Q-Andas
No Result
View All Result
  • باستى بەت
  • ولكەتانۋ
    • ءبىلىم
    • دەنساۋلىق
    • سپورت
    • قۋعىن-سۇرگىن
    • تۇلعا تانۋ
    • قورشاعان ورتا
    • حالىق جادى
    • مادەنيەت
    • جەتىسۋ جارتاس سۋرەتتەرى
    • جەتىسۋدىڭ اسيەتتى جەرلەر
    • ادەبيەت
    • شالعاي اۋىل
    • تۋريزم
      • تاريح
    • ەلتانۋ
    • كوشى-قون
    • تۋرنير
  • ارنايى جوبالار
    • بايقاۋ
    • كورمەلەر
    • كونفەرەنتسيا
    • گرانت
    • ەكسپەديتسيالار
  • مۇراعات
    • انداس وماراقىن ىزىمەن
    • اۋەسحان ماجايدىڭ جادىگەرلەرى
    • بەينەفيلم
    • حاتكەرلىك
    • گالەرەيا
  • ءبىز تۋرالى
    • ارىپتەستەر
    • بايلانىس
    • سايت اكىمشىلىگى
    • PDF-مۇراعات
kz Қазақ qz Qazaq tj توتە جازۋ ru Русский en English
Q-Andas
  • باستى بەت
  • ولكەتانۋ
    • ءبىلىم
    • دەنساۋلىق
    • سپورت
    • قۋعىن-سۇرگىن
    • تۇلعا تانۋ
    • قورشاعان ورتا
    • حالىق جادى
    • مادەنيەت
    • جەتىسۋ جارتاس سۋرەتتەرى
    • جەتىسۋدىڭ اسيەتتى جەرلەر
    • ادەبيەت
    • شالعاي اۋىل
    • تۋريزم
      • تاريح
    • ەلتانۋ
    • كوشى-قون
    • تۋرنير
  • ارنايى جوبالار
    • بايقاۋ
    • كورمەلەر
    • كونفەرەنتسيا
    • گرانت
    • ەكسپەديتسيالار
  • مۇراعات
    • انداس وماراقىن ىزىمەن
    • اۋەسحان ماجايدىڭ جادىگەرلەرى
    • بەينەفيلم
    • حاتكەرلىك
    • گالەرەيا
  • ءبىز تۋرالى
    • ارىپتەستەر
    • بايلانىس
    • سايت اكىمشىلىگى
    • PDF-مۇراعات
No Result
View All Result
Q-Andas
No Result
View All Result
باستى بەت انداس وماراقىن ىزىمەن

قىز بەن جىگىتتىڭ ايتىسى

admin
2025/11/27
انداس وماراقىن ىزىمەن
0
Қыз бен жігіттің айтысы

جىگىت:

اقىننىڭ جولىقسام دەپ ساراسىنا،

قيىردان كەلىپ ەدىم مەن اسىعا.

ولەڭنىڭ كەڭ ءورىسىن كەزەيىكشى،

ىرگەلى ەلىمىزدىڭ ارقاسىندا.

قىز:

ولەڭدى باستا دەسەڭ باسى بىلاي،

مەنى اڭساپ كەلىپسىڭ-اۋ اسىلىم-اي.

الدىمەن امانداسىپ تانىسپاعان،

قايتەيىن قۇداكەڭنىڭ جاسىعىن-اي.

جىگىت:

الدىعا ءتاتتى ءدام بوپ تارتىلاتىن،

جەبەدەي كومەكەيدەن اتىلاتىن.

ولەڭدى ايتا وتىرىپ تانىسارمىز،

قۇداشا ءجونىڭ جوققوي اسىعاتىن.

قىز:

ولەڭدى باستا دەسە باستاعانىم،

ءجون بولماس سىر ساندىعىن اشپاعانىم.

كوڭىلىمدى جەلپىندىرسەڭ اقىن قۇدا،

شىعانداپ كوتەرىلەر اسقاق ءانىم.

قۇدا ەكە قاراقات كوز قيىلعان قاس،

دومالار ەلدى ويلاسام كوزىمنەن جاس.

كوپ ايدىڭ كورمەگەلى ءجۇزى بولدى،

امان با اۋىل-ايماق، تاۋ مەنەن تاس.

