Q-Andas
No Result
View All Result
  • باستى بەت
  • ولكەتانۋ
    • ءبىلىم
    • دەنساۋلىق
    • سپورت
    • قۋعىن-سۇرگىن
    • تۇلعا تانۋ
    • قورشاعان ورتا
    • حالىق جادى
    • مادەنيەت
    • جەتىسۋ جارتاس سۋرەتتەرى
    • جەتىسۋدىڭ اسيەتتى جەرلەر
    • ادەبيەت
    • شالعاي اۋىل
    • تۋريزم
      • تاريح
    • ەلتانۋ
    • كوشى-قون
    • تۋرنير
  • ارنايى جوبالار
    • بايقاۋ
    • كورمەلەر
    • كونفەرەنتسيا
    • گرانت
    • ەكسپەديتسيالار
  • مۇراعات
    • انداس وماراقىن ىزىمەن
    • اۋەسحان ماجايدىڭ جادىگەرلەرى
    • بەينەفيلم
    • حاتكەرلىك
    • گالەرەيا
  • ءبىز تۋرالى
    • ارىپتەستەر
    • بايلانىس
    • سايت اكىمشىلىگى
    • PDF-مۇراعات
kz Қазақ qz Qazaq tj توتە جازۋ ru Русский en English
Q-Andas
  • باستى بەت
  • ولكەتانۋ
    • ءبىلىم
    • دەنساۋلىق
    • سپورت
    • قۋعىن-سۇرگىن
    • تۇلعا تانۋ
    • قورشاعان ورتا
    • حالىق جادى
    • مادەنيەت
    • جەتىسۋ جارتاس سۋرەتتەرى
    • جەتىسۋدىڭ اسيەتتى جەرلەر
    • ادەبيەت
    • شالعاي اۋىل
    • تۋريزم
      • تاريح
    • ەلتانۋ
    • كوشى-قون
    • تۋرنير
  • ارنايى جوبالار
    • بايقاۋ
    • كورمەلەر
    • كونفەرەنتسيا
    • گرانت
    • ەكسپەديتسيالار
  • مۇراعات
    • انداس وماراقىن ىزىمەن
    • اۋەسحان ماجايدىڭ جادىگەرلەرى
    • بەينەفيلم
    • حاتكەرلىك
    • گالەرەيا
  • ءبىز تۋرالى
    • ارىپتەستەر
    • بايلانىس
    • سايت اكىمشىلىگى
    • PDF-مۇراعات
No Result
View All Result
Q-Andas
No Result
View All Result
باستى بەت قاجەت كىتاپ

الماتىنىڭ اپورتى

admin
2026/08/30
قاجەت كىتاپ
0
Алматының апорты

اتام قالاسا دا، قالاماسا دا «زاڭگى اتا» دەپ اتايتىنبىز. ونىڭ قانداي مارتەبەلى اتاۋ ەكەنىن بالا كۇندە تۇسىنبەسەك تە ەرجەتكەندە بىلدىك. اتام ەل وسىلاي اتاعان سايىن بويىن اۋلاققا سالىپ، سىپايى كۇلىپ، جانىنا جۋىتپاۋعا تىرىساتىن. بالا كوڭىل ونىڭ بايىبىنا بارماسا دا ءار نارسەدەن ساقتانىپ، ءار جۇمىستى بايىپتاپ، سابىرمەن سالماقتاپ ىستەيتىنىنە قاراپ، بىزگە ايتپايتىن ءبىر سىردىڭ بار ەكەنىن ىشتەي تۇسىنەتىنبىز. ال اكەم ۇيدە بولماعان كۇندەرى كورشى-قولاڭ كەشكى اسقا وتىرعاندا ۇرىمحان اپام اپكەم ەكەۋمىزدى جەتەلەپ، اۋىلدىڭ ماڭىنداعى توبەشىككە شىعاتىن دا: «اكەلەرىڭ اناۋ جاقتا تۇرادى»، – دەپ قولىن ەبەدەيسىز سەرمەپ، الدەبىر الىستى نۇسقايتىن. ودان كەيىن كوز جاسىن بىزگە كورسەتپەي سىعىمداپ جاتاتىن. بالعىن كوڭىلىمىز اكەمىزدىڭ جاقىن ارادا قاسىمىزدا بولمايتىنىن عانا سەزەتىنبىز. بىراق قايدا، نەگە كەتكەنىن سۇراۋعا ءداتىمىز بارمايتىن.

