Osy baǵytta I. Jansúgirov atyndaǵy Jetisu universitetiniń «Zhansugurov College» basshylyǵynyń bastamasymen qúrylǵan «Bolashaq» debat kluby júieli júmys júrgizip keledi. Klubtyń negizgi maqsaty – zaman talabyna sai oilaityn, adami qúndylyqty ústanatyn, qoǵamdyq ómirge belsene aralasatyn, jauapkershiligi joǵary jastardy tárbieleu.
«Bolashaq» debat kluby studentterdi pikirsaiys mádenietine baulyp qana qoimai, kolledjishilik turnirler arqyly úzdik oiynshylardy anyqtap, olardy qalalyq, oblystyq jáne respublikalyq deńgeidegi jarystarǵa qatystyryp keledi. Sonyń nátijesinde kolledj studentteri túrli dodalarda júldeli oryndarǵa ie bolyp, tájiribe jinaqtauda.
Atap aitqanda, 2025 jylǵy 22 qazanda «Taldyqorgan jastary» filialynyń úiymdastyruymen «Jetisy jastary» ortalyǵynda Respublika kúnine orai ótken debat oiynynda «Zhansugurov College»-niń 222 Bq tobynyń studentteri Kórkem Ábil men Jazira Tunkelhan II oryn ielendi. Al 107 Iq tobynyń studenti Ánuar Tóken «Úzdik spiker» nominatsiyasymen marapattaldy.
Sondai-aq, byltyrǵy 12 jeltoqsanda I. Jansúgirov atyndaǵy Jetisu universitetinde oblystyq Memlekettik qyzmet isteri departamenti men «Jetisy jastary» KMM úiymdastyrǵan «Adaldyq menen bastalady» atty pikirsaiysqa Dilьnaz Nauryzbai, Ainel Baiǵaliden qúralǵan «Báiterek» toby jáne Núraijan Japken men Káusar Asylbekten qúralǵan «Erudit» toby qatysyp, júldeli oryndarǵa qol jetkizdi.
Kolledj studentteriniń jetistigi biyl da jalǵasyn tapty. 2026 jylǵy 23 qańtarda oblystyq «Jetisy jastary» ortalyǵy ótkizgen «Qazaqstan Respublikasynyń konstitutsiyalyq qúndylyqtary – jastar úshin baǵdar» atty debat turnirinde kolledjdiń qúrama komandasy joǵary daiyndyq, qúqyqtyq sauattylyq, naqty argumentatsiya jáne sheshendik qabilet tanytyp, II oryn alyp, arnaiy diplom jáne kubokpen marapattaldy.
Al 17 aqpanda I. Jansúgirov atyndaǵy Jetisu universiteti men «Zhansugurov College» úiymdastyrǵan «Zań men Tártip» atty oblystyq pikirsaiys turnirinde kolledj qúramasynyń oiynshylary Káusar Asylbek jáne Ainel Baiǵali júldeli I oryndy jeńip aldy.
Sondai-aq, biylǵy 22 sáuirde «Jetisy jastary» KMM úiymdastyrǵan «Sanaly tańdau – jarqyn bolashaq» taqyrybyndaǵy oblystyq pikirsaiysta «Zhansugurov College»-niń «Bilimdiler» komandasy III oryn ielendi. Búl turnir jastar arasynda qúmar oiyndarynyń ziyany turaly túsinikti arttyruǵa, syni oilau qabiletin damytuǵa jáne dúrys ómirlik tańdau jasauǵa baǵyttaldy.
Jastar arasyndaǵy pikirsaiys mádenietin damytu – bilimdi, belsendi ári jauapkershiligi joǵary úrpaq qalyptastyrudyń tiimdi joly.
Gúlden NAIMANBAEVA,
«Zhansugurov College»-niń «Bolashaq» debat klubynyń jetekshisi
