جەتىسۋدا ەرەكشە قاجەتتىلىكتەرى بار سپورتشىلار اراسىندا ۇستەل تەننيسىنەن وبلىس چەمپيوناتى اياقتالدى
جەتىسۋ وبلىسىندا تىرەك-قيمىل قوزعالىس اپپاراتى جانە ەستۋ مۇشەسى زاقىمدالعان ەرەسەكتەر، سونداي-اق تىرەك-قيمىل قوزعالىس اپپاراتى زاقىمدالعان 2004 جىلى تۋعان جانە ودان كىشى جاس سپورتشىلار اراسىندا ۇستەل تەننيسىنەن وبلىس چەمپيوناتى ءوز مارەسىنە جەتتى.
بۇل جارىستىڭ باستى ماقساتى – ەرەكشە قاجەتتىلىكتەرى بار سپورتشىلار اراسىندا ۇستەل تەننيسىن دامىتۋ، ولاردىڭ شەبەرلىگىن شىڭداۋ، سالاۋاتتى ءومىر سالتىن ناسيحاتتاۋ جانە قوعامدىق بەلسەندىلىگىن ارتتىرۋ. دودا بارىسىندا قاتىسۋشىلار ءوز مۇمكىندىكتەرىن ايقىن كورسەتىپ، تاباندىلىق پەن توزىمدىلىكتىڭ، جىگەر مەن قايسارلىقتىڭ جارقىن ۇلگىسىن تانىتتى.
چەمپيونات قورىتىندىسى بويىنشا كوماندالىق ەسەپتە تالدىقورعان قالاسى ءى، كوكسۋ اۋدانى ءىى، تەكەلى قالاسى ءىىى ورىندى يەلەندى.
ايتا كەتەرلىگى، وسى جارىستا Q-andas.kz سايتىنىڭ رەداكتورى اقجول مەنليباي تالدىقورعان قالاسىنىڭ نامىسىن قورعاپ، جوعارى دەڭگەيدە ونەر كورسەتتى. ول جەكە سايىستا جۇلدەلى ءىى ورىندى جەڭىپ الىپ، تالدىقورعان قالاسىنىڭ توپتىق باسەكەدە الدىڭعى ورىننان كورىنۋىنە وزىندىك سۇبەلى ۇلەسىن قوستى. بۇل – تەك جەكە جەتىستىك ەمەس، سونىمەن قاتار، ورتاق جەڭىسكە قوسىلعان ماڭىزدى ۇلەس.
مۇنداي جارىستار ەرەكشە قاجەتتىلىكتەرى بار ازاماتتاردىڭ سپورت ارقىلى شىڭدالىپ قانا قويماي، قوعام ومىرىنە بەلسەنە ارالاسۋىنا، ءوز كۇشىنە دەگەن سەنىمىن نىعايتۋىنا جول اشادى. سپورت – جىگەردى جانيتىن، مۇمكىندىكتى تانىتاتىن ۇلكەن الاڭ ەكەنى بۇل جولى دا انىق اڭعارىلدى.
قاجەت انداس،
«Q-andas» اقپارات اگەنتتىگى
فوتو: https://www.instagram.com/p/DVneTKBDA57/؟igsh=MWczd28wemQxZjBlNg==