سول كەزدە قابىرعاسىن توپىراقتان سوعىپ، توبەسىنە بورەنەنى اياماي ءتىزىپ، ونىڭ ۇستىنە توقىلعان بۇيرانى جاۋىپ، بالشىق ىلايمەن بەكىتكەن ەكى بولمەلى تام ۇيدە تۇراتىنبىز. سىرتىنان قاراعاندا جۇپىنى كورىنگەنىمەن، ىشىندە مەيىرىمدىلىك، سىيلاستىق، جاناشىرلىق ءۇيىپ تۇراتىن. قىستى كۇندەرى كىرە بەرىستەگى توپىراق پەشكە جاعىلعان وتتىڭ ءوزى تام ءۇيدى قىز-قىز قايناتاتىن. ال كوكتەم، كوز كۇندەرى جاڭبىر جاۋعاندا توبەدەن سورعالاعان سارى سۋ مازامىزدى ابدەن الاتىن. ءۇيدىڭ ىشىندەگى دۇنيەلەردە تىم از بولاتىن. جامىلاتىن كورپە-جاستىق، ءبىر بۇرىشىندا ۇساق-تۇيەك تۇرمىستىق بۇيىمدار سالىناتىن ۇلكەن كەبەجەدەن باسقا مۇلكىمىز دە جوق ەدى. توردە كونەتوز قالتاعا سالىنعان جۇقالتاڭ كىتاپشا عانا ءىلۋلى تۇراتىن. اتام الگى كىتاپشانى «اپتيەك» دەپ اتايتىن. «اپتيەكتىڭ» نە ەكەنىن اتامنان سۇراۋعا باتپاي، اپكەم ەكەۋمىز اپامنىڭ مازاسىن الاتىنبىز. بىراق اپام: «ول اتاڭنىڭ كىتابى»، – دەيتىن دە قوياتىن. شەشەمىزدەن سۇراي قالساق، بىزگە شاپالاقپەن عانا جاۋاپ بەرەتىن.

دەسە دە، ءبىز ۇلكەندەردىڭ كۇدىكشىل ارەكەتتەرىنەن ۇيدەگى قۇپيانى سىرتقا شىعارماۋ كەرەكتىگىن مىقتى مەڭگەردىك.