جىگىت:

كەلگەندە ءسوز كەزەگى تارتىنباعان،

اقىنمىن داۋسىم كوككە ساڭقىلداعان.

جاقىنعا قۋانىشىن جاريا ەتكەن،

كوزىڭنەن اينالايىن جارقىلداعان.

قىز:

ايتا ءتۇس اقىن قۇربىم، ولەڭىڭدى،

كورسەتىپ توپ الدىندا ونەرىڭدى.

جان بولساڭ جاقىن كورىپ جاي بىلەتىن،

تاباسىڭ ولەڭىڭنەن كەرەگىڭدى.

جىگىت:

ساۋ تۇرعاندا باسىڭدا زامانىڭ بار،

تاڭ نۇرىنداي جايناعان اجارىڭ بار.

ونداي بولسا ولەڭمەن ىقىلاس بەر،

ولەڭنىڭ شىڭىنا ورلەر تالابىم بار.

قىز:

تالاپ قىلىپ ەلىنە ونەر شاشقان،

اقىل جاستان ەمەس پە، اسىل تاستان.

ۇستەم بولسىن مەرەيىڭ، اقىن قۇدا،

ءساتتى بولسىن تالابىڭ ورگە باسقان.

جىگىت:

ولەڭدەرىڭ ىلەدەي اعىنداعان،

جان ەكەنسىڭ جامانعا تابىلماعان.

ءسوزىڭ سوزگە تۇتانىپ، ۇشقىن اتقان،

جانارىڭنان اينالدىم جالىنداعان.

قىز:

ولەڭىڭىز ۇنادى اقىن اعا،

ناعىز ءبىر جان بولارسىز بارا-بارا.

بولسام دەيمىن وزىمشە مەن دە سارا،

وزا شاۋىپ جۇلدە العان جەكە دارا.

جىگىت:

جاس كۇنىمنەن ولەڭگە قويدىم قادام،

ەسكى دوسىن ۇمىتار كەيبىر ادام.

ءبىر ءسوزىم بار ساقتاعان ايتار ەدىم،

بولماعاندا قاسىڭدا بوتەن ادام.

قىز:

مەن دە وزىڭدەي ولەڭگە قۇردىم دۇكەن،

ءبورى جورتار قوي اڭدىپ بوكەڭ-بوكەڭ.

بۇيىمتايىڭ بار بولسا وڭاشا ايتار،

تۇندە كەل دە تۇيە بوپ ۇيگە سۇيكەن.

جىگىت:

تۇندە ۇيقىمدى سەن ءۇشىن بولەمىن دە،

تورشامەنەن ءتۇن قاتىپ جەلەمىن دە.

تۇيە تۇگىل بوزداعان بوتا بولىپ،

تابىلارمىن قاسىڭنان كەرەگىندە.

قىز:

ايتا سالسام جەلپ ەتتىڭ كەلەمىن دەپ،

قارۋ قىلىپ ايتقان ءبىر ولەڭىڭ جوق.

مەن ءۇشىن بوتا بولىپ بوزداماشى،

كەلمەي-اق قوي قاسىما كەرەگىڭ جوق.

جىگىت:

كەلەدى قىزدار سۋعا شەلەك الىپ،

وينايدى سۋدا بالىق بەلەڭ الىپ.

وزىڭمەن وڭاشادا كەزدەسەر ەم،

تىلەكتى تاعدىر ءبىزدىڭ بەرە سالىپ.

قىز:

بارادى قىزدار سۋعا شەلەك الىپ،

وينايدى سۋدا بالىق بەلەڭ الىپ.

قاۋقارىڭ بىزدەي قىزعا جەتە الا ما،

قاسىڭا كەلمەسەڭ ءبىر كومەك الىپ.

جىگىت:

ەندەشە شىبار تۋشا، شىبار تۋشا،

كورىنەر قىزدار سۇلۋ بەلىن بۋسا.

الدىنا ەسىگىڭنىڭ سۋ توگىپ قوي،

جىعىلسىن اكەڭ تايىپ مەنى قۋسا.

قىز:

ەتەدى اربا جولدا سالدىر-سۇلدىر،

ءجۇزىپ-اق كول ۇستىندە ۇيرەك قالعىر.

سەن مەنەن نە سيقىڭمەن دامەتەسىڭ،

يت تۇمسىق، بۇقا جاۋىرىن ادىرا قالعىر.

