JIGIT:
Kónbediń olai aitsam, búlaiyma,
Bolaiyn qiyamettik júbaiyńa.
Aq sózi shariǵaty paiǵambardyń,
SHúkirlik, táube etem qúdaiyma.
QYZ:
Búl sózdi tauyp aittyń qúda bala,
Qarasam násiliń artyq, sóziń dana.
Aldyńa aqyn bolsań sala aitaiyn,
Áueli ne jaratqan haq taǵala.
JIGIT:
Bolǵanda ǵylym dariya, aqyl teńiz,
Bilmesek búny bizdiń adam nemiz.
Qúdaiym núrdy búryn jaratypty,
Mollalardyń auzynan estigenbiz.
QYZ:
Jaratqan bárimizdi qúdai deimin,
Jeńilsem qalai sizge úndemeiin.
Qaneki, bilseń taǵy aityp bershi,
Qúdaiym ne jaratqan núrdan keiin?
JIGIT:
Qúdaiym áuel basta núr jaratqan,
Túbinde Nil dariyanyń myń jyl jatqan.
Silkinip dariyadan shyqqannan soń,
Ai, odan keiin Kún jaratqan.
QYZ:
- Aitysar toi bolǵanda jigit pen qyz,
Búl sózdi kóp jamaǵat tyńdasańyz.
Aldyńa aqyn bolsań sala aitaiyn,
Kim eken Paiǵambardan bergi atamyz?
JIGIT:
Aitaiyn óleńimdi endi saǵan,
Siynǵan jaratqanǵa barsha ǵalam.
Kem aqyl sen bilmeseń men aitaiyn,
Taradyq Ánis degen sahabadan.
QYZ:
Mekkege shamań jetse qylǵyn tauap,
Bolady qiyamet kún janǵa sauap.
Qaneki, aqyn bolsań toqtamastan,
Dúniede qansha júp bar aitshy qaraq?
JIGIT:
Nadanǵa aqyl aitsań úqpas tipti,
Jalǵan sóz auyzymnan shyqpas tipti.
Jan-januar, adamzat bolsyn meili,
Bir qúdaidan basqanyń bári júpty.
QYZ:
Minemin el kóshkende kók biemdi,
SHúbyrtyp jeteleimin kóp túiemdi.
Jauap ber aqyn bolsań bir qúdaiym,
Jaratqan bastap qai kún dúnieni?
JIGIT:
Tóskeide borsyq, túlki qazady in,
Jaqsynyń tal boiynda bolmaidy min.
Qúdaiym dúnieni jaratarda,
Bastaǵan bilmeisiń be jeksenbi kún.
QYZ:
Áriptesim ózime jarasypty,
Qúrbysynyń kóńilimen sanasypty.
Aqyn bolsań aityp ber Jaratushym,
Neshe kúnde dúnieni jaratypty?
JIGIT:
Óleńmenen áriptes dara shyqty,
Qúrbysynyń kóńiline qarasypty.
On segiz myń álemdi súrasańyz,
Alty kúnde Qúdaiym jaratypty.
QYZ:
Namazdy kúnde nege bes oqimyz,
Besinde erte, qútpandy kesh oqimyz.
Aqyn bolsań aldyńa sala aitaiyn,
On eki aida namazdy neshe oqimyz?
JIGIT:
Bolmaidy byltyrǵydai biylǵy kúz,
Uaziqa jeńe almaisyń kúderińdi úz.
Kem aqyl sen bilmeseń men aitaiyn,
Oqimyz namaz on eki aida myń segiz júz.
QYZ:
Qoimaidy tauda túlki qara qúmai,
Sózimdi túsinip al búdan bylai.
Aldyńa aqyn bolsań sala aitaiyn,
Keledi on eki aida qansha júma-ai.
JIGIT:
Bolady su ayaǵy kól men teńiz,
Jigitter jatsań-túrsań Alla deńiz.
Aitaiyn úǵynyp al qúrbylarym,
On eki aida júma bar qyryq segiz.
QYZ:
Baiqaimyn bala ekensiń aqylyń bar,
Bolady qysylǵanda jaqynyń jar.
Búrynǵy ótip ketken zamandaǵy,
Barlyǵy qansha eken paiǵambarlar.
JIGIT:
Súradyń paiǵambardyń sanyn bizden,
Aitaiyn bolmasam da hatqa tizgen.
Paiǵambar júz jiyrma tórt myń dep estimiz,
Kezek ber men súraiyn endi sizden.