وسىنداي مۇقياتتىلىقتىڭ ءمانىن كەيىن ەس بىلگەندە، قىتاي ەلىندەگى «مادەني توڭكەرىس» دەلىنەتىن كۇردەلى ساياسي جاعداي اياقتالعان كەزدە بارىپ تۇسىندىك. سويتسەك، بۇل كەز اتامىزدىڭ «جۇرتتى ازعىرىپ، قىزىل وكىمەتكە قارسى شىققان، كونەلىكتى جاقتاپ، جاڭالىقتى شەتتەتكەن، ۇلتشىل، كەرى توڭكەرىسشى، حالىق جاۋى» دەگەن مارتەبەلى اتاقتارعا يە بولىپ، ءۇي قاماقتا جۇرگەن كەزى ەكەن. جاسى ۇلعايعان ادام بولعاندىقتان جانە دەنساۋلىعىنىڭ ناشارلىعى سەبەپتى ۇيقاماقتا وتىرۋعا بۇيىرىپتى. ال اكەمىز جاستايىنان قولىنا قالام الىپ، ولەڭ مەن ونەر قۋىپ ەرجەتكەندىكتەن «سارى ولەڭ جازىپ، سارى ءان ورىنداۋشى، ۋحان، دىڭتونىڭ (قىزىل وكىمەتتى مويىنداماعان قىتايلىق جازۋشىلار) كەڭسۋدىڭ باسىنا قاعىپ كەتكەن قازىعى» دەگەن ايىپ تاعىپ، ەڭبەكپەن وزگەرتۋگە جىبەرىلىپتى. ۇمىتىپ بارادى ەكەم عوي. جۇپىنى ءۇيىمىزدىڭ تورگى بولمەسىندە تاعى ءبىر قاستەرلى مۇلكىمىز بولاتىن. ول اتام جاتاتىن جەر توسەكتىڭ باسىندا تۇراتىن قاعاز قالپاق. وعان قىتايشا«پانگىميڭ»، قازاقشا «كەرى توڭكەرىسشى» دەگەن جازۋ جازىلعان. اتام سىرتقا شىققاندا سول قالپاعىن كيىپ ءجۇرۋ كەرەك.

ءبىر كۇنى الگى قالپاقتى كيۋدى ۇمىتىپ كەتكەنى ءۇشىن ءبىر جەتى ۇيگە جىبەرمەي قويدى. ەسىمدە قالۋىنشا، ول كىسى وتە ادەمى، تازا ادام ەدى. كوزى جانىپ تۇراتىن. جاي كۇندەرى جالىن ەسىپ تۇراتىن قوس قاراشىعىنان اشۋلانعاندا الاپات جارقىل ونە بويىڭدا كۇيدىرىپ جىبەرەتىن. كۇنى بويى اۋىر ەڭبەكتەن شاڭ توزاڭ بولىپ، ونسىزدا توزىعى جەتكەن كيىمى جالىم-جۇلىم بولىپ كەلگەندە اپام تۇنىمەن ۇىقتاماي جۋىپ-شايىپ، جىلتىراعان بىلتە شامنىڭ تۇبىندە جىرتىعىن جاماپ وتىراتىن. تەك ينەگە ءجىپ ساباقتاي الماعاندا مەنى ءتۇرتىپ وياتاتىن. قارعىپ تۇرىپ ايتقانىن ورىنداپ بەرىپ، اپامنىڭ تىزەسىنە سۇيەنىپ جاتىپ ۇيىقتاپ كەتەمىن. مىنە، وسىلاي كەشكە ۇيگە تورىعىپ، توزىپ، شارشاپ-شالدىعىپ كەلەتىن اتام تاڭ اتا جاماۋ-جاماۋ بولسا دا تاپ-تازا كيىمىن كيىپ، كەۋدەسىن اسقاق ۇستاپ، كەزەكتى كۇرەسكە كەتىپ بارا جاتادى.

ءۇيدىڭ ىشىنەن گورى ەسىكتىڭ الدى جايناپ تۇراتىن. ويتكەنى، ءبىزدىڭ باقشادا سول وڭىردە كەزدەسپەيتىن سان ءتۇرلى جەمىس اعاشى ماۋەلەپ ءوسىپ، كوز قىزىقتىراتىن.

– بۇنداي جەمىس اعاشتارى نەگە ءبىزدىڭ اۋلادا بار، باسقالاردا جوق، – دەپ اكەم ءبىر كەلگەندە سۇراپ قالدىم.

– بۇل جەمىس اعاشتارىنىڭ كوشەتىن اتاڭنىڭ ءۇرىمجى دەگەن قالاداعى سابەتتىڭ كونسولىندا ىستەيتىن الماتىدان كەلگەن دوستارى اكەلىپ بەرگەن، – دەپ جاۋاپ بەردى.