جىگىت:

سەنى مەن جۇمساق دەسەم ءسىرى ەكەنسىڭ،

شىق بەرمەس شىعايبايدىڭ ءبىرى ەكەنسىڭ.

ءولدى دەپ قارىنبايدى ەستۋشى ەدىك،

ورنىنا ءوزىڭ ءتىرى ءجۇر ەكەنسىڭ.

قىز:

ۇستىمدە اق كويلەگىم نوقالانعان،

جۇرمەيدى ساي جولىمەن جوتالاعان.

ونەرىڭ، ونەرىمە ساي كەلمەسە،

ءتور تۇگىل سىعالاتپان بوساعادان.

جىگىت:

قۇداشا ءوزىڭ قانداي، ءسوزىڭ قانداي،

بازاردان الىپ كەلگەن ءبوزىڭ قانداي.

قالىپتى قايران نازىم بۇراڭ تارتىپ،

الۋعا ءبىر تۇزەتىپ تەزىڭ قانداي؟

قىز:

قاپتاعان جول بويى نۋ قارا اعاشتى،

ءبىزدىڭ كوش ءسىزدىڭ كوشپەن ارالاستى.

ايتپاساڭ ارىزىڭدى كەمپىرلەرگە،

بۇراۋىڭ قىز تەزىنە جاراماستى.

جىگىت:

سەنىمەن ايتىسپايمىن تونىڭ جامان،

سەكىلدى قارعا تۇياق تونىڭ جامان.

ءوزىڭدى كۇتىپ قۇربىڭ تازا جۇرمەي،

نەڭدى العان جىگىتتەرگە قىرىنداعان.

قىز:

اينالايىن جاراتقان نەسىبە بەر،

توزاڭ وتىن سۋ سەۋىپ وشىرە كور.

جاستىق كەزدە البىرتتىق بولادى ەكەن،

ويناپ، كۇلگەن جايىمدى كەشىرە گور.

جىگىت:

–  قۇداشا سالەمەت پە قالىڭ قالاي،

امان با اۋىل-ايماق ءبارىڭ قانداي.

اقىن دەپ سىرتىڭىزدان قۇمار ەدىم،

جىگەرىڭ كەۋدەڭدەگى جالىن قانداي؟

قىز:

قۇدەكە، ءجۇردىڭىز بە ساۋ-سالامات،

امان با جۇراعات-جەگجات بار جاماعات.

مەنىڭداعى سىرتىڭنان ەستۋىم بار،

ايتىسۋعا ءجۇرۋشى ەم قىلماي تاعات.

جىگىت:

جۇرەگىم قۋانادى سەنى دەسەم،

ەشكىمگە كەتكەنى جوق سوزدەن ەسەم.

ولەڭمەن ونەرىمدى كورسەتەيىن،

ءسىز مۇندا بار ەكەنسىز ىزدەپ كەلسەم.

قىز:

جۇرەگىم ءسىز دەگەندە الا قاشقان،

تالايمەن مەن دە توپتا جاعالاسقام.

سايىسىپ تالاي-تالاي اقىندارمەن،

جەرىم جوق كۇنى بۇگىن جازا باسقان.

جىگىت:

قانەكي سىناسىن جۇرت ءسوزىمىزدى،

قۇدايىم كەلتىرىپتى كەزىمىزدى.

نەسىنە جىگىتپىن دەپ ايتا الامىن،

بۇل تويدا جەڭە الماسام ءوزىڭىزدى.

قىز:

كەلىپسىڭ ادەيى ىزدەپ ارعى جاقتان،

ات جۇيرىك دەگەن ءسوز بار جالعىز شاپقان.

وزىڭمەن كەزىم كەلمەي ءجۇرۋشى ەدى،

كەزىكتىم، قۇدا بالا، ەندى ساقتان.

جىگىت:

ءىلىندىڭ ەي، قۇداشا، شەڭگەلىمە،

ناق ءتۇستىم ۇستىڭىزدەن كەلگەنىمە.

قانەكي بەكەم بايلا بەلىڭىزدى،

تالايلار قالىپ جۇرگەن جەلگەنىمدە.

قىز:

قۇدەكە ءسوزىڭ قيىن كورىنەدى،

كوڭىلىم ساعان قاراي بولىنەدى.

