Q-Andas
No Result
View All Result
  • باستى بەت
  • ولكەتانۋ
    • ءبىلىم
    • دەنساۋلىق
    • سپورت
    • قۋعىن-سۇرگىن
    • تۇلعا تانۋ
    • قورشاعان ورتا
    • حالىق جادى
    • مادەنيەت
    • جەتىسۋ جارتاس سۋرەتتەرى
    • جەتىسۋدىڭ اسيەتتى جەرلەر
    • ادەبيەت
    • شالعاي اۋىل
    • تۋريزم
      • تاريح
    • ەلتانۋ
    • كوشى-قون
    • تۋرنير
  • ارنايى جوبالار
    • بايقاۋ
    • كورمەلەر
    • كونفەرەنتسيا
    • گرانت
    • ەكسپەديتسيالار
  • مۇراعات
    • انداس وماراقىن ىزىمەن
    • اۋەسحان ماجايدىڭ جادىگەرلەرى
    • بەينەفيلم
    • حاتكەرلىك
    • گالەرەيا
  • ءبىز تۋرالى
    • ارىپتەستەر
    • بايلانىس
    • سايت اكىمشىلىگى
    • PDF-مۇراعات
kz Қазақ qz Qazaq tj توتە جازۋ ru Русский en English
Q-Andas
  • باستى بەت
  • ولكەتانۋ
    • ءبىلىم
    • دەنساۋلىق
    • سپورت
    • قۋعىن-سۇرگىن
    • تۇلعا تانۋ
    • قورشاعان ورتا
    • حالىق جادى
    • مادەنيەت
    • جەتىسۋ جارتاس سۋرەتتەرى
    • جەتىسۋدىڭ اسيەتتى جەرلەر
    • ادەبيەت
    • شالعاي اۋىل
    • تۋريزم
      • تاريح
    • ەلتانۋ
    • كوشى-قون
    • تۋرنير
  • ارنايى جوبالار
    • بايقاۋ
    • كورمەلەر
    • كونفەرەنتسيا
    • گرانت
    • ەكسپەديتسيالار
  • مۇراعات
    • انداس وماراقىن ىزىمەن
    • اۋەسحان ماجايدىڭ جادىگەرلەرى
    • بەينەفيلم
    • حاتكەرلىك
    • گالەرەيا
  • ءبىز تۋرالى
    • ارىپتەستەر
    • بايلانىس
    • سايت اكىمشىلىگى
    • PDF-مۇراعات
No Result
View All Result
Q-Andas
No Result
View All Result
باستى بەت انداس وماراقىن ىزىمەن

انداس پەن قاسەيىننىڭ ايتىسى

admin
2025/10/30
انداس وماراقىن ىزىمەن
0
Андас пен Қасейіннің айтысы

انداس:

­ ­­­­– قادام قويعان ىلەمىز تىڭ اسۋعا،

جيىرما جىلى تەڭ بولعان مىڭ عاسىرعا.

ولەڭ ءوربىپ، بۇل جەردە جىرلار شالقىپ،

كوككە بيىك قالىقتاپ ۇلاسۋدا.

وبلىستىڭ وسىناۋ زور تويىندا،

قاسەيىندەي كەز بولدىم سىرلاسىما.

ەلىمىزدىڭ بايلىعىن ايتارلىق قوي،

ال قاسەيىن ولەڭمەن شىرقا شىڭعا.

قاسەيىن:

ەلىمنىڭ ءبىز جىرلايىق سالتاناتىن،

جۇرەك ءبىر سىزبەن بىرگە توعىساتىن.

نىلقى مەن كۇنەس اۋدان ىرگەلەس بوپ،

بىرلىكتە ىرگە تەپكەن قوس قاناتىم.

سۇڭقارداي ۇلى شىڭعا قانات قاققان،

ەجەلدەن نىلقى ەلىمەن باۋىرلاسسىڭ.

مال باعىپ تىرلىك ءۇشىن قۇز-قيادا،

ءۇش بۇداق تەكە تاستا قوسىلاسىڭ.

انداس:

كوكتە بيىك انمەنەن شارىقتادىڭ،

سىيعا تارتتىڭ تاۋسىلماس تابىستارىن.

كۇنەس، نىلقى شىنىندا ەتەنەمىز،

جايلاۋىندا كوكسايدىڭ تابىسقامىز.

ەكى اۋداننىڭ حالقىنا  قىزعانباستان،

شۇعىلاسىن تەڭ قۇيعان جارىق تاڭىم.