ول كەزدە ءۇرىمجى دەگەن قالانى، الماتى دەگەندى دە بىلمەيتىنمىن. بىراق سول اعاشتاردىڭ ءتىل ۇيىرەتىن، بالداي ءتاتتى جەمىسىنىڭ ءدامى كۇنى بۇگىن ءتىلىمنىڭ ۇشىندا تۇرادى. ءبىز ول المانى «كيىز الما» دەپ اتايتىنبىز. سىزگە وتىرىك، ماعان شىن ۇلكەندىگى جاڭا تۋعان نارەستەنىڭ باسىنداي ۇلكەن بولاتىن.

اتام قايتىس بولعان كۇنى ءۇيدىڭ سىرتىندا ءيىرىلىپ تۇرعان كوپتىڭ اراسىنان اپكەم ەكەۋمىزدى قاسىنا شاقىرىپ، توسەگىنىڭ باسىنداعى ءبىر تال المانى الىپ، ەكىگە ءبولىپ، بىزگە ۇسىندى. اتامنىڭ سوڭعى ساپارعا دايىندالىپ جاتقانىن بالا بولساق تا جۇرەگىمىز سەزىپ تۇردى. اپكەم ەكەۋمىز كوز جاسىمىزدى ءسۇرتىپ-ءسۇرتىپ قويىپ، اتام بەرگەن المانى جەۋگە كىرىستىك. الما جەلىنىپ بىتپەسە، اتام ءتىرى قالاتىنداي ۋاقىتتى سوزا بەردىك. اتامدا بۇل ويىمىزدى بىلگەندەي باسىمىزدان ايالاپ سيپاپ، باۋىرىنا قىسىپ، كەزەك-كەزەك ماڭدايىمىزدان ءسۇيدى. قانشا تىرىسساقتا المانى جەپ بىتىردىك. ءتىپتى، ۇرىعىمەن قوسىپ، اعاشتان جۇلعاندا بىرگە كەلگەن سۇيەمدەي تۇقىلىنا دەيىن جەپ قويدىق. سونى كۇتىپ وتىرعانداي اتام مەنى جاقىن تارتىپ، قابىرعادا ءىلۋلى تۇرعان «اپتيەكتى» الدىردى دا ورمانحاندى شاقىردى:

– بۇل اكەمنەن قالعان اسىل مۇرا. وندا ارۋاقتاردىڭ قاسيەتى بار. ءبىزدىڭ ءۇيدى 13 رەت وپىس قىلعاندا ولاردىڭ كوزىنە تۇسپەي امان ساقتالدى. ەندى مەنىڭ ۇرپاعىمنان ءدىن جولىن ۇستاعاندار شىعا قويمايتىن شىعار. ءبارى عىلىم قۋىپ كەتەدى. وسىنى وزىڭە تاپسىرايىن قادىرىن كەتىرىپ الما؟، – دەپ «اپتيەكتى» قولىنا بەردى. قازىر ورمانحاننىڭ ۇرپاقتارى دا ەلگە كەلدى. ءبارى ءدىن جولىن ۇستانىپ، ۇلكەن جەتىستىكتەرگە جەتىپ ءجۇر. ولار ءار رەت دۋعاسىن جاساپ بولعان سوڭ اتامنىڭ اتىن اتاماي بەتىن سيپامايدى.

سوسىن كوپتىڭ اراسىنان باياسىل دەگەن اتىشۇلى اپەرباقاندى شاقىرىپ، توسەگىنىڭ باسىنداعى قاعاز قالپاقتى ۇسىندى.

– مىنانى تاپسىرىپ ال! ەندى بۇنى سەنىڭ ۇرپاعىڭ كيسىن، – دەدى. «باياسىل كەلە جاتار» دەسە بەسىكتەگى بالا شوشىپ وياناتىن قىتايدىڭ اتىشۇلى «مادەني توڭكەرىسى» دەگەن ناۋقانى جاساپ شىققان بەزبۇيرەكتىڭ كەيىنگى تاعدىرى جاقسى بولعان جوق. جەر جامانداماسىن «يت ولىممەن» ءولدى. بالا-شاعاسى دا توزىپ كەتتى.