ايتىسىپ بۇگىن سىزبەن سايىسپاسام،

اقىن دەپ ايتا ما جۇرت تەگى مەنى.

جىگىت:

جارايدى قۇداشانىڭ جاۋابىن كور،

ايتىسىپ سىنالاتىن وسى ءبىر جەر.

جارىسىپ ءسىز سياقتى سان جۇيرىكپەن،

بولعان جوق كۇنى بۇگىن ەش ارام تەر.

قىز:

بايقاسام كورىنەدى ءسوزىڭ قيىن،

جاقسىنىڭ كىم جەك كورسىن بەرگەن سىيىن.

جارىسىپ تالاي توپتا سان اداممەن،

كورگەم جوق زيان تارتىپ، جالعىز تيىن.

جىگىت:

بايقاسام جان ەكەنسىز تيىن قۋعان،

جول الماي قالعانىم جوق ۇلى دۋدان.

جارىسقان تالاي-تالاي ساڭلاقتارمەن،

مايداندا ونەرىممەن ءتىلىن بۋعام.

قىز:

بايقاسام جان ەمەسسىڭ قاراپايىم،

مەنىڭ دە اتىم ماعلۇم ەلگە جايىم.

سان جىگىت شاڭىما دا ىلەسپەگەن،

جاڭىلىپ وتىرماسام جازاتايىم.

جىگىت:

كەزىكتىم وزىڭمەنەن ارەڭ زورعا،

مىنەكي، ءتۇستىم دەي بەر ءبىزدىڭ تورعا.

ەركىمىز قالاي ايتساق ەكەۋمىزدىڭ،

جۇرت سىنار ەكەندىگىن كىمدەر جورعا.

قىز:

بولار دەپ ويلامايمىن سىزدەن قاۋىپ،

قۇدەكە ءجۇردىڭ بۇرىن جەكە شاۋىپ.

جەڭبەسەم بۇگىن ءسىزدى جىبەرمەيمىن،

كەزدەستىم زار بوپ ءجۇرىپ ارەڭ اۋىپ.

جىگىت:

وزىڭمەن كەزىم كەلدى تاماشادا،

بەلگىلى ءسوز ىرعاعىن قاراسا دا.

كىم مىقتى، كىم وسالىن جۇرت سىناسىن،

سويلەسىپ وتىرعام جوق وڭاشادا.

قىز:

قۇدەكە، بايقاعانعا ءسوزىڭ مىقتى،

كوتەرەر جان ەكەنسىڭ اۋىر جۇكتى.

تولامىن جۇرت سىنىنا قايتسەمداعى،

ايتەۋىر جەڭىلمەيمىن سىزدەن ءتىپتى.

جىگىت:

قۇداشا دەمەيمىن مەن اقىلىم كەم،

سويلەسەر سەنىمەنەن تەرەزەم تەڭ.

ءوزىڭدى ءوزىڭ ماقتاما ەل ماقتاسىن،

ەل الدىندا سىپايى بولعانىڭ ءجون.

قىز:

كورەرسىز سىزدەن وزىپ اتتاماسام،

بولا ما ەل قادىرىن ساقتاماسام.

ەل-جۇرتىم قاستەرلەپ اقىن دەيدى،

بولا ما ەل ءۇمىتىن اقتاماسام.

جىگىت:

ماقتانساڭ ەل قادىرىن بىلە المايسىڭ،

سوزىمە مەنىڭ نەگە ءتىل المايسىڭ.

قانشالىق شورشىعانمەن اق شاباقتاي،

قۇداڭىز سالعان اۋدان شىعا المايسىڭ.

قىز:

قۇدەكە، سالا المايسىڭ اۋمەن قۇرىق،

قالاي دەسەم جۇرەتىن وزىمدە ۇق.

ءىلىنىپ كورگەمىن جوق ەش نارسەگە،

تازامىن سۇتتەن اپپاق، سۋدان تۇنىق.

جىگىت:

سەكەم الما، قۇداشا، بوتەن ءسوز جوق،

جاقسى ىسىنە اركىمنىڭ كوڭىلى توق.

ەشبىر قاۋىپ-قاتەرگە ىلىنبەيسىڭ،

نە قىلادى جەل سوزبەن تيگىزگەن وق.

