بۇل تۋرالى «ءورت قاۋىپسىزدىگى بويىنشا رەسپۋبليكالىق الدىن الۋ ايلىعىن وتكىزۋ تۋرالى» تاقىرىبىندا وتكەن ءباسپاسوز جيىنىندا وبلىستىق توتەنشە جاعدايلار دەپارتامەنتىنىڭ مەملەكەتتىك ءورت باقىلاۋ باسقارماسىنىڭ اعا ينجەنەرى، ازاماتتىق قورعاۋ كاپيتانى ەلامان اۋباكىروۆ باياندادى.
ونىڭ ايتۋىنشا، وڭىردە جىلىتۋ كەزەڭىنە وراي كەشەندى فروفيلاكتيكالىق جوسپار ىسكە اسۋدا. وسىعان دەيىن 137 000 تۇرعىن ءۇي تەكسەرىلسە، الەۋمەتتىك وسال ساناتتاعى وتباسىلارعا 1600 گاز داتچيگى ورناتىلىپتى. 1446 ءتۇسىندىرۋ كەزدەسۋى ءوتىپ، 28 000 ادام اقپاراتتاندىرىلعان.
بۇل رەتتە ماماندار اۇپارات قۇرالدارى ارقىلى تۇرعىنداردى پەش، ەلەكتر جىلىتۋ قۇرىلعىلارىن پايدالانۋ كەزىندە قاۋىپسىزدىك ەرەجەلەرىن قاتاڭ ساقتاۋعا شاقىرادى.
ءماتىنىن جازعان ءلاززات مۇحامەدجان،
فوتو-ۆيديو تۇسىرگەن نارگيز يبرايموۆا،
“Q-Andas” رەداكتسياسى.