اماناتىن ورىنداپ بولعاننان كەيىن ورنىنان قينالىپ كوتەرىلىپ، شىنتاقتاپ وتىردى دا ءيىرىلىپ تۇرعان كوپشىلىككە.

– «جالعاننىڭ ءىسى جالعاندا، احيرەتتىڭ ءىسى بارعاندا» دەگەن ءسوز بار. قولدارىڭنان كەلسە ادامزاتتىڭ بارىنە جاقسىلىق جاساۋدان جالىقپاڭدار. جاماندىقتان بويلارىڭدى اۋلاق ۇستاڭدار. جاقسىلىق ۇرپاعىڭا جۇعادى، جاماندىعىڭدى ۇرپاعىڭ وتەيتىن بولادى. اللا تاعالادا جاقسىلىعىڭنىڭ قارىمجىسىن قايتىرىپ، جاماندىعىڭنىڭ جازاسىن تارتقىزىپ بارىپ بىراق الادى. وسىنى ۇمىتپاڭدار، – دەپ وسيەتىن ايتىپ، ماڭگىلىك ساپارىنا اتتانىپ كەتتى.

اتام ولە-ولگەنشە ءوزىنىڭ الەمدى شارلاعان ساپارلارىن ايتا الماي كەتتى عوي. قازىر ويلاسام سول جولداردى بۇگىن مەن باسىپ جۇرگەن سياقتىمىن. ءار رەت شەتەلگە بارعان سايىن مەشىتكە كىرىپ، اتامنىڭ جانە ونىڭ اتى-جونىندە بىلمەيتىن دوستارىنىڭ ارۋاعىنا باعىشتاپ، نيەت ەتىپ قايتامىن. قازىرشە قولىمنان كەلەرى وسى عانا بولىپ تۇر.

نەسىن جاسىرايىق، اكەلەرىمىزدىڭ تۇسىندا اراق ءىشۋ دەگەن سانگە اينالدى. اراقتى جامانداۋ نيەتىم جوق. ونى مەن دە ءىشتىم. ويتكەنى، ول كەزدە اراقسىز جۇمىس بىتپەيتىن. اكەمدى دە جامانداۋ نتيەتىم جوق. ءومىردىڭ كورگەن سانسىز قياناتىنىڭ ءوشىن سول اراقتان الىپ، سونىمەن ءجىبىتىپ، سول ارقىلى ۇمىتادى ەكەن عوي. ارينە، اراق ارالاسقان جەردە ويىن-تاماشادا، اماگەرشىلىكتىڭ دە الىستا قالاتىن تۇسى كوپ كەزدەسەدى. وتباسىنداعى كيكىلجىڭ دە بولىپ تۇرادى. اعايىندارىمەن ابدەن تويلاتقان اكەم شەشەيمەن سوزگە كەلىپ قالدى. اكەمنىڭ ءبىر قاسيەتى وتباسىندا قانشا كيكىلجىڭ بولسا دا ءومىر بويى شەشەمە ءبىر دە ءبىر رەت جۇدىرىق جۇمسام كورگەن جوق. سول جولى بولەك مىنەز كورسەتتى. كيىمىن كيىندى دە دالاعا بەتتەدى. اپكەم ەكەۋمىز ارتىنان ەرىپ كەلەمىز.

– ۇيگە قايتىڭىز، قايدا باراسىز، – دەيمىز ەتەگىنە ورالىپ.

– كەتەمىن، – دەيدى.

– قايدا؟

– سابەتكە كەتەمىن.

بالا كوڭىل سەنگىش قوي. راسىندا، سابەتكە كەتىپ قالادى ەكەن دەپ اپكەم ەكەۋمىز ءتۇنى بويى اكەممەن ەرىپ جۇردىك.

