Осы бағытта І. Жансүгіров атындағы Жетісу университетінің «Zhansugurov College» басшылығының бастамасымен құрылған «Болашақ» дебат клубы жүйелі жұмыс жүргізіп келеді. Клубтың негізгі мақсаты – заман талабына сай ойлайтын, адами құндылықты ұстанатын, қоғамдық өмірге белсене араласатын, жауапкершілігі жоғары жастарды тәрбиелеу.
«Болашақ» дебат клубы студенттерді пікірсайыс мәдениетіне баулып қана қоймай, колледжішілік турнирлер арқылы үздік ойыншыларды анықтап, оларды қалалық, облыстық және республикалық деңгейдегі жарыстарға қатыстырып келеді. Соның нәтижесінде колледж студенттері түрлі додаларда жүлделі орындарға ие болып, тәжірибе жинақтауда.
Атап айтқанда, 2025 жылғы 22 қазанда «Taldyqorgan jastary» филиалының ұйымдастыруымен «Jetisy jastary» орталығында Республика күніне орай өткен дебат ойынында «Zhansugurov College»-нің 222 Бқ тобының студенттері Көркем Әбіл мен Жазира Тункелхан ІІ орын иеленді. Ал 107 Иқ тобының студенті Әнуар Төкен «Үздік спикер» номинациясымен марапатталды.
Сондай-ақ, былтырғы 12 желтоқсанда І. Жансүгіров атындағы Жетісу университетінде облыстық Мемлекеттік қызмет істері департаменті мен «Jetisy jastary» КММ ұйымдастырған «Адалдық менен басталады» атты пікірсайысқа Дильназ Наурызбай, Айнел Байғалиден құралған «Бәйтерек» тобы және Нұрайжан Жапкен мен Кәусар Асылбектен құралған «Эрудит» тобы қатысып, жүлделі орындарға қол жеткізді.
Колледж студенттерінің жетістігі биыл да жалғасын тапты. 2026 жылғы 23 қаңтарда облыстық «Jetisy jastary» орталығы өткізген «Қазақстан Республикасының конституциялық құндылықтары – жастар үшін бағдар» атты дебат турнирінде колледждің құрама командасы жоғары дайындық, құқықтық сауаттылық, нақты аргументация және шешендік қабілет танытып, ІІ орын алып, арнайы диплом және кубокпен марапатталды.
Ал 17 ақпанда І. Жансүгіров атындағы Жетісу университеті мен «Zhansugurov College» ұйымдастырған «Заң мен Тәртіп» атты облыстық пікірсайыс турнирінде колледж құрамасының ойыншылары Кәусар Асылбек және Айнел Байғали жүлделі І орынды жеңіп алды.
Сондай-ақ, биылғы 22 сәуірде «Jetisy jastary» КММ ұйымдастырған «Саналы таңдау – жарқын болашақ» тақырыбындағы облыстық пікірсайыста «Zhansugurov College»-нің «Білімділер» командасы ІІІ орын иеленді. Бұл турнир жастар арасында құмар ойындарының зияны туралы түсінікті арттыруға, сыни ойлау қабілетін дамытуға және дұрыс өмірлік таңдау жасауға бағытталды.
Жастар арасындағы пікірсайыс мәдениетін дамыту – білімді, белсенді әрі жауапкершілігі жоғары ұрпақ қалыптастырудың тиімді жолы.
Гүлден НАЙМАНБАЕВА,
«Zhansugurov College»-нің «Болашақ» дебат клубының жетекшісі
