OMIR – عيماراتتاردىڭ ەكولوگيالىق، ەنەرگەتيكالىق جانە كليماتتىق تۇراقتىلىعىن باعالايتىن ۇلتتىق سەرتيفيكاتتاۋ جۇيەسى. جۇيە تۇرعىن ءۇي، كەڭسە، ءبىلىم بەرۋ ۇيىمى، ساۋدا نىسانى، قويما جانە مودەرنيزاتسيالانعان عيماراتتار بويىنشا باعالاۋ جۇرگىزەدى.
جۇيەدەگى جاڭا تالاپتار بويىنشا عيماراتتىڭ اپتاپ ىستىق، جەل، نوسەر سياقتى كليماتتىق تاۋەكەلدەرگە توزىمدىلىگى باعالانادى. قر زاڭناماسىنا سايكەس عيمارات ەنەرگوەففەكتيۆتىك بەلگى الۋى ءتيىس. قورىتىندى سەرتيفيكاتتاۋدان وتكەن عيماراتقا ارنايى رۇقسات بەرىلەدى.
بۇگىندە ەلىمىز بويىنشا 138 تۇرعىن ءۇي كەشەنى OMIR باعالاۋىنان وتكەن. ونىڭ جالپى اۋماعى 3،0 ملن م² قۇرايدى. 1000-نان استام وتباسى «جاسىل» ۇيلەردەن باسپانا الىپ، «جاسىل يپوتەكاعا» جول اشتى. اتاپ ايتقاندا، KazGASA OMIR العان العاشقى ءبىلىم مەكەمەسى، «Four Season» العاشقى ەنەرگيا ماركيروۆكاسىن العان جوبا اتانىپ، Gate City جوبالارى تۇراقتى جوعارى باللعا يە بولدى. KazGBC 162 مامان جانە 9 ساراپشى دايىنداپ، 17 ۇيىممەن مەموراندۋم جاساستى، 150+ ستۋدەنت قاتىسقان جاسىل جوبا كونكۋرسىن وتكىزدى.
الداعى ۋاقىتتاعى جوسپارلارى دا اۋقىمدى. كەلەسى جىلى جەكە تۇرعىن ۇيلەر ءۇشىن جاڭا ستاندارت، مودەرنيزاتسيالانعان كەڭسەلەرگە ارنالعان OMIR ، جاڭارتىلعان ساۋدا نىساندارى، رەكونسترۋكتسيالانعان مەكتەپ، كوللەدج جانە جوو عيماراتتارىنا ارنالعان باعالاۋ جۇيەسى قولدانىلادى. مۇنداعى ماقسات قازاقستانداعى جاسىل قۇرىلىستى قولجەتىمدى ەتۋ جانە ەلدىڭ كليماتتىق مىندەتتەرىن ورىنداۋ.
OMIR – ەكولوگيالىق قۇرىلىس مادەنيەتىن قالىپتاستىرىپ، تۇرعىنداردىڭ ءومىر ساپاسىن ارتتىرىپ، ەلدىڭ كليماتتىق تۇراقتىلىعىن كۇشەيتىپ جاتقان ۇلتتىق جۇيە. وسى جۇيەنى ءتيىمدى پايدالانۋدىڭ ناتيجەسىندە ەلىمىز جاسىل قۇرىلىس سالاسىندا كوشباسشى ەلگە اينالىپ كەلەدى.
قاجەت انداس
«Q-andas» اقپاراتتىق اگەنتتىگى.