قىز:

جەل سوزبەنەن كوڭىلدى قاندىرايىن،

اقتىعىما ءوزىمنىڭ ناندىرايىن.

ماحابباتتىڭ جالىنى وسى ەمەس پە؟

جۇرەگىڭدى دەپ ەدىم جاندىرايىن.

جىگىت:

ىسىنە بۇل جالعاننىڭ كىم نانادى،

كەيبىرەۋ دۇرىس ايتساڭ تۇلدانادى.

وتىرىك ايتقانمەنەن قۇرى بەكەر،

تەگىنە ماعان ايتەۋىر شىن جاعادى.

قىز:

قۇدەكە، سوزىڭىزگە قوسىلامىن،

نەسىنە بۇل سوزىڭە توسىلامىن.

شىنعا سەن وتىرىك ءسوز قالا بەرسىن،

شىندىققا جاناسادى وسى جاعىڭ.

جىگىت:

قۇداشا ەندى كەلدىڭ دۇرىسىڭا،

قوسايىن كومەگىمدى جۇمىسىڭا.

ءسوزىمنىڭ نەگىزىن ۇق، ارتىن بايقا،

ەشنارسە ىلە المايسىز ۋىسىڭا.

قىز:

ايتىستىق وسى تويدا ەكەۋارا،

قۇدەكە، كەيبىر سوزگە كوڭىل جارا.

سەن مەنى جەڭە المايسىڭ ەش ۋاقىتتا،

ىزدەپ تۇر قۇداشاڭدى بولسا شارا.

جىگىت:

مەنى جەڭسەڭ بايگەگە ءوزىڭدى ال،

ءۇش قايتارا قالىڭ مال قولقاڭدى سال.

جەڭە الماساڭ، قۇداشا، سەن قايتەسىڭ،

ءجونىڭ كەلدى وسىعان ۋاعدا قىلار.

قىز:

–  ۋاعداڭا مىقتى بول قۇدا بالا،

وقىس ىستەر بولادى بولسا شالا.

كوپ الدىندا ەكەۋمىز ۋاعدالاستىق،

قالعان ءجايدى ءوزىڭ دە بايقاپ قارا.

جىگىت:

بارا جاتىر جاۋابىڭ بەيىمدەلىپ،

ۇعىسارمىز ەندەشە كەيىن كەلىپ.

وسى بولسا ۋاعداڭ تەزدەتەيىك،

ءومىر ءوتىپ بارادى اتتاي جەلىپ.

قىز:

ماحابباتتىڭ بەلگىسى ازىلدەسكەن،

بارلىق ادام بىزدەي بوپ جاستان وسكەن.

وزىڭمەنەن ارىپتەس بوپ وتىرمىن،

وسى بولسىن ۋاعداڭىز قۇداي دەسكەن.

جىگىت:

شىقتىم وزىپ مەن سىزبەن جارىسقاندا،

قۋانىپ ەم وزىڭمەن تانىسقاندا.

قۇدايدى ايتىپ ەندەشە ۋاعدالاستىق،

مىنا وتىرعان كوپ قاۋىم، قالىس باردا.

قىز:

باسقا ءسوزدى ءبىز تەرىپ قۋىسپالىق،

ءبىر-ءبىرىمىزدى الدىق قوي دۇرىس تانىپ.

توپ ىشىندە سەرتتەستىك ايدان-اشىق،

ەندى ەكەۋمىز قاعىسپاي جۋىقتايىق.

جىگىت:

ال، قالقاتاي، ەندەشە مەن دە دايىن،

جامان ەكەنسىڭ بىلەتىن ءىستىڭ جايىن.

ءدال وسىنداي تىلەگىڭ بولسا سەن دە،

شىن جۇرەكتەن بەرىلىپ قوسىلايىن.

