Q-Andas
No Result
View All Result
  • Басты бет
  • Өлкетану
    • Елтану
    • Жартас суреттері
    • Қажет дерек
    • Қажет кітап
    • Қасиетті жерлер
    • Қажет ақпарат
    • Халық жады
    • Ауесхан Мажайдың жәдігерлері
    • Андас Омарақын ізімен
    • Қуғын-сүргін
    • Көші-қон
    • Тұлғатану
  • Арнайы жобалар
    • Турнир
    • Экспедиция
    • Конкурс
    • Грант
    • Конференция
    • Көрме
  • Мұрағат
    • Бейнефильм
    • Галерея
    • Хаткерлік
  • Біз туралы
    • Әріптестер
    • Байланыс
    • Сайт әкімшілігі
    • PDF-мұрағат
kz Қазақ qz Qazaq tj توتە جازۋ ru Русский en English
Q-Andas
  • Басты бет
  • Өлкетану
    • Елтану
    • Жартас суреттері
    • Қажет дерек
    • Қажет кітап
    • Қасиетті жерлер
    • Қажет ақпарат
    • Халық жады
    • Ауесхан Мажайдың жәдігерлері
    • Андас Омарақын ізімен
    • Қуғын-сүргін
    • Көші-қон
    • Тұлғатану
  • Арнайы жобалар
    • Турнир
    • Экспедиция
    • Конкурс
    • Грант
    • Конференция
    • Көрме
  • Мұрағат
    • Бейнефильм
    • Галерея
    • Хаткерлік
  • Біз туралы
    • Әріптестер
    • Байланыс
    • Сайт әкімшілігі
    • PDF-мұрағат
No Result
View All Result
Q-Andas
No Result
View All Result
Басты бет Андас Омарақын ізімен

Боти мен Бүрімқанның айтысы

admin
2026/08/30
Андас Омарақын ізімен
0
Боти мен Бүрімқанның айтысы

ҚХР Іле қазақ облысы Шапшал ауданының Боти ақыны қызай еліне күйеу келеді. Ол Бүрімқанның ақындығын естіп, 1936 жылы Қарабұраға келген бір сапарында әдейілеп іздеп барып, айтысады.

 

БОТИ:

 

Кім жүрер бір қалыппен бұл жалғанда,

Сөзіме менің айтқан болма арманда.

Беріпті байлық, мансап, берекелі ас,

Қызайда Өтегендей болған бар ма?

 

БҮРІМҚАН:

 

Кедейлік ер жігіттің дымын құртқан,

Ат өлер ауру боп буын құрттан.

Жылқысы Тілеулі бай шамырқаса,

Еділ менен Жайықтың суын құртқан.

 

БОТИ:

 

Төрт түлігі лықсыған Шапшалым бар,

Тасы күміс, тасы алтын асқарым бар.

Қызыр шалып, бақ қонған қызайдағы,

Тілеуліден айтып көр басқа кім бар?

 

БҮРІМҚАН:

 

Жалғанның кім тояды қызығына,

Нәпсінің алданармыз бұзығына.

Бақ қонып, Қыдыр шалған Әлдекеңнің,

Тай малтап, үйрек жүзген қымызына.

 

БОТИ:

 

Бүрымқан сөз айтайын балдыз қарақ,

Отырмыз осыншадан сізді қалап.

Жақпаған көңілімде бір ісім бар,

Әр адам жүреді екен сені жанап.

 

БҮРІМҚАН:

 

Айтайын айт дегенде, Боти жезде,

Жездекем сөз табады мұндай кезде.

Боти-ау, құдай атқан жынды екенсің,

Түзетіп қояр ма еді біздің тезге.

 

БОТИ:

 

Бүрімқан, сөз айтамын сөзіңізге,

Келтірді құдай айдап кезімізге.

Жараста аусар да бар, жынды да бар,

Қаншасын салып едің тезіңізге.

 

БҮРІМҚАН:

 

Елімде аусар да жоқ, жынды да жоқ,

Ботидай құдай атқан мінді де жоқ.

