Qyzaidyń Qarait batyry bir joly mońǵoldardyń bir toiyna qatysyp qalady.
Toi ústindegi sán-saltanatyna maqtanǵan mońǵol hany Qaraiyt batyrǵa:
– Qyzaida as-mas, jigit-migit, et-met degen sózder bar eken. Sonyń mánisi qalai, – dep súraidy.
- Súraǵyńyzǵa toidan keiin jauap bereiin, – depti Qaraiyt batyr.
Toi-dumandy ótip, toida qyzai jaqtyń aty báigeden kelip, baluany jyǵyp júldeli bolady. Toidyń oiyn-tamashasy bitip, júrt tarqap jatqanda Qaraiyt batyr mońǵol hannyń aldyna kelip:
– Manaǵy súraǵyńyzǵa endi jauap bereiin: qyzailar toi jasaǵanda qoi soiyp qúiryq, jylqy soiyp qazy-qarta tartady. Susynǵa qymyz qúyady. Múny «As» deidi. Al mynadai tas tabaqqa salyp tartqan shóp-shalań men susynǵa bergen shaidy «Mas» deidi. Báigeden ozyp kelgen sáigúlikti «At», jete almaǵanyn «Mat» deidi. Qarsylasyn alyp úrǵan baluandy «Jigit», jyǵylǵandy «migit» deidi, – dep jauap beripti.
Aiybyn túsingen mońǵol hany sózden jyǵylyp, Qaraiyt batyrǵa shaban jauyp, at mingizip attandyrypty.
Derekkóz: Tarih talǵarynda [Mátin] : (Tarihi zertteuler, esse, maqalalar) / A. Omaraqyn- Taldyqorǵan : [b. j.] , 2022.– 500 dana . – ISBN 978-601-7865-39-9 (1-t.), ISBN 978-601-7865-36-8 1-tom .– 287 b., suretti .
https://kazneb.kz/kk/catalogue/view/1657755
“Q-Andas” aqparattyq agenttigi
Jalǵasy bar…
