وسى باعىتتا ءى. جانسۇگىروۆ اتىنداعى جەتىسۋ ۋنيۆەرسيتەتىنىڭ «Zhansugurov College» باسشىلىعىنىڭ باستاماسىمەن قۇرىلعان «بولاشاق» دەبات كلۋبى جۇيەلى جۇمىس جۇرگىزىپ كەلەدى. كلۋبتىڭ نەگىزگى ماقساتى – زامان تالابىنا ساي ويلايتىن، ادامي قۇندىلىقتى ۇستاناتىن، قوعامدىق ومىرگە بەلسەنە ارالاساتىن، جاۋاپكەرشىلىگى جوعارى جاستاردى تاربيەلەۋ.
«بولاشاق» دەبات كلۋبى ستۋدەنتتەردى پىكىرسايىس مادەنيەتىنە باۋلىپ قانا قويماي، كوللەدجىشىلىك تۋرنيرلەر ارقىلى ۇزدىك ويىنشىلاردى انىقتاپ، ولاردى قالالىق، وبلىستىق جانە رەسپۋبليكالىق دەڭگەيدەگى جارىستارعا قاتىستىرىپ كەلەدى. سونىڭ ناتيجەسىندە كوللەدج ستۋدەنتتەرى ءتۇرلى دودالاردا جۇلدەلى ورىندارعا يە بولىپ، تاجىريبە جيناقتاۋدا.
اتاپ ايتقاندا، 2025 جىلعى 22 قازاندا «Taldyqorgan jastary» فيليالىنىڭ ۇيىمداستىرۋىمەن «Jetisy jastary» ورتالىعىندا رەسپۋبليكا كۇنىنە وراي وتكەن دەبات ويىنىندا «Zhansugurov College»-ءنىڭ 222 بق توبىنىڭ ستۋدەنتتەرى كوركەم ءابىل مەن جازيرا تۋنكەلحان ءىى ورىن يەلەندى. ال 107 يق توبىنىڭ ستۋدەنتى ءانۋار توكەن «ۇزدىك سپيكەر» نوميناتسياسىمەن ماراپاتتالدى.
سونداي-اق، بىلتىرعى 12 جەلتوقساندا ءى. جانسۇگىروۆ اتىنداعى جەتىسۋ ۋنيۆەرسيتەتىندە وبلىستىق مەملەكەتتىك قىزمەت ىستەرى دەپارتامەنتى مەن «Jetisy jastary» كمم ۇيىمداستىرعان «ادالدىق مەنەن باستالادى» اتتى پىكىرسايىسقا ديلناز ناۋرىزباي، اينەل بايعاليدەن قۇرالعان «بايتەرەك» توبى جانە نۇرايجان جاپكەن مەن كاۋسار اسىلبەكتەن قۇرالعان «ەرۋديت» توبى قاتىسىپ، جۇلدەلى ورىندارعا قول جەتكىزدى.
كوللەدج ستۋدەنتتەرىنىڭ جەتىستىگى بيىل دا جالعاسىن تاپتى. 2026 جىلعى 23 قاڭتاردا وبلىستىق «Jetisy jastary» ورتالىعى وتكىزگەن «قازاقستان رەسپۋبليكاسىنىڭ كونستيتۋتسيالىق قۇندىلىقتارى – جاستار ءۇشىن باعدار» اتتى دەبات تۋرنيرىندە كوللەدجدىڭ قۇراما كومانداسى جوعارى دايىندىق، قۇقىقتىق ساۋاتتىلىق، ناقتى ارگۋمەنتاتسيا جانە شەشەندىك قابىلەت تانىتىپ، ءىى ورىن الىپ، ارنايى ديپلوم جانە كۋبوكپەن ماراپاتتالدى.
ال 17 اقپاندا ءى. جانسۇگىروۆ اتىنداعى جەتىسۋ ۋنيۆەرسيتەتى مەن «Zhansugurov College» ۇيىمداستىرعان «زاڭ مەن ءتارتىپ» اتتى وبلىستىق پىكىرسايىس تۋرنيرىندە كوللەدج قۇراماسىنىڭ ويىنشىلارى كاۋسار اسىلبەك جانە اينەل بايعالي جۇلدەلى ءى ورىندى جەڭىپ الدى.
سونداي-اق، بيىلعى 22 ساۋىردە «Jetisy jastary» كمم ۇيىمداستىرعان «سانالى تاڭداۋ – جارقىن بولاشاق» تاقىرىبىنداعى وبلىستىق پىكىرسايىستا «Zhansugurov College»-ءنىڭ «بىلىمدىلەر» كومانداسى ءىىى ورىن يەلەندى. بۇل تۋرنير جاستار اراسىندا قۇمار ويىندارىنىڭ زيانى تۋرالى تۇسىنىكتى ارتتىرۋعا، سىني ويلاۋ قابىلەتىن دامىتۋعا جانە دۇرىس ومىرلىك تاڭداۋ جاساۋعا باعىتتالدى.
جاستار اراسىنداعى پىكىرسايىس مادەنيەتىن دامىتۋ – ءبىلىمدى، بەلسەندى ءارى جاۋاپكەرشىلىگى جوعارى ۇرپاق قالىپتاستىرۋدىڭ ءتيىمدى جولى.
گۇلدەن نايمانباەۆا،
«Zhansugurov College»-ءنىڭ «بولاشاق» دەبات كلۋبىنىڭ جەتەكشىسى