Белгісі жындылықтың көрінетін,

Қазірше арт жағымда дүрбі де жоқ.

 

БОТИ:

 

Бүрімқан, қызығамын ойыныңа,

Жарасар күміс алқа мойыныңа.

Бір сөзді жынды деген айтып қалдың,

Бар ма еді барған жерім қойыныңа.

 

БҮРІМҚАН:

 

Қойныма келе алмайсың жындылықпен,

Келгеніңмен алмаймын бір қылықпен.

Түсерсің етпетіңнен аяғыма,

Жүре алмасаң жол тауып құрбылықпен.

 

БОТИ:

 

Қонғаны ауылымның бел дейтұғын,

Жалған сөз айтқанменен келмейтұғын.

Кетіпті осы күнде жарас тозып,

Ауылыңда кісі бар ма жөндейтұғын.

 

БҮРІМҚАН:

 

Қоңырат көшіп-қонған Алмалыға,

Кіре қылар пулы бар арбалыға.

Тозбағаның ей, Боти, қай жеріңде,

Тентіреп жүр темірің әр мәлі де.

 

БОТИ:

 

Есімбек арам пейіл ел жейді екен,

Бай, жарлы, бәрін бірдей тең жейді екен.

Жарлының баққан малы таусылған соң,

Бедесін буып алып теңдейді екен.

БҮРІМҚАН:

 

Айтады айт дегенде Қамар зәлім,

Қамардың залымдығы маған мәлім.

Шошқаның етін жеген кәпірлердей,

Тауысты бір сүмбінің татам малын.

БОТИ:

 

Менімен айтысарға жайың бар ма,

Үйіңде поселкелі шайың бар ма.

Тоғыз жүз тоқсан алты ірі қойы,

Жараста Сайболаттай байың бар ма?

 

БҮРІМҚАН:

 

Ауылым Ақбұлақтың шоқысында,

Бақ-дәулет берген құдай бақытына.

Бар қойы Сайболаттың сол-ақ болса,

Жетпейді Шоңқабайдың тоқтысына.

 

БОТИ:

 

Құдайдың бізге берген бағы да бар,

Сөйлейтін шешендердің жағы да бар.

Жатады қойы сыймай қорасына,

Манап күнде деген бай тағы да бар.

 

БҮРІМҚАН:

 

Шіреніп Манап күндең мінеді атқа,

Тартады апиынын күнде босқа.

Жайы жоқ теміріңнің мен білмейтін,

Жетпейді Қасымбек пен Рабатқа.

 

БОТИ:

 

Қанбайтын біреулердің күлкісі бар,

Бұраның күнде қақаса түлкісі бар.

Еліңде мұнан артық байлық бар ма?

Демеудің бір жарым мың жылқысы бар.

 

БҮРІМҚАН:

 

Аралап тірлігіңде кездің қиыр,

Мен дағы Демеуіңді көрдім биыл.

Жылқысын, қойын қосып не қылайын,

Бар еді Нүптебекте бес мың сиыр.

 

БОТИ:

 

Ой қандай, жота қандай, тегіс қандай,

Жігітке бір киетін кебіс қандай.

Төтейміз біз де көппіз жабылсаң да,

Бегімбет-дербіс, итемген, меңіс қалмай.

 

БҮРІМҚАН:

 

Болғанда неше дуан наймандар бар,

Жанында батырлардың саймандар бар.

Бұл жерде көптікті айтып неге керек,

Егіз бен сегіз тапқан айуанда бар.

 

Ботидың байланды енді тіл мен жағы,

Жеңіліп топ ішінде сынды сағы.

Мақтасып жиылған жұрт Бүрімқанды,

Осымен той аяғы тамамдалды.

 

Екеуі айтысқанда жорғалықпен,

Кім өтер ерегеспей бір қалыппен.

Осылай екі ақынның қағысқанын,

Сымағұл жазып келді молдалықпен.

