Jetisudyń kóktemi biyl taǵy bir erekshe sátimen este qaldy. Sarqan audanyna qarasty Topolevka auyly mańyndaǵy «Jońǵar-Alatau» memlekettik últtyq tabiǵi parkiniń aumaǵynda tabiǵattyń sirek ári súlu qúbylysyna arnalǵan «Sivers alma aǵashynyń gúldeui» festivali ótti.
Búl jai ǵana merekelik shara emes. Adam men tabiǵattyń bailanysyn tereń sezindiretin, tuǵan jerdiń bailyǵyn tanytatyn, jabaiy alma arqyly tútas óńirdiń tarihy men bolmysyn úǵyndyratyn tanymdyq basqosu.
Sivers almasy – Jetisudyń ǵana emes, adamzattyń ortaq tabiǵi múrasy. Ǵalymdar jer júzindegi mádeni alma sorttarynyń túp-tórkini osy jabaiy alma túrinen bastau alatynyn aitady. Al Jetisu óńiri osy biregei aǵashtyń negizgi tabiǵi taralu aimaqtarynyń biri sanalady. Derekterge súiensek, Sivers jabaiy almasynyń álemdik tabiǵi qorynyń shamamen 48 paiyzy dál osy óńirde shoǵyrlanǵan.
Посмотреть эту публикацию в Instagram
Sondyqtan gúldegen alma aǵashyn kóru – tek tabiǵat kórinisin tamashalau emes, myńdaǵan jyldyq tirshilik tarihyna kuá bolu. Árbir gúl tútas tabiǵi genetikalyq qordyń belgisi. Árbir bútaq Jetisu jeriniń biologiyalyq bailyǵyn, ekologiyalyq mańyzyn aiǵaqtaityn tiri shejire.
Festivalьge 7 myńnan astam adam qatysyp, óńirdiń turistik áleuetin keńinen tanytuǵa múmkindik tudy. 50-den astam bloger men inflyuenser Jetisudyń kórkem tabiǵatyn, gúldegen alma alqaptaryn, últtyq naqyshtaǵy merekelik kórinisterdi qalyń auditoriyaǵa jetkizdi.
Is-shara ayasynda qonaqtar Sivers almasy ósken tabiǵi aumaqtardy aralap, gúldegen alma baqtarynyń ásemdigin tamashalady. Sonymen qatar suretshilerdiń plener baiqauy, qolónershiler kórmesi, sheberlik saǵattary, últtyq sport oiyndary men kontserttik baǵdarlama úiymdastyryldy. Resei, Qytai, Ózbekstan, Qyrǵyzstan, Túrkiya jáne Qazaqstannan kelgen suretshiler tabiǵat súlulyǵyn óner tilimen beinelep, óńirdiń tabiǵi múrasyn halyqaralyq deńgeide nasihattauǵa úles qosty.
Festivalьdiń merekelik shyraiyn qazaqstandyq oryndaushylar Bayansulu men Quandyq Rahymnyń óneri asha tústi. Tabiǵat ayasyndaǵy án men kúi, últtyq oiyndar men qolóner kórmesi búl kúndi kópshilik jadynda erekshe ásermen qaldyrdy.
«Sivers almasynyń gúldenui» festivali Jetisudyń tabiǵi bailyǵyn tanytatyn taǵylymdy shara. Ol ekologiyalyq turizmdi damytuǵa, tabiǵatty qorǵau mádenietin qalyptastyruǵa jáne tuǵan jerdiń qadirin tereń sezinuge jol ashady. Óitkeni Sivers almasy Jetisudyń jasyl jauhary, tabiǵattyń tiri múrasy, bolashaq úrpaqqa amanat eter baǵa jetpes bailyq.
Tolyq aqparat kerek bolsa: https://qandas.kz/tirshilikti%d2%a3-t%d2%afp-tegi-zhetisudan-tara%d2%93an-3856/ osy siltemeni kórińiz?
Qajet Andas,
«Q-Andas» aqparat agenttigi