شالقى، جىرلا، ىنىشەك، نىلقىڭىزدىڭ،

اۋىز تولىپ ايتارلىق تابىستارىن.

قاسەيىن:

ەل-جۇرتتىڭ ارقالايىق اۋىر جۇگىن،

نارت قىزىل قورعان ەتىپ قۇردىق ۇيىم.

ارقاشان تاتۋلىقتى ۇلگى ەتىپ،

انگە سالىپ شىرقالىق دوستىق ءۇنىن.

قاق قانات ۇلى شىڭعا شارىقتاتىپ،

جىرلاشى ۇلى وتاننىڭ ءان مەن كۇيىن.

تىڭداشى، شىرقاتايىن قاستان ءاندى،

اۋىلىمدا بەرەكە ءومىر تاستان ءوندى.

جۇمىسشى قوي ۇشپايتىن قۇز قيادان،

جول اشىپ تاس تاباننىڭ تاسىن قيدى.

انداس:

كەلە جاتىر كۇنەسىم گۇلدەپ مەنىڭ،

وپىرادى قايراتى قىر بوكتەرىن.

الاتۇعىن ومىردەن ۇلەسىم بار،

اتقارامىز ەڭ اۋىر مىندەتتەرىن.

تۋعان ەلىم كۇن سايىن شارىقتاعان،

العا تاستاپ كەلەدى الىپ قادام.

بولاتتارىن اعىزدى دارياداي،

كورگەن ەمەس مۇندايدى تاريحتا ادام.

سول كۇنەستىڭ تابىسىن ماقتان ەتىپ،

جازعىم كەلەر مىڭ داستان الىپ قالام.

قاسەيىن:

اندەتەم ەندى مەن دە نىلقى جەرىن،

ايتامىن مول قاينارىن، استىق كەنىن.

استىقتان مول ءونىمدى الىپ جاتىر،

بىرلەسكەن زور ىنتىماق اۋىل-ەلىم.

حالقىمنىڭ قۇدىرەتتى كۇشىن كوردىم،

تاسقىندى قاستىڭ سۋىن بوگەگەنىن.

زور تابىس قولعا كەلىپ بۇگىن، مىنە،

جايقالدى اتىزداردا ەندى ەگىن.

ءوزىڭ دە ءتۇسىندىرشى انداس اعا،

جىر ەتىپ ۇنگە قوسىپ كۇنەس شەبىن.

انداس:

كۇنەس، سەنىڭ جىرلايمىن تابىسىڭدى،

بيجيڭگەردەي شىرقاعان شابىسىڭدى.

حالقىمىزدىڭ جىگەرى وكتەم سونداي،

كورە الماعان دۇشپاننىڭ ساعى سىندى.

كۇنەس، شاقپى وزەنىن تەڭ بايلادىق،

تەرىس اققان تەكەستى ورگە ايدادىق.

اق التىندى استىقتى سۋسىنداتىپ،

ەگىسىمە ءۇش وزەن كەلدى اينالىپ.

توك ستانسى ءار جەردەن سالىندى دا،

بار ورىنعا نۇرلى ءومىر بەرگەن جارىق.

قىزىعىنا تاڭىرقاپ قالار ەدىڭ،

تاماشاسىن ىنىشەك كورسەڭ بارىپ.

قاسەيىن:

باستايىن ءبىراز ءسوزدى نىلقى جاقتان،

تابىسى دارياداي كىلكىپ اققان.

بىرلەسىپ ءار ۇلت حالقى قول ۇستاسىپ،

قۇز قيا ۇلى شىڭدا مالىن باققان.

ساڭدارعا استىق تولىپ تاۋداي بولىپ،

بايلىعى ىرىس بولىپ شالقىپ جاتقان.

اۋىلدىڭ بايلىعى مول وسى شاقتا،

توعاندار الىنىپ تۇر ءار تاراپتان.

اتاقتى قاس وزەنىن بىلەسىز عوي،

تاۋدى اسىپ، تاستى جارىپ تولقىپ اققان.

الدىدا حالقىمىزدىڭ قايراتىمەن،

كورەسىڭ ۇشتاسقانىن كۇنەس جاقتان.

انداس:

انگە قوسام، كۇنەسىم، الابىڭدى،

جىگەرى ۇستەم قاھارمان ادامىڭدى.

اققان دانگە تەرىڭنەن ءونىپ شىققان،

جەر-انانىڭ بايلىعىن الا ءبىلدى.