Тұрсын Нұрсапаұлынан жазып алған Андас ОМАРАҚЫНҰЛЫ

 

Дереккөз: Дода: (Айтыстар мен тарихи-этнографиялық жырлары) / А. Омарақын ; [құрастырған: Ә. Мажай [ж. б.] .- Талдықорған : [б. ж.].                     https://kazneb.kz/kk/catalogue/view/1657687

 

“Q-Andas” ақпараттық агенттігі

0 0 votes
Рейтинг статьи
Қаралым 33
Қышқыш қалай жасалған?
Андас Омарақын ізімен

Қышқыш қалай жасалған?

August 31, 2026
Адамның пайда болуы
Андас Омарақын ізімен

Адамның пайда болуы

August 31, 2026
Күн және жұлдыздар
Андас Омарақын ізімен

Күн және жұлдыздар

August 31, 2026
كۇن مەن جەر
Андас Омарақын ізімен

Күн мен жер

August 31, 2026
Аспанның биіктеуі
Андас Омарақын ізімен

Аспанның биіктеуі

August 31, 2026
Жер-көктің айырылуы жөнінде (Күнес ауданының аңыз-ертегілері)
Андас Омарақын ізімен

Жер-көктің айырылуы жөнінде (Күнес ауданының аңыз-ертегілері)

August 31, 2026
Subscribe
Login
Notify of
guest
guest
0 комментариев
Oldest
Newest Most Voted
Inline Feedbacks
View all comments
ӨЛКЕ ШЕЖІРЕСІН СӨЙЛЕТКЕН ҚАЛАМГЕР

ӨЛКЕ ШЕЖІРЕСІН СӨЙЛЕТКЕН ҚАЛАМГЕР

November 9, 2026

«Бекзат өмір»: өнерге арналған еңбек

«Бекзат өмір»: өнерге арналған еңбек

November 7, 2026

Өлке тарихы ұрпаққа аманат

Өлке тарихы ұрпаққа аманат

October 23, 2026

ЖАҢА ҚАҒИДА?  «Әлеуметтік кәсіпкерлерге жаңа талаптар түсіндірілді»

ЖАҢА ҚАҒИДА? «Әлеуметтік кәсіпкерлерге жаңа талаптар түсіндірілді»

October 13, 2026

Жұмыспен қамту тәртібінде не өзгерді?

Жұмыспен қамту тәртібінде не өзгерді?

October 12, 2026

Ақпараттық агенттігі

Меншік иесі: “Жетісу” өлкетанушылар орталығы” қоғамдық бірлестігі
Қазақстан Республикасы, Жетісу облысы, Талдықорған қаласы “Болашақ” шағын ауданы, 12-27

Q-Andas желілік басылымы Қазақстан Республикасы Ақпарат және коммуникация министрлігі Ақпарат комитетінде 2025 жылғы 19 наурызда тіркеліп, № KZ21VPY00115275 куәлігі берілген.

Сайт материалын пайдалану үшін редакция келісімі керек және гиперсілтеме жасау міндетті.

Тел: 8 747 706 1382
email: andas_kazhet@mail.ru

qandas.kz © 2026. Барлық авторлық құқық заңмен қорғалған.

  • kzҚазақ
    • kz Қазақ
    • qz Qazaq
    • tj توتە جازۋ
    • ru Русский
    • en English
  • Басты бет
  • Өлкетану
    • Елтану
    • Жартас суреттері
    • Қажет дерек
    • Қажет кітап
    • Қасиетті жерлер
    • Қажет ақпарат
    • Халық жады
    • Ауесхан Мажайдың жәдігерлері
    • Андас Омарақын ізімен
    • Қуғын-сүргін
    • Көші-қон
    • Тұлғатану
  • Арнайы жобалар
    • Турнир
    • Экспедиция
    • Конкурс
    • Грант
    • Конференция
    • Көрме
  • Мұрағат
    • Бейнефильм
    • Галерея
    • Хаткерлік
  • Біз туралы
    • Әріптестер
    • Байланыс
    • Сайт әкімшілігі
    • PDF-мұрағат

© 2025 qandas.kz

wpDiscuz