ول كەزدە قازاقستاندى سابەت دەپ اتاۋشى ەدى. ەرتەسى اكەم دۇرىستالعان سوڭ سابەت تۋرالى سۇراپ ءبىلدىم. سول كۇننەن باستاپ، سابەتكە كەتۋ دەگەن ءبىر ارمان مەنىڭ دە كوكىرەگىمە ورناپ الدى.

ارادا ءبىراز جىلدار ءوتىپ، قازاقتىڭ كوز جاسى قۇرعاپ، تاۋەلسىزدىك قايتا ورالدى عوي. ۋنيۆەرسيتەتكە ءتۇسىپ، العاشقى دەمالىسىمدى الىپ اۋىلعا كەلدىم. ونسىزدا از ۇيىقتايتىن اكەم تۇنىمەن ءبىر پاراق قاعازدى قايتا، قايتا وقىپ ابىگەر بولىپ ءجۇر. ورنىمنان تۇرىپ اكەمنىڭ جانىنا كەلدىم. مەنىڭ نە سۇرايتىنىمدى ءبىلىپ تۇر عوي. قولىنداعى قاعازىن ۇسىندى.

كريلشە ماشينكاعا تەرىلگەن ءبىر بەت قاعاز. كەيىن ارى بەرى كوشىپ ءجۇرىپ سول حاتتى جوعالتىپ الدىق. ول شەرحان مۇرتازانىڭ شەتەلدەگى قازاق زيالىلارىن ەلگە ورالىپ، بىرلىكتە قىزمەت ەتۋگە شاقىرعان حاتى ەدى. قىمباتتى انداس وماراقىنۇلى دەپ باستالاتىن حاتتىڭ ۇزىن ىرعاسى ەسىمدە، سوڭىنا شەرحان مۇرتازا دەپ قول قويىلعان. ول كەزدە شەرحان مۇرتازانىڭ كىم ەكەندىگىن ءبىلىپ قالعان كەزىمىز. قازاقتىڭ سونداي تاۋ تۇلعاسىنىڭ شالعايداعى اكەمدى قايدان بىلەتىنىنە تاڭعالدىم. ەلگە ورالعان سوڭ دا شەراعاڭا جولىعىپ، وسى جايلى سۇراعىمدى كەلدى. نەگە ەكەن ول قادامعا بارعىم كەلمەدى. ءبىر كۇنى اكەمنىڭ قالدىرىپ كەتكەن قولجازبالارىنىڭ اراسىنان قىتاي كوممۋنيستىك پارتياسى كۇنەس اۋداندىق فيليالىنا شتات سۇراپ جازعان ارىزىن تاۋىپ الدىم. سونىڭ ىشىندە: «…مەن بەلگىلى ءبىر ساياسي توپتىڭ ادامى ەمەسپىن. ەل ىشىندە (قىتاي)، شەتەل دە ارالاس-قۇرالاس بولعان ادامدارىم كوپ. ولاردىڭ ءبىرى بىرگە وقىعاندار، ەندى ءبىرى قىزمەت بارىسىندا ارىپتەس بولعاندار…» دەگەن سويلەم بار. مۇمكىن ۇرىمجىدەگى كەزىندە ارالاس-پىكىرلەس بولعان شىعار.

حاتتى وقىپ شىققاننان كەيىن ەلگە كەتۋ تۋرالى ايتىپ ەدىم. «تۇرا تۇر» دەپ قانا قويدى. دەمالىستى ءبىتىرىپ، ۇرىمجىگە كەلگەن سوڭ اكەمە ايتپاي تولقۇجات جاساتۋعا كىرىستىم. نەسىن جاسىرايىن، تالاي اقشانى شاشىپ، تالاي ەسىككە كىرىپ ءجۇرىپ بەس جىلدا ەرەڭ ءبىتتى. بىراق قولىما تولقۇجات تيگەنىمەن ونى اكەمە ايتا الماي تاعى دا بەس جىل كۇتتىم. تولقۇجاتتىڭ ۋاقىتى بىتۋگە جارتى جىل قالعاندا عانا اكەمە كورسەتتىم.