باۋىرمالدىق شەشەكتەپ بار جەرىڭدە،

كىلەم نۇرمەن قۇلپىرىپ دالا گۇلدى.

مالعا تولعان جايلاۋىم، قاباتتارىڭ،

تاۋسا المايمىن مەن ونىڭ ساناپ ءبارىن.

توعان دەگەن ساناقسىز قازىپ العان،

سۋسىنداتقان ءشول دالا الاپتارىن.

قاسەيىن:

جۇزەگە استى، جۇدەۋ ەل، تالاپتارىڭ،

شۇعىلا شاشتى شۋاق بوپ اتقان تاڭىم.

جەرىمە قالا ورناپ، قارىشتاتتى،

قاس بويىنىڭ كەڭ-بايتاق الاپتارىن.

قاس باسى كوركىمەنەن عاجاپ سۇلۋ،

ۇشتايتىن كورگەن جاننىڭ تالاپتارىن.

مالشىمىز ساحارادا مالدى باققان،

نە قيىن بەلەستەردەن ەركىن اسقان.

قاراساڭ اسىل سيىر، ىلە جىلقى،

شينجاڭ قويى قاس بويىن الىپ جاتقان.

ءار ۇلت حالقى بىرلەسىپ ىنتىماقپەن،

جىرلايدى مول بايلىقتى جالىقپاستان.

انداس:

ۇلى تويدا كەزدەستىم قاسەنىممەن،

قىزىقتىردىڭ كوڭلىمدى اسەم ۇنمەن.

پايدالانام نىلقىنىڭ كەڭ بايلىعىن،

بولاتتاردى، قۇرىشتاردى كەسەگىنەن.

مەنىڭ داعى كۇنەسىم جاڭا ومىردە،

وت قۇلاشىن بيىككە ەسە بىلگەن.

بۇل جاڭا كۇن وتكەندە ءتۇس بوپ كەلگەن،

وراندى ءازىر شۇعىلالى قىس، كوكتەممەن.

وتانىما ۇلەسىن قوسىپ جاتقان،

تەمىر تاسىن كوتەردىك ۇشكەپتەردەن.

بۇگىن، مىنە، ءومىردىڭ كۇنى كۇلگەن،

ەرتەڭ قىزىق تابىس بار بۇگىنىمەن.

بەيجيڭگەردەي بايگەم بار شابىسىنان،

جەر سولقىلداپ قوزعالار دۇبىرىمەن.

قاسەيىن:

اعاجان، ءانىڭ كوككە شارىقتاعان،

تاۋىسا الماس تابىسىڭدى جازىپ قالام.

تەر توگىپ تىرلىك ءۇشىن بىرلىكتە بوپ،

ۇيرەنەمىز كۇنەستەن بارلىق ادام.

ايتايىن، ءىنىم، قوسىپ ماقتانىڭدى،

شارىقتاپ العا قانات قاققانىڭدى.

قۇرىلدى بولات زاۋىت اۋدانىڭنان،

ۇشكەپتەر تەمىر تاس تاپقانىڭدى.

نىلقىنىڭ ەلى دە باي، جەرى دە باي،

وينايدى اسىر سالىپ قۇلىن مەن تاي.

شەكارا ساڭلاعىنا دايىنداعان،

ىلەمنىڭ جىلقىلارى تۇر، مىنە، ساي.

كەز بولدىق، انداس اعا، بۇگىن سىزبەن،

تيەدى ءسوزىڭ جىلى كوڭىلگە جاي.

ەلىڭدە جاسىلداندى قالىڭ ورمان،

گۇلدەنىپ اۋدانىمىز باقشا بولعان.

بايلىق پەن مول ىرىسقا ءبىز كەنەلىپ،

ەلىمە التىن داننەن ىرىس قونعان.

انداس:

ىنىشەگىم، وتتى ءانىڭ اقتارىلسىن،

قۋانىش قوي ماعان دا شات تابىسىڭ.

ات زاۋىت نىلقىنىڭ اسىل قاندى،

جىرلاي بەرەم مەنىڭ دە ماقتىنىشىم.

بۇلبۇلدايىن قاناتىن جايا قالعان،

كۇنەسىمدە بار قالىڭ سايالى ورمان.

كەڭىستىكتىڭ تورىندە كورىنەدى،

ەگىستىكتىڭ بەلبەۋى ول ورالعان.

