلدار – ەل ىشىندەگى دۇربەلەڭ، اشارشىلىق، ىندەت ارالاس اۋىر كەزەڭدى مەگزەيدى.

ايتىپ بەرگەن تۇردىبەك سارسەۇلى،

جازىپ، رەتتەگەن – انداس وماراقىنۇلى.

دەرەككوز:دودا: (ايتىستار مەن تاريحي-ەتنوگرافيالىق جىرلارى) / ا. وماراقىن ؛ [قۇراستىرعان: ءا. ماجاي [ج. ب.] .- تالدىقورعان : [ب. ج.]. https://kazneb.kz/kk/catalogue/view/1657687

“Q-Andas” اقپاراتتىق اگەنتتىگى

5 1 vote
Рейтинг статьи
Post Views: 29
Қышқыш қалай жасалған?
انداس وماراقىن ىزىمەن

قىشقىش قالاي جاسالعان

August 12, 2026
Адамның пайда болуы
انداس وماراقىن ىزىمەن

ادامنىڭ پايدا بولۋى

August 10, 2026
Күн және жұлдыздар
انداس وماراقىن ىزىمەن

كۇن جانە جۇلدىزدار

August 5, 2026
كۇن مەن جەر
انداس وماراقىن ىزىمەن

كۇن مەن جەر

August 4, 2026
Аспанның биіктеуі
انداس وماراقىن ىزىمەن

اسپاننىڭ بيىكتەۋى

July 31, 2026
Жер-көктің айырылуы жөнінде (Күнес ауданының аңыз-ертегілері)
انداس وماراقىن ىزىمەن

جەر-كوكتىڭ ايىرىلۋى جونىندە (كۇنەس اۋدانىنىڭ اڭىز-ەرتەگىلەرى)

July 30, 2026
Subscribe
Login
Notify of
guest
guest
0 комментариев
Oldest
Newest Most Voted
Inline Feedbacks
View all comments
ӨЛКЕ ШЕЖІРЕСІН СӨЙЛЕТКЕН ҚАЛАМГЕР

ولكە شەجىرەسىن سويلەتكەن قالامگەر

November 9, 2026

«Бекзат өмір»: өнерге арналған еңбек

«بەكزات ءومىر»: ونەرگە ارنالعان ەڭبەك

November 7, 2026

Өлке тарихы ұрпаққа аманат

ولكە تاريحى ۇرپاققا امانات

October 23, 2026

ЖАҢА ҚАҒИДА?  «Әлеуметтік кәсіпкерлерге жаңа талаптар түсіндірілді»

جاڭا قاعيدا: «الەۋمەتتىك كاسىپكەرلەرگە جاڭا تالاپتار ءتۇسىندىرىلدى»

October 13, 2026

Жұмыспен қамту тәртібінде не өзгерді?

جۇمىسپەن قامتۋ تارتىبىندە نە وزگەردى؟

October 12, 2026

Ақпараттық агенттігі

Меншік иесі: “Жетісу” өлкетанушылар орталығы” қоғамдық бірлестігі
Қазақстан Республикасы, Жетісу облысы, Талдықорған қаласы “Болашақ” шағын ауданы, 12-27

Q-Andas желілік басылымы Қазақстан Республикасы Ақпарат және коммуникация министрлігі Ақпарат комитетінде 2025 жылғы 19 наурызда тіркеліп, № KZ21VPY00115275 куәлігі берілген.

Сайт материалын пайдалану үшін редакция келісімі керек және гиперсілтеме жасау міндетті.

Тел: 8 747 706 1382
email: andas_kazhet@mail.ru

qandas.kz © 2026. Барлық авторлық құқық заңмен қорғалған.

  • tjتوتە جازۋ
    • kz Қазақ
    • qz Qazaq
    • tj توتە جازۋ
    • ru Русский
    • en English
  • باستى بەت
  • ولكەتانۋ
    • ءبىلىم
    • دەنساۋلىق
    • سپورت
    • قۋعىن-سۇرگىن
    • تۇلعا تانۋ
    • قورشاعان ورتا
    • حالىق جادى
    • مادەنيەت
    • جەتىسۋ جارتاس سۋرەتتەرى
    • جەتىسۋدىڭ اسيەتتى جەرلەر
    • ادەبيەت
    • شالعاي اۋىل
    • تۋريزم
      • تاريح
    • ەلتانۋ
    • كوشى-قون
    • تۋرنير
  • ارنايى جوبالار
    • بايقاۋ
    • كورمەلەر
    • كونفەرەنتسيا
    • گرانت
    • ەكسپەديتسيالار
  • مۇراعات
    • انداس وماراقىن ىزىمەن
    • اۋەسحان ماجايدىڭ جادىگەرلەرى
    • بەينەفيلم
    • حاتكەرلىك
    • گالەرەيا
  • ءبىز تۋرالى
    • ارىپتەستەر
    • بايلانىس
    • سايت اكىمشىلىگى
    • PDF-مۇراعات

© 2025 qandas.kz

wpDiscuz