– ەرتەرەك ايتپادىڭ با؟ سەن قاشان قوزعالار ەكەن دەپ جۇرگەنمىن، – دەدى دا قويدى.

ول كەزدە ءبارىمىز ەرجەتىپ، ءبىرىمىز ءۇيلى-باراندى بولساق، ەندى ءبىرىمىز الىس قالادا وقۋدا جۇرگەن كەز. ءبىر كۇنى اكەم جەتەۋىمىزدى ۇيگە شاقىردى. سول كۇنى قۇران وقىلىپ، تىلەۋ تىلەندى. كەشكى استان كەيىن توردە وتىرعان اكەم ماعان قارادى دا:

– قاجەت، قازاقستانعا كەتەدى. مەنىڭ دە، اۋلەتتىڭ دە جالعىز ۇلى سەن ەمەسسىڭ، بىراق اتاڭ سەنەن ۇلكەن ءۇمىت كۇتەتىن. اتاجۇرتقا بارام دەسەڭ بەتىڭدى قاقپايمىن. وندا دا الدىڭنىڭ جارىق ساۋلە شاشىلاتىنى انىق. تەك، ءبىزدىڭ وكىنىشتەردى قايتالاپ جاتساڭ ەشكىمنەن كورمە؟ – دەدى.

– ءيا،– دەدىم.

اتاجۇرتقا كەلگەننەن بەرگى قادامىم ءساتسىز بولعان جوق. قاشاندا الدىمنان جاقسى ادامدار كەزدەسىپ، قولتىعىمنان دەمەپ كەلەدى. وسى كەزدە عانا اتامنىڭ ءوتىپ بارا جاتقان تۇستا بىزگە الماتىنىڭ الماسىن نەلىكتەن جەگىزگەنىنىڭ ءمانىن تەرەڭ ءتۇسىندىم. كەيدە ازىق-تۇلىك الۋ ءۇشىن بازارعا بارعاندا ايەلىم ەكەۋمىز الما ساتىپ الار تۇستا كەلىسپەي قالامىز. ول سىرتى جىلتىراعان، ءتۇسى كوزدى اربايتىن، بۇزىلماعان يمپورت المانى ساتىپ العىسى كەلەدى. ونى دا تۇسىنۋگە بولادى. ويتكەنى، داستارقاننىڭ جايناپ تۇرعانىن قاي ايەل زاتى ۇناتپاسىن. مەن ءشىرىپ كەتۋگە تاياپ تۇرسا دا الماتىنىڭ الماسىن ساتىپ العىم كەلەدى. الامىن دا. سەبەبى، مەنىڭ ۇعىمىمدا تۋعان جەرىنىڭ دامىنە ءسۇيسىنىپ وسكەن بالا عانا ەلدىڭ ەرتەڭگى تىرەگى بولادى. ال شاراناسىنان وزگەنى ءور ساناپ، شەتەلدىڭ جىلتىراعىنا قۇمارتىپ وسكەن بالا ساتقىن بولادى.

قاجەت انداس،

“Q-Andas” اقپاراتتىق اگەنتتىگى.

جالعاسى بار…

5 1 vote
Рейтинг статьи
Post Views: 21
ӨЛКЕ ШЕЖІРЕСІН СӨЙЛЕТКЕН ҚАЛАМГЕР
قاجەت كىتاپ

ولكە شەجىرەسىن سويلەتكەن قالامگەر

November 9, 2026
«Бекзат өмір»: өнерге арналған еңбек
قاجەت كىتاپ

«بەكزات ءومىر»: ونەرگە ارنالعان ەڭبەك

November 7, 2026
Майдан мен тыл тарихын тоғыстырған жинақ
قاجەت كىتاپ

مايدان مەن تىل تاريحىن توعىستىرعان جيناق

October 8, 2026
«Сайын даланың Сайболаттары»
قاجەت كىتاپ

«سايىن دالانىڭ سايبولاتتارى»