ستانسى الدىق كەڭسۋدىڭ ءور جاعىنان،

مال قورامدا ىلگەكتى شام جاعىلعان.

ءشوبى شۇيگىن، كوك ءنارلى، جايلى استىق،

پايدالانىپ كەڭسۋدىڭ تاستارىنان.

باسشىلىق تىڭ ويلانسىن ماقساتتارىن،

انۋاربەكتەن باستالسىن تاستاپ قادام.

تاستان قالاپ قۇرلىس سالدىق  تاعى،

وزگەرتتىك  ءبىز دالانىڭ تاستاقتارىن.

ءتوزىمدى ول ساپالى ارتىق تۋعان،

ماتەريال كەتپەيدى ارتىق بۇعان.

ساحارامدا اشىلىپ تابىس گۇلى،

كوككە قانات سەرمەدى شالقىپ جىر-ءان.

قاسەيىن:

وزاتىڭ انۋاربەك وسكەن ساناڭ،

مەنداعى سول وزاتتان ۇلگى الام-اي.

بارشاعا جاقسى ونەگە بولىپ جۇرگەن،

اۋداندا ءبىر قاريا بار  بەرىكبولداي.

بولسا دا جاسى ۇلكەن بارىمىزدەن.

جول اشتى تاۋ تاستارمەن قۇز-قيادان.

تاس قاشاپ اڭ جورتپاعان نۋدى اشىپ،

جول اشىپ بەرگەن بىزگە كەلساپ سايدان.

جىرلادىق ەڭ الدىمەن ەل بايلىعىن،

بار مەنىڭ ماقتاناتىن مول بايلىعىم.

قۇتتىقتاپ وبلىستىڭ مەرەيتويىن،

ارنادى اقىن، مىنە، ءسوز بايلىعىن.

انداس:

جىرعا قوسۋ قۋانىش بەرىكبولدى،

تىڭ ۇلەسىن  ەلىنە بەرىپ كەلدى.

ەلى ءۇشىن تەر توگىپ ايانباستان،

كۇنىنە تىڭ ۇشىرعان سەرىكتەردى.

ايتارلىقتاي مەنىڭ دە ماناپتارىم،

بىلەم ونىڭ تىڭ تابىس جاراتقانىن.

باستاما بوپ شينجاڭدا بىرلەستىككە،

تۋعان جەردىڭ كىرگىزگەن ساناتتارىن.

ءجۇز ساۋلىقتان ءجۇز جەتپىس ءتول الاتىن،

ەڭبەك ەرى ەرجۇرەك قاناتقازىم.

جاڭا ءومىردىڭ ءوزى ءوسىرىپ، جەتەلدىرگەن،

بىتىرە  المايمىن وزاتتىڭ ساناپ ءبارىن.

قاسەيىن:

تۇسپەگى قيىن ەندى ولەڭ ويدان،

تاتۋلىق نۇرى ەلىمە قانات جايعان.

اۋدان جۇرتى ۇلگى ەتىپ ۇيرەنەدى،

جەتپىس بەستەگى كارىم ۋاتبايدان.

قۇلازىپ قاعىر دالا جاتقان جەرگە،

ءوسىردى ەڭبەكتەنىپ نۋلى ورمان.

ءجۇز ساۋلىقتان ءجۇز الپىس قوزى الادى،

ءجۇن بەرەدى ون بەس كەلە ءاربىر قويدان.

باقىتتىڭ نۇرىن قۇشىپ مەيىرلەنگەن،

وزاتتىڭ ىزدەرىنەن گۇلدەر ونگەن.

قيىندىق قىسپاعىندا قالسا داعى،

ۋاتباي ەش نارسەدەن بوگەلمەگەن.

تاستادى اق بيدايدى تاۋ عىپ ءۇيىپ،

تىڭ جەرگە تراكتوردىڭ ءتىسى ءتيىپ.

قاز-قاتار ۇيلەر سالدى، اشەكەيلەپ،

اكەلىپ ۇلى تاۋدان تاستى قيىپ.

سوندىقتان ماداقتايدى ۋاتبايدى،

ارداقتايدى ۇلگى ەتىپ حالقى ءسۇيىپ.

انداس:

جىرعا قوسام مەنداعى ۋاتبايدى،

ەلى ءۇشىن ىستەگەندى ەل قۋاتتايدى.

تابىسىمەن شالقىپ ول ءار ساعاتتا،

قيىندىقتىڭ قاندايىن قۇلاقتايدى.

ەڭبەك ەