Qazaqstan Prezidenti Qasym-Jomart Toqaev IV Últtyq qúryltaida sóilegen sózinde: «Bet-júzdi túmshalaityn qara kiim kigennen góri, últtyq naqyshtaǵy kiim kigen áldeqaida dúrys» dep, últtyq kiimderdi dáripteudiń mańyzdylyǵyna airyqsha nazar audarǵan bolatyn. Búl – últtyń bolmysyn saqtauǵa, tól mádenietti jańǵyrtuǵa baǵyttalǵan mańyzdy ústanym. Rasynda, qazaq halqynyń últtyq kiimderi – últtyń mádeni múrasy, onyń ózindik bolmysyn tanytatyn airyqsha qúndylyq. Olar tek ásemdik úshin ǵana emes, halqymyzdyń salt-dástúrin, dúnietanymyn, túrmys-tirshiligin, tipti áleumettik mártebesin de beineleidi. Sondyqtan últtyq naqyshtaǵy kiimderdi dáripteu – ótkendi úlyqtau ǵana emes, ony búgingi zaman talabyna sai jańǵyrtyp, úrpaqtan-úrpaqqa jetkizu degen sóz. Osy maqsatta úiymdastyrylǵan festivalьde kópshilik nazaryna qazaqy kiim mádenietiniń bai múrasy arnaiy sheruler men tanystyrylymdar arqyly úsynyldy. Festivalьge qazaqtyń qoldanbaly óner sheberleri, aqsaqaldar, jastar jáne últtyq kiimniń tarihy men mánine qyzyǵushylyq tanytqan kópshilik jinaldy. Sonymen qatar, jergilikti sheberlerdiń qolóner tuyndylary qoiylǵan arnaiy kórme úiymdastyryldy. Onda últtyq bas kiimder, etikter, oyu-órnekpen kómkerilgen túrli búiymdar, súlgiler men ózge de qolóner tuyndylary kópshilik nazaryna úsynyldy. Osyndai sheber jandar jaily halqymyzdyń «On sausaǵynan óner tamǵan» deui beker emes.
Is-shara barysynda Quanysh Súleimenov búgingi Qazaqstan sayasi jańǵyrumen qatar ruhani jańǵyru kezeńin de bastan ótkerip jatqanyn atap ótti. Onyń aituynsha, últtyq kiim – salt-dástúr men ádet-ǵúrypty keiingi úrpaqqa jetkizetin mańyzdy ruhani múra.
– Mádeniet – memlekettiń tiregi. Al últtyq kiim – sol mádeniettiń aishyqty kórinisi. Búginde biz últtyq kiimdi tek merekede ǵana emes, kúndelikti ómirde de kiyu dástúrin qalyptastyryp kelemiz. Búl – últqa degen qúrmettiń belgisi. Ásirese, kimeshek kigen analardy kórgende júrekke jylylyq úyalaidy, – dedi ol.
Sondai-aq shara ayasynda Jetisu oblysynyń mádeniet, arhivter jáne qújattama basqarmasynyń basshysy Dúniejúzilik rekordtar kitabyna (Global World Book of Records) engen Jetisu oblysynyń qolóner sheberlerin marapattady.
Festivalь baǵdarlamasy mazmúndy ári taǵylymdy sipatta órbidi. SHara qonaqtardy qarsy alyp, tirkeuden bastalyp, saltanatty ashylu rásimimen jalǵasty. Odan keiin qatysushylarǵa arnalǵan qúttyqtau sózder aitylyp, últtyq kiim úlgilerin nasihattauǵa arnalǵan arnaiy bólimder úsynyldy.
Solardyń biri – bas kiimder sherui. Qazaqy dúnietanymda bas kiim – mártebe men minezdiń, jas ereksheligi men túrmys-salttyń, mausym men kásiptiń de aiǵaǵy. Festivalь ayasynda kórermen nazaryna túmaq, qalpaq, malaqai, taqiya jáne shyt-oramal sekildi últtyq bas kiim úlgileri úsynyldy. Túmaq – qystyń qaqaǵan ayazyna laiyqtalǵan jyly ári dástúrli bas kiim bolsa, qalpaq – saltanat pen sánniń úilesimin tanytady. Malaqai – ayazǵa tózimdiligimen erekshelenetin keń qoldanystaǵy bas kiim túri. Al taqiya – jeńil ári últtyq naqyshty aiqyndaityn kórkem úlgi bolsa, shyt-oramal – qazaq áieliniń mádenieti men inabattylyǵynyń belgisi.
Kórermen kóńilinen shyqqan erekshe bólimniń biri – kimeshekter sherui boldy. Kimeshek – ananyń aibyny, ibalyq pen ibalylyqtyń, úrpaq tárbiesiniń nyshany. Ár óńirdiń kimesheginde ózindik órnek, naqysh, sándik erekshelik saqtalǵan. Sonymen birge, kimeshek úlgilerinen áiel adamnyń jas ereksheligi men áleumettik orny da ańǵarylady. SHerude úsynylǵan klassikalyq kimeshek úlgileri oyu-órnekpen ásemdelip, últtyq talǵam men náziktiktiń úilesimin kórsetti. Keibir kimeshekterdiń kestesi men jiek órnekterinen óńirlik erekshelik aiqyn baiqaldy.