جوعارىداعى ايتىستى تىلەۋقابىل الىلعازىۇلىنان جازىپ الىپ، ساقتاعان انداس وماراقىنۇلى

دەرەككوز: دودا: (ايتىستار مەن تاريحي-ەتنوگرافيالىق جىرلارى) / ا. وماراقىن ؛ [قۇراستىرعان: ءا. ماجاي [ج. ب.] .- تالدىقورعان : [ب. ج.].                     https://kazneb.kz/kk/catalogue/view/1657687

“Q-Andas” اقپاراتتىق اگەنتتىگى

0 0 votes
Рейтинг статьи
Post Views: 17
Қышқыш қалай жасалған?
انداس وماراقىن ىزىمەن

قىشقىش قالاي جاسالعان

August 12, 2026
Адамның пайда болуы
انداس وماراقىن ىزىمەن

ادامنىڭ پايدا بولۋى

August 10, 2026
Күн және жұлдыздар
انداس وماراقىن ىزىمەن

كۇن جانە جۇلدىزدار

August 5, 2026
كۇن مەن جەر
انداس وماراقىن ىزىمەن

كۇن مەن جەر

August 4, 2026
Аспанның биіктеуі
انداس وماراقىن ىزىمەن

اسپاننىڭ بيىكتەۋى

July 31, 2026
Жер-көктің айырылуы жөнінде (Күнес ауданының аңыз-ертегілері)
انداس وماراقىن ىزىمەن

جەر-كوكتىڭ ايىرىلۋى جونىندە (كۇنەس اۋدانىنىڭ اڭىز-ەرتەگىلەرى)

July 30, 2026
Subscribe
Login
Notify of
guest
guest
0 комментариев
Oldest
Newest Most Voted
Inline Feedbacks
View all comments
ӨЛКЕ ШЕЖІРЕСІН СӨЙЛЕТКЕН ҚАЛАМГЕР

ولكە شەجىرەسىن سويلەتكەن قالامگەر

November 9, 2026

«Бекзат өмір»: өнерге арналған еңбек

«بەكزات ءومىر»: ونەرگە ارنالعان ەڭبەك

November 7, 2026

Өлке тарихы ұрпаққа аманат

ولكە تاريحى ۇرپاققا امانات

October 23, 2026

ЖАҢА ҚАҒИДА?  «Әлеуметтік кәсіпкерлерге жаңа талаптар түсіндірілді»

جاڭا قاعيدا: «الەۋمەتتىك كاسىپكەرلەرگە جاڭا تالاپتار ءتۇسىندىرىلدى»

October 13, 2026

Жұмыспен қамту тәртібінде не өзгерді?

جۇمىسپەن قامتۋ تارتىبىندە نە وزگەردى؟

October 12, 2026

Ақпараттық агенттігі

Меншік иесі: “Жетісу” өлкетанушылар орталығы” қоғамдық бірлестігі
Қазақстан Республикасы, Жетісу облысы, Талдықорған қаласы “Болашақ” шағын ауданы, 12-27

Q-Andas желілік басылымы Қазақстан Республикасы Ақпарат және коммуникация министрлігі Ақпарат комитетінде 2025 жылғы 19 наурызда тіркеліп, № KZ21VPY00115275 куәлігі берілген.

Сайт материалын пайдалану үшін редакция келісімі керек және гиперсілтеме жасау міндетті.

Тел: 8 747 706 1382
email: andas_kazhet@mail.ru

qandas.kz © 2026. Барлық авторлық құқық заңмен қорғалған.

  • tjتوتە جازۋ
    • kz Қазақ
    • qz Qazaq
    • tj توتە جازۋ
    • ru Русский
    • en English
  • باستى بەت
  • ولكەتانۋ
    • ءبىلىم
    • دەنساۋلىق
    • سپورت
    • قۋعىن-سۇرگىن
    • تۇلعا تانۋ
    • قورشاعان ورتا
    • حالىق جادى
    • مادەنيەت
    • جەتىسۋ جارتاس سۋرەتتەرى
    • جەتىسۋدىڭ اسيەتتى جەرلەر
    • ادەبيەت
    • شالعاي اۋىل
    • تۋريزم
      • تاريح
    • ەلتانۋ
    • كوشى-قون
    • تۋرنير
  • ارنايى جوبالار
    • بايقاۋ
    • كورمەلەر
    • كونفەرەنتسيا
    • گرانت
    • ەكسپەديتسيالار
  • مۇراعات
    • انداس وماراقىن ىزىمەن
    • اۋەسحان ماجايدىڭ جادىگەرلەرى
    • بەينەفيلم
    • حاتكەرلىك
    • گالەرەيا
  • ءبىز تۋرالى
    • ارىپتەستەر
    • بايلانىس
    • سايت اكىمشىلىگى
    • PDF-مۇراعات

© 2025 qandas.kz

wpDiscuz