QYZ:
Saryaǵash kesilgen soń qu bolady,
Aqynnyń júrgen jeri du bolady.
Alaiyn ábden súrap paiǵambardyń,
Aityp ber eń abzaly kim bolady?
JIGIT:
Eń abzaly solardyń Múhammedim,
Jasynan anasy ólip qalǵan jetim.
Adam, Núh, Ybyraiym Qaliolla,
Qoldaidy ahrette biz úmbetin.
QYZ:
Úlkenniń yqylasty al batasyn,
Pendeńniń keship Alla kóp qatesin.
Adamǵa sony bilmek uájip eken,
Aityp ber paiǵambardyń tórt atasyn.
JIGIT:
Uáziqa súrauyńa aitam jauap,
Bai adam meken baryp tabar sauap.
Abdolla, Ábiláshim, Ábdimútálip,
Búlardyń arǵy atasy Ábdimanap.
QYZ:
Basy edi óleńimniń zym ústaǵan,
Bir qús bar sol orynda jyl qystaǵan.
Sekesen til, segiz sipat bir qús bolsa,
Keletin elshilikke ol Jebireiil.
QYZ:
Aspanda bir júldyz bar jymyńdaǵan,
Jaqsyǵa jaqsy emes pe juyqtaǵan.
Jauap ber aqyn bolsań, áriptesim,
Súiegin aq paiǵambar kim ústaǵan?
JIGIT:
Ǵali men Batimany qúdai qosqan,
Arada ne demeidi adam dúshpan.
Súiegin Omar ústap, Ospan juǵan,
Qúmanmen Ibin Ábis suyn qúiǵan.
QYZ:
Kóp jylqym túste jatyr kókalaly,
Enshini eńbek etken kóp alady.
Jauap ber aqyn bolsań, áriptesim,
Jandy men jansyzda úlken ne bolady?
JIGIT:
SHyǵady sybyzǵymen dauysyń teń,
Úǵyp al súraǵyńnyń mánisin sen.
Kim aqyn sen bilmeseń men aitaiyn,
Jandyda balyq, jansyzda qamys úlken.
QYZ:
Qu bala qútyń qaǵyp toiǵa keldiń,
Ózińmen kezdesudi oilap edim.
Aityp ber túsindirip jónimenen,
Balyqtyń úlkendigin qaidan kórdiń.
JIGIT:
Úlyqpan bizden búryn hakim ótken,
Súiegin paiǵambardyń núrdan ekken.
Balyqtyń úlkendigin estushi edim,
Kógarshyn úsh ai úshyp áreń jetken.
QYZ:
Qu bala qútyń qaǵyp toiǵa keldiń,
Ártúrli osy toida oiǵa keldiń.
Aityp ber túsindirip anyǵyraq,
Qamystyń úlkendigin qaidan kórdiń?
JIGIT:
Úlyqpan bizden búryn hakim ótken,
Súiegin paiǵambardyń núrdan ekken.
Qamystyń úlkendigin estushi edim,
Bir taipa el úsh ai kóship áreń ótken.
QYZ:
Ósedi óz erkimen suda balyq,
Oinaidy erkin júzip, asyr salyp.
Aldyńa aqyn bolsań sala aitaiyn,
Bar eken suda balyq neshe tabaq?
JIGIT:
Qolynda moldalardyń Qúran kitap,
Qalady su tartylsa balyq jútap.
Kem aqyn sen bilmeseń men aitaiyn,
Bar eken suda balyq on eki tap.
QYZ:
Bazardan alyp kelgen aqsha mata,
Alaber úlkenderden ylǵi bata.
Aldyńa aqyn bolsań sala aitaiyn,
Balyqtyń on eki tap atyn ata.
JIGIT:
Bolady kimge opa páni jalǵan,
Búl dúnie ótkenderden bizge qalǵan.
Balyqty on eki tap kim bilmeidi,
Sony da súraimysyń Uáziqa jan.
Joǵarydaǵy aitystardy Túrdybek Sárseúlynan jazyp alyp, saqtaǵan Andas OMARAQYNÚLY
Derekkóz: Doda: (Aitystar men tarihi-etnografiyalyq jyrlary) / A. Omaraqyn ; [qúrastyrǵan: Á. Majai [j. b.] .- Taldyqorǵan : [b. j.]. https://kazneb.kz/kk/catalogue/view/1657687
“Q-Andas” aqparattyq agenttigi











