جەتىسۋدىڭ كوكتەمى بيىل تاعى ءبىر ەرەكشە ساتىمەن ەستە قالدى. سارقان اۋدانىنا قاراستى توپولەۆكا اۋىلى ماڭىنداعى «جوڭعار-الاتاۋ» مەملەكەتتىك ۇلتتىق تابيعي پاركىنىڭ اۋماعىندا تابيعاتتىڭ سيرەك ءارى سۇلۋ قۇبىلىسىنا ارنالعان «سيۆەرس الما اعاشىنىڭ گۇلدەۋى» فەستيۆالى ءوتتى.
بۇل جاي عانا مەرەكەلىك شارا ەمەس. ادام مەن تابيعاتتىڭ بايلانىسىن تەرەڭ سەزىندىرەتىن، تۋعان جەردىڭ بايلىعىن تانىتاتىن، جابايى الما ارقىلى تۇتاس ءوڭىردىڭ تاريحى مەن بولمىسىن ۇعىندىراتىن تانىمدىق باسقوسۋ.
سيۆەرس الماسى – جەتىسۋدىڭ عانا ەمەس، ادامزاتتىڭ ورتاق تابيعي مۇراسى. عالىمدار جەر جۇزىندەگى مادەني الما سورتتارىنىڭ ءتۇپ-توركىنى وسى جابايى الما تۇرىنەن باستاۋ الاتىنىن ايتادى. ال جەتىسۋ ءوڭىرى وسى بىرەگەي اعاشتىڭ نەگىزگى تابيعي تارالۋ ايماقتارىنىڭ ءبىرى سانالادى. دەرەكتەرگە سۇيەنسەك، سيۆەرس جابايى الماسىنىڭ الەمدىك تابيعي قورىنىڭ شامامەن 48 پايىزى ءدال وسى وڭىردە شوعىرلانعان.
Посмотреть эту публикацию в Instagram
سوندىقتان گۇلدەگەن الما اعاشىن كورۋ – تەك تابيعات كورىنىسىن تاماشالاۋ ەمەس، مىڭداعان جىلدىق تىرشىلىك تاريحىنا كۋا بولۋ. ءاربىر گۇل تۇتاس تابيعي گەنەتيكالىق قوردىڭ بەلگىسى. ءاربىر بۇتاق جەتىسۋ جەرىنىڭ بيولوگيالىق بايلىعىن، ەكولوگيالىق ماڭىزىن ايعاقتايتىن ءتىرى شەجىرە.
فەستيۆالگە 7 مىڭنان استام ادام قاتىسىپ، ءوڭىردىڭ تۋريستىك الەۋەتىن كەڭىنەن تانىتۋعا مۇمكىندىك تۋدى. 50-دەن استام بلوگەر مەن ينفليۋەنسەر جەتىسۋدىڭ كوركەم تابيعاتىن، گۇلدەگەن الما القاپتارىن، ۇلتتىق ناقىشتاعى مەرەكەلىك كورىنىستەردى قالىڭ اۋديتورياعا جەتكىزدى.
ءىس-شارا اياسىندا قوناقتار سيۆەرس الماسى وسكەن تابيعي اۋماقتاردى ارالاپ، گۇلدەگەن الما باقتارىنىڭ اسەمدىگىن تاماشالادى. سونىمەن قاتار سۋرەتشىلەردىڭ پلەنەر بايقاۋى، قولونەرشىلەر كورمەسى، شەبەرلىك ساعاتتارى، ۇلتتىق سپورت ويىندارى مەن كونتسەرتتىك باعدارلاما ۇيىمداستىرىلدى. رەسەي، قىتاي، وزبەكستان، قىرعىزستان، تۇركيا جانە قازاقستاننان كەلگەن سۋرەتشىلەر تابيعات سۇلۋلىعىن ونەر تىلىمەن بەينەلەپ، ءوڭىردىڭ تابيعي مۇراسىن حالىقارالىق دەڭگەيدە ناسيحاتتاۋعا ۇلەس قوستى.
فەستيۆالدىڭ مەرەكەلىك شىرايىن قازاقستاندىق ورىنداۋشىلار Bayansulu مەن قۋاندىق راحىمنىڭ ونەرى اشا ءتۇستى. تابيعات اياسىنداعى ءان مەن كۇي، ۇلتتىق ويىندار مەن قولونەر كورمەسى بۇل كۇندى كوپشىلىك جادىندا ەرەكشە اسەرمەن قالدىردى.
«سيۆەرس الماسىنىڭ گۇلدەنۋى» فەستيۆالى جەتىسۋدىڭ تابيعي بايلىعىن تانىتاتىن تاعىلىمدى شارا. ول ەكولوگيالىق ءتۋريزمدى دامىتۋعا، تابيعاتتى قورعاۋ مادەنيەتىن قالىپتاستىرۋعا جانە تۋعان جەردىڭ قادىرىن تەرەڭ سەزىنۋگە جول اشادى. ويتكەنى سيۆەرس الماسى جەتىسۋدىڭ جاسىل جاۋھارى، تابيعاتتىڭ ءتىرى مۇراسى، بولاشاق ۇرپاققا امانات ەتەر باعا جەتپەس
تولىق اقپارات كەرەك بولسا:https://qandas.kz/tirshilikti%d2%a3-t%d2%afp-tegi-zhetisudan-tara%d2%93an-3856/ وسى سىلتەمەنى كورىڭىز؟ بايلىق.
قاجەت انداس،
«Q-Andas» اقپارات اگەنتتىگى







