Форумға мемлекеттік органдардың, бизнес құрылымдардың, халықаралық ұйымдардың, жоғары оқу орындарының және азаматтық қоғам өкілдері қатысты. Кездесу мазмұны жағынан бай, пікірталас пен тәжірибе алмасуға толы болды. Бұл елімізде ESG тақырыбына деген жоғары қызығушылық пен сұраныстың бар екенін көрсетті.
Форум аясында «Экологиялық жауапкершілік және жасыл көшу» атты панельдік сессия өтті. Сессия модераторы – «Qazaq Green» жаңартылатын энергия көздері қауымдастығының басқарма төрайымы Айгүл Соспанова. Ал спикер ретінде «Жасыл экономика және G-Global-ды дамыту коалициясының» басқарма төрайымы Әлия Рахымбекова сөз сөйледі. Ол өз баяндамасында ReStart жобасын таныстырды. Бұл жоба CCI Kazakhstan компаниясымен бірлесіп және Қазақстан Республикасы Ғылым және жоғары білім министрлігінің қолдауымен жүзеге асырылып келеді.
Өйткені, ReStart жобасы еліміздегі жоғары оқу орындарын қамтиды және оның негізгі мақсаты – пластикалық қалдықтарды жинау мен қайта өңдеу мәдениетін қалыптастыру.
Жиналған пластик қайта өңдеу кәсіпорындарына жіберіледі, ал студенттер экологиялық бастамаларға қатысу арқылы нақты тәжірибе жинақтайды. Жобаға он жылдан астам уақыт болды, ол осы кезең ішінде бизнес, мемлекет және азаматтық қоғам арасындағы тұрақты серіктестіктің үлгісіне айналды.
Коалицияның ESG Форумға қатысуы – экологиялық мәдениетті қалыптастыру мен тұрақты дамуды ілгерілетудегі қоғамның ортақ жауапкершілігін айқындай түсті.
Бұл бастама Қазақстанның экологиялық тұрақтылық пен «жасыл даму» жолындағы нақты қадамдарының бірі ретінде бағаланады.
#Qandas #ҚалаКөркі #ТазалықСақшылары #Еңбекадамы #Талдықорған #ЕңбекКүні #ТазаҚалаТазаснаконкурс #ҚажетАндас
Қажет АНДАС,
Q-Andas.kz редакциясы.
