Jalpykomandalyq esepte Kazakhstan «C» absolyutti chempion atandy. Finaldyq qorytyndy boiynsha 1-orynǵa Kazakhstan «C» 536 úpai, 2-orynǵa Kazakhstan «A» 515 úpai, 3- orynǵa China Police «C» 493 úpaimen túraqtady.
Turnirdiń sońǵy kúni ótken Obstacle Course kezeńinde de Qazaqstan qúramasy joǵary qarqyn kórsetip, Kazakhstan «B» kezeń jeńimpazy atandy.
UAE SWAT Challenge – arnaiy jasaqtardyń fizikalyq tózimdiligi men taktikalyq dáldigin qatar synaityn jarys. Máselen, saiys kúnderiniń birinde Hostage Rescue Challenge kezeńinde mergendik dáldik, jedel shabuyl, nysanalardy qateliksiz oryndau jáne «kepildi» qauipsiz alyp shyǵu siyaqty kópsatyly tapsyrmalar oryndalǵan.
Osy aituly jeńistiń qúramynda jerlesimiz Jánibek Serikúly bar. Ol Alakól audany, Beskól auylynda dúniege kelgen. Qazirgi tańda Qazaqstan Respublikasy Memlekettik kúzet qyzmetinde ofitserlik lauazymda abyroimen qyzmet atqarady. Jánibektiń halyqaralyq arenadaǵy eńbegi tuǵan óńirdiń ǵana emes, el namysyn kótergen tútas qazaqstandyq jauyngerlerdiń birligin aiqyndaityn jarqyn mysal.
Elge oralǵan jeńimpazdar eńbegi eleusiz qalǵan joq. Aqordada arnaiy bólimshe ofitserleri men áskeri qyzmetshilerin úlyqtau rásimi ótip, Jánibek Serikúly «Jauyngerlik erligi úshin» medalimen marapattaldy.
Búl jeńis jeke sporttyq ne kásibi tabys qana emes, tártip pen júieli daiyndyq, komandalyq úilesim jáne elge adal qyzmettiń naqty nátijesi. Alakóldiń jas sarbazdary men sportqa, áskeri iske qyzyǵatyn órender úshin Jánibek Serikúlynyń joly maqsatqa adaldyqtyń, eńbektiń jáne namysty biik qoyudyń úlgisi.
Qajet Andas,
«Q-andas» aqparat agenttigi.
