باسى:
1.جەتىسۋعا بوتەن وكرۋگتەردەن، ياكي بوتەن وبلىستاردان سونداعى ۋاقيعالارعا قاتىسى جوق اسكەرلەر جىبەرىلەتىن بولسىن.
مۇندا كۇشتى جانە eكi جاقتىڭ بىرىنە تارتپايتىن ۇكىمەت جاسالسىن؛
وبلىستارداعى ورىس حالقىنىڭ استىقتارى كوپتىڭ پايداسىنا الىنسىن رەكۆيزيتسيا قىلىنسىن؛
مۇسىلمانداردا ولارداعىداي استىق جوق، بىرەن-ساران استىعى بار مۇسىلمانداردان الدەقاشان ول استىقتار الىنىپ قويىلعان. بۇل استىقتا حالىققا جەتپەيتىن بولعان سەبەپتى ونىڭ ۇستىنە اقمولا جانە سەمەي وبلىستارىنان استىق ساتىپ اكەلۋگە قام قىلىنسىن، سودان سوڭ ول استىقتار جىلدامىراق اشارشىلىق باستالعان جەرلەرگە جەتكىزىلسىن.
كەزدەمە جانە حالىققا بىرنەشە ءزارۋ باسقا زاتتار بۇكىل وبلىستا جوق بولعان cەبەپتi تالانعان قىرعىز – قازاقتار بولسىن، قارا شەكپەندىلەر بولسىن قازىنانىڭ بەرەتىن جاردەم اقشاسىنا تاۋىپ الا المايدى. سول ءۇشىن قازىنانىڭ بەرمەكشى بولعان ون بip مىڭ سوم اقشاسىنا الگىدەي ءزارۋ زاتتار، باسقا جەرلەردەن ساتىپ الىنىپ، حالىققا اقشا ورنىنا سول نارسەلەر ۇلەستىرىلسىن؛
بىلتىرعى ۋاقيعالاردىڭ سالدارىنان زيان شەككەن جۇرتتارعا قازىنانىڭ بەرەتىن جاردەمىن ۇلەستىرەتىن ازىق – تۇلىك كوميتەتتەرى ىلعي ورىستاردان جاسالعان. ولار وزدەرىنىڭ تارتىپسىزدىكتەرى سەبەپتى، ءتيىستى جاردەمدى حالىققا لايىقتاپ ۇلەستىرە المايدى. سونىڭ ءۇشىن قىرعىز – قازاق حالقىنا تيەتىن سىباعاسى سولاردىڭ ءوز ۇيىمدارىنا تاپسىرىلسىن، ياكي ورىس، قازاق ارالاس ۇيىمدار جاسالسىن، جاردەمدى ءتيىستى ورنىنا تابىس قىلۋ كەرەك. سول جاردەم جەتكىزۋشى ۇيىمدار مىندەتىنە ارتىلۋ كەرەك.
قازاق – قىرعىز جەرلەرىن ارەنداعا بەرۋ وسى كۇننەن – اق، توقتاتىلسىن. ال ەندى بۇرىن ارەنداعا بەرىلىپ قويعان جەرلەردىڭ ارەندا اقشاسى اشىققان قازاق – قىرعىزداردىڭ وزدەرىنە بەرىلسىن.
قازاق – قىرعىز جانە مۇسىلمان وبلىستىق كوميتەتتەرىنىڭ توراعاسى
ءى. جايناقوۆ.
“بىرلىك تۋى ” گازەتى، № 11، 1917 جىل.
ءتۇپ نۇسقا اراب حارپىندە
اۋدارعان قاجەت انداس











