فورۋمعا مەملەكەتتىك ورگانداردىڭ، بيزنەس قۇرىلىمداردىڭ، حالىقارالىق ۇيىمداردىڭ، جوعارى وقۋ ورىندارىنىڭ جانە ازاماتتىق قوعام وكىلدەرى قاتىستى. كەزدەسۋ مازمۇنى جاعىنان باي، پىكىرتالاس پەن تاجىريبە الماسۋعا تولى بولدى. بۇل ەلىمىزدە ESG تاقىرىبىنا دەگەن جوعارى قىزىعۋشىلىق پەن سۇرانىستىڭ بار ەكەنىن كورسەتتى.
فورۋم اياسىندا «ەكولوگيالىق جاۋاپكەرشىلىك جانە جاسىل كوشۋ» اتتى پانەلدىك سەسسيا ءوتتى. سەسسيا مودەراتورى – «Qazaq Green» جاڭارتىلاتىن ەنەرگيا كوزدەرى قاۋىمداستىعىنىڭ باسقارما ءتورايىمى ايگۇل سوسپانوۆا. ال سپيكەر رەتىندە «جاسىل ەكونوميكا جانە G-Global-دى دامىتۋ كواليتسياسىنىڭ» باسقارما ءتورايىمى ءاليا راحىمبەكوۆا ءسوز سويلەدى. ول ءوز بايانداماسىندا ReStart جوباسىن تانىستىردى. بۇل جوبا CCI Kazakhstan كومپانياسىمەن بىرلەسىپ جانە قازاقستان رەسپۋبليكاسى عىلىم جانە جوعارى ءبىلىم مينيسترلىگىنىڭ قولداۋىمەن جۇزەگە اسىرىلىپ كەلەدى.
ويتكەنى، ReStart جوباسى ەلىمىزدەگى جوعارى وقۋ ورىندارىن قامتيدى جانە ونىڭ نەگىزگى ماقساتى – پلاستيكالىق قالدىقتاردى جيناۋ مەن قايتا وڭدەۋ مادەنيەتىن قالىپتاستىرۋ.
جينالعان پلاستيك قايتا وڭدەۋ كاسىپورىندارىنا جىبەرىلەدى، ال ستۋدەنتتەر ەكولوگيالىق باستامالارعا قاتىسۋ ارقىلى ناقتى تاجىريبە جيناقتايدى. جوباعا ون جىلدان استام ۋاقىت بولدى، ول وسى كەزەڭ ىشىندە بيزنەس، مەملەكەت جانە ازاماتتىق قوعام اراسىنداعى تۇراقتى سەرىكتەستىكتىڭ ۇلگىسىنە اينالدى.
كواليتسيانىڭ ESG فورۋمعا قاتىسۋى – ەكولوگيالىق مادەنيەتتى قالىپتاستىرۋ مەن تۇراقتى دامۋدى ىلگەرىلەتۋدەگى قوعامنىڭ ورتاق جاۋاپكەرشىلىگىن ايقىنداي ءتۇستى.
بۇل باستاما قازاقستاننىڭ ەكولوگيالىق تۇراقتىلىق پەن «جاسىل دامۋ» جولىنداعى ناقتى قادامدارىنىڭ ءبىرى رەتىندە باعالانادى.
لياززات مۇحامەتجان،
Q-Andas.kz رەداكتسياسى.
