Pavlodar qalasynda ótken para ústel tennisinen jastar arasyndaǵy Qazaqstan Respublikasynyń chempionatynda oblys sportshylary joǵary nátije kórsetip, óńir abyroiyn asqaqtatty. Eldiń ár óńirinen jinalǵan jas sportshylar dodasynda jetisulyqtar jekelei, júptyq jáne absolyuttik sanattarda júldeli oryn ielenip, jalpykomandalyq esepte de úzdikter qatarynan kórindi.
Búl básekede óńir namysyn qorǵaǵan jas sportshylar joǵary sheberlik tanytyp, birneshe sanat boiynsha jeńis túǵyrynan kórindi. Múndai tabys Jetisu jerinde parasporttyń, sonyń ishinde para ústel tennisiniń júieli túrde damyp kele jatqanyn ańǵartty.
CHempionat barysynda Júnis Aldiyar erekshe qarqynymen kózge tústi. Ol jekelei synda qarsylastarynan basym túsip, birinshi oryndy ielense, absolyuttik synda da top jaryp, eki birdei altyn júldeni qanjyǵasyna bailady. Ysqaq Dariya da joǵary deńgeidegi daiyndyǵyn dáleldep, jekelei synda chempion atanyp, absolyuttik synda qola medalь oljalady. Dáulet Aqat jekelei synda jeńimpaz atansa, Qojabek Adiya ekinshi oryndy ielendi. Aidosúly Arman úzdik úshtikti túiindep, qola júldege qol jetkizdi.
Júptyq jáne aralas sanattarda da Jetisu sportshylary tabysty óner kórsetti. MD8 sanatynda Júnis Aldiyar men Ysqaq Dariya jeńimpaz atanyp, altyn júldeni ielendi. XD10 sanatynda da osy júp úzdik nátije kórsetip, birinshi orynǵa kóterildi. Sonymen qatar, Qojabek Adiya óz sanatynda altyn júlde alsa, Jarqyn Aǵarsyn úshinshi orynnan kórindi. Al XD14 sanatynda Meńlibai Aqjol men Qojabek Adiya qola júldege ie boldy.
Osy jarysta «Jetisu» ólketanushylar ortalyǵynyń qyzmetkeri Meńlibai Aqjoldyń da mereii ústem boldy. El chempionatynda júldeli oryn ielenui onyń sporttaǵy talpynysy men tabandylyǵyn ǵana emes, ózi qyzmet etetin újymnyń da abyroi-bedelin arttyra túskenin kórsetti. Búl jetistik arqyly Meńlibai Aqjol «Jetisu» ólketanushylar ortalyǵynyń mereiin ósirip, újym qorjynyna quanysh pen maqtanysh syilady.
Jalpykomandalyq eseptegi joǵary nátije Jetisu qúramasynyń áleueti myqty ekenin taǵy bir márte dáleldedi. Búl jeńis sportshylardyń tynymsyz eńbegi, bapkerlerdiń bilikti dayarlyǵy jáne óńirdegi sport salasyna kórsetilip otyrǵan qoldaudyń naqty jemisi. Jas sportshylardyń el chempionatyndaǵy búl tabysy aldaǵy iri jarystarda da úlken úmit kúttiretini anyq.
Qajet Andas,
Q-Andas aqparat agenttigi
