OMIR – ǵimarattardyń ekologiyalyq, energetikalyq jáne klimattyq túraqtylyǵyn baǵalaityn últtyq sertifikattau júiesi. Júie túrǵyn úi, keńse, bilim beru úiymy, sauda nysany, qoima jáne modernizatsiyalanǵan ǵimarattar boiynsha baǵalau júrgizedi.
Júiedegi jańa talaptar boiynsha ǵimarattyń aptap ystyq, jel, nóser siyaqty klimattyq táuekelderge tózimdiligi baǵalanady. QR zańnamasyna sáikes ǵimarat energoeffektivtik belgi aluy tiis. Qorytyndy sertifikattaudan ótken ǵimaratqa arnaiy rúqsat beriledi.
Búginde elimiz boiynsha 138 túrǵyn úi kesheni OMIR baǵalauynan ótken. Onyń jalpy aumaǵy 3,0 mln m² qúraidy. 1000-nan astam otbasy «jasyl» úilerden baspana alyp, «Jasyl ipotekaǵa» jol ashty. Atap aitqanda, KazGASA OMIR alǵan alǵashqy bilim mekemesi, «Four Season» alǵashqy energiya markirovkasyn alǵan joba atanyp, Gate City jobalary túraqty joǵary ballǵa ie boldy. KazGBC 162 maman jáne 9 sarapshy daiyndap, 17 úiymmen memorandum jasasty, 150+ student qatysqan jasyl joba konkursyn ótkizdi.
Aldaǵy uaqyttaǵy josparlary da auqymdy. Kelesi jyly jeke túrǵyn úiler úshin jańa standart, modernizatsiyalanǵan keńselerge arnalǵan OMIR , jańartylǵan sauda nysandary, rekonstruktsiyalanǵan mektep, kolledj jáne JOO ǵimarattaryna arnalǵan baǵalau júiesi qoldanylady. Múndaǵy maqsat Qazaqstandaǵy jasyl qúrylysty qoljetimdi etu jáne eldiń klimattyq mindetterin oryndau.
OMIR – ekologiyalyq qúrylys mádenietin qalyptastyryp, túrǵyndardyń ómir sapasyn arttyryp, eldiń klimattyq túraqtylyǵyn kúsheitip jatqan últtyq júie. Osy júieni tiimdi paidalanudyń nátijesinde elimiz jasyl qúrylys salasynda kóshbasshy elge ainalyp keledi.
Qajet ANDAS
«Q-andas» aqparattyq agenttigi.