October 5, 2026
Парасат жолы өнегелі өмір естелігі
قاجەت كىتاپ

پاراسات جولى – ونەگەلى ءومىر ەستەلىگى

September 30, 2026
Сарқанда өлкетану кітаптары таныстырылды
قاجەت كىتاپ

سارقاندا ولكەتانۋ كىتاپتارى تانىستىرىلدى

September 24, 2026
Subscribe
Login
Notify of
guest
guest
0 комментариев
Oldest
Newest Most Voted
Inline Feedbacks
View all comments
ӨЛКЕ ШЕЖІРЕСІН СӨЙЛЕТКЕН ҚАЛАМГЕР

ولكە شەجىرەسىن سويلەتكەن قالامگەر

November 9, 2026

«Бекзат өмір»: өнерге арналған еңбек

«بەكزات ءومىر»: ونەرگە ارنالعان ەڭبەك

November 7, 2026

Өлке тарихы ұрпаққа аманат

ولكە تاريحى ۇرپاققا امانات

October 23, 2026

ЖАҢА ҚАҒИДА?  «Әлеуметтік кәсіпкерлерге жаңа талаптар түсіндірілді»

جاڭا قاعيدا: «الەۋمەتتىك كاسىپكەرلەرگە جاڭا تالاپتار ءتۇسىندىرىلدى»

October 13, 2026

Жұмыспен қамту тәртібінде не өзгерді?

جۇمىسپەن قامتۋ تارتىبىندە نە وزگەردى؟

October 12, 2026

Ақпараттық агенттігі

Меншік иесі: “Жетісу” өлкетанушылар орталығы” қоғамдық бірлестігі
Қазақстан Республикасы, Жетісу облысы, Талдықорған қаласы “Болашақ” шағын ауданы, 12-27

Q-Andas желілік басылымы Қазақстан Республикасы Ақпарат және коммуникация министрлігі Ақпарат комитетінде 2025 жылғы 19 наурызда тіркеліп, № KZ21VPY00115275 куәлігі берілген.

Сайт материалын пайдалану үшін редакция келісімі керек және гиперсілтеме жасау міндетті.

Тел: 8 747 706 1382
email: andas_kazhet@mail.ru

qandas.kz © 2026. Барлық авторлық құқық заңмен қорғалған.

  • tjتوتە جازۋ
    • kz Қазақ
    • qz Qazaq
    • tj توتە جازۋ
    • ru Русский
    • en English
  • باستى بەت
  • ولكەتانۋ
    • ءبىلىم
    • دەنساۋلىق
    • سپورت
    • قۋعىن-سۇرگىن
    • تۇلعا تانۋ
    • قورشاعان ورتا
    • حالىق جادى
    • مادەنيەت
    • جەتىسۋ جارتاس سۋرەتتەرى
    • جەتىسۋدىڭ اسيەتتى جەرلەر
    • ادەبيەت
    • شالعاي اۋىل
    • تۋريزم
      • تاريح
    • ەلتانۋ
    • كوشى-قون
    • تۋرنير
  • ارنايى جوبالار
    • بايقاۋ
    • كورمەلەر
    • كونفەرەنتسيا
    • گرانت
    • ەكسپەديتسيالار
  • مۇراعات
    • انداس وماراقىن ىزىمەن
    • اۋەسحان ماجايدىڭ جادىگەرلەرى
    • بەينەفيلم
    • حاتكەرلىك
    • گالەرەيا
  • ءبىز تۋرالى
    • ارىپتەستەر
    • بايلانىس
    • سايت اكىمشىلىگى
    • PDF-مۇراعات

© 2025 qandas.kz

wpDiscuz