جالپىكوماندالىق ەسەپتە Kazakhstan «C» ءابسوليۋتتى چەمپيون اتاندى. فينالدىق قورىتىندى بويىنشا 1-ورىنعا Kazakhstan «C» 536 ۇپاي، 2-ورىنعا Kazakhstan «A» 515 ۇپاي، 3- ورىنعا China Police «C» 493 ۇپايمەن تۇراقتادى.
ءتۋرنيردىڭ سوڭعى كۇنى وتكەن Obstacle Course كەزەڭىندە دە قازاقستان قۇراماسى جوعارى قارقىن كورسەتىپ، Kazakhstan «B» كەزەڭ جەڭىمپازى اتاندى.
UAE SWAT Challenge – ارنايى جاساقتاردىڭ فيزيكالىق توزىمدىلىگى مەن تاكتيكالىق دالدىگىن قاتار سىنايتىن جارىس. ماسەلەن، سايىس كۇندەرىنىڭ بىرىندە Hostage Rescue Challenge كەزەڭىندە مەرگەندىك دالدىك، جەدەل شابۋىل، نىسانالاردى قاتەلىكسىز ورىنداۋ جانە «كەپىلدى» قاۋىپسىز الىپ شىعۋ سياقتى كوپساتىلى تاپسىرمالار ورىندالعان.
وسى ايتۋلى جەڭىستىڭ قۇرامىندا جەرلەسىمىز جانىبەك سەرىكۇلى بار. ول الاكول اۋدانى، بەسكول اۋىلىندا دۇنيەگە كەلگەن. قازىرگى تاڭدا قازاقستان رەسپۋبليكاسى مەملەكەتتىك كۇزەت قىزمەتىندە وفيتسەرلىك لاۋازىمدا ابىرويمەن قىزمەت اتقارادى. جانىبەكتىڭ حالىقارالىق ارەناداعى ەڭبەگى تۋعان ءوڭىردىڭ عانا ەمەس، ەل نامىسىن كوتەرگەن تۇتاس قازاقستاندىق جاۋىنگەرلەردىڭ بىرلىگىن ايقىندايتىن جارقىن مىسال.
ەلگە ورالعان جەڭىمپازدار ەڭبەگى ەلەۋسىز قالعان جوق. اقوردادا ارنايى بولىمشە وفيتسەرلەرى مەن اسكەري قىزمەتشىلەرىن ۇلىقتاۋ ءراسىمى ءوتىپ، جانىبەك سەرىكۇلى «جاۋىنگەرلىك ەرلىگى ءۇشىن» مەدالىمەن ماراپاتتالدى.
بۇل جەڭىس جەكە سپورتتىق نە كاسىبي تابىس قانا ەمەس، ءتارتىپ پەن جۇيەلى دايىندىق، كوماندالىق ۇيلەسىم جانە ەلگە ادال قىزمەتتىڭ ناقتى ناتيجەسى. الاكولدىڭ جاس ساربازدارى مەن سپورتقا، اسكەري ىسكە قىزىعاتىن ورەندەر ءۇشىن جانىبەك سەرىكۇلىنىڭ جولى ماقساتقا ادالدىقتىڭ، ەڭبەكتىڭ جانە نامىستى بيىك قويۋدىڭ ۇلگىسى.
قاجەت انداس،
«Q-andas» اقپارات اگەنتتىگى.