Festivalьdiń kelesi bólimi – jaǵaly kiimder sherui. Onda shapan, kamzol, beshpent, belbeu sekildi últtyq kiim úlgileri tanystyryldy. Búl kiimder halqymyzdyń túrmys mádenietin, talǵamyn, saltanatyn, sán men jarasymǵa degen kózqarasyn aiqyn kórsetedi. Ásirese, erler men áielderge arnalǵan kiim úlgilerimen qatar úsynylǵan «otbasy» formatyndaǵy úilesimdi obrazdar úrpaq sabaqtastyǵynyń jarqyn kórinisin tanytty. SHapan – qazaqtyń klassikalyq saltanatty kiimi retinde erekshelense, kamzol men belbeudiń úilesimi últtyq kiimniń kórkemdik quatyn aishyqtai tústi.
SHaranyń taǵylymdy bólimderiniń biri – últtyq ayaq kiimder tanystyrylymy boldy. Qazaqtyń ayaq kiimderi – qolónerdiń ozyq úlgisi ǵana emes, túrmystyq qolailylyq pen estetikalyq talǵamnyń sabaqtastyǵyn tanytatyn múra. Kórsetilim barysynda mási, kebis, etik, saptama etik siyaqty dástúrli ayaq kiim túrleri tanystyryldy. Mási – júmsaq ári jeńil, kúndelikti tirshilikke yńǵaily ayaq kiim. Kebis – másiniń syrtynan kiiletin berik ayaq kiim túri. Al etik pen saptama etik – kóshpeli ómir saltyna beiimdelgen, tózimdiligimen erekshelenetin últtyq múra.
Sonymen qatar, «Úrpaq úni» atty áńgime-súhbat úiymdastyrylyp, onda últtyq múranyń úrpaq tárbiesindegi orny keńinen sóz boldy. SHara barysynda «Jetisu ólketanushylar ortalyǵy» qoǵamdyq birlestiginiń jetekshisi Qajet Andas sóz sóilep, kórmeniń mán-mańyzyna toqtaldy.
– Beineleu óneri galereyasymen birlesip búl kórmeni úshinshi ret úiymdastyryp otyrmyz. Múndai is-sharalardy ótkizude tájiribemiz bar. Alla qalasa, kelesi jyly da osy sekildi úrpaqtar sabaqtastyǵyn nyǵaitatyn, jastardy últtyq dástúrdi, sonyń ishinde qazaqtyń últtyq kiimin qúrmetteuge baulityn festivalьdi taǵy da ótkizetin bolamyz, – dedi ol.
SHara barysynda «Jetisu ólketanushylar ortalyǵy» qoǵamdyq birlestiginiń jetekshisi Qajet Andas festivalьge atsalysqan ólketanushylardy marapattady. Últtyq múrany dáripteuge úles qosqan birqatar azamatqa alǵys hat tabystaldy.
Atap aitqanda, Aikúlim Orazaliev, Aigúl Núsipbaeva, Kúlásh Begalieva, Núrjan Kasenova, Aigúl Imamadieva, SHolpan Bektenova, Dámeli Meiil, Úljan Karimova, Ǵaini Dybyr, Aisúlu Meden, Raushan Ázkenqyzy, Raushan Alpysbekqyzy, Núrsúlu Maqsymqyzy, Kúnarai Amanbekqyzy, Meruert Toibolat, Zaure Aitmúqanqyzy Ainabekova, Kúltai Boltaeva, Banu Ospanova, Sábenúly Nazarbek jáne Kátepqan Kákerqyzy marapattaldy.
Sonymen qatar, baiqau qorytyndysy boiynsha úzdikter de anyqtaldy. «Úzdik últtyq kiim úlgisi» nominatsiyasy Aikúlim Orazalievaǵa búiyrsa, «Úrpaq sabaqtastyǵy» atalymy Abdybek Abylqasymǵa berildi. «Úzdik ayaq kiim» nominatsiyasymen Núráli Núrǵazy marapattaldy. Al «Úzdik kimeshek» atalymyn Aigúl Núsipbaeva ielense, «Úzdik bas kiim» nominatsiyasy Núrqairat Maiqanǵa tabystaldy. «Kórermen kózaiymy» atalymynyń iegeri Túrymqan Jolmolda boldy.
Festivalьdiń kórkin últtyq kiim kigen erler men áielderdiń defilesi asha tústi. Odan keiin merekelik baǵdarlama kontsertpen jalǵasyp, sońynda qonaqtar kórmeni tamashalap, galereya ekspozitsiyasymen tanysty, arnaiy ekskursiyaǵa qatysty.
Kezdesu sońynda Qajet Andas Jetisu oblysynyń mádeniet, arhivter jáne qújattama basqarmasynyń basshysy Quanysh Súleimenovke alǵys bildirip, «Jetisu ólketanushylar ortalyǵy» shyǵarǵan birneshe kitapty syiǵa tartty.
Посмотреть эту публикацию в Instagram
Osylaisha, «Últtyq kiim – últ qúndylyǵy» festivali halqymyzdyń bai múrasyn nasihattap qana qoimai, últtyq qúndylyqtardy úlyqtaudyń, jas úrpaqtyń sanasyna ruhani tárbie sińirudiń mańyzdy alańyna ainaldy. Múndai taǵylymdy sharalar arqyly qazaqtyń tól kiim mádenieti jańasha sipat alyp, búgingi qoǵammen úndese túsetini anyq.
«Q–Andas» aqparat agenttigi
https://vestnik19.kz/vestnik-zhetisu/festival-naczionalnoi-odezhdy-proshel-v-zhetisu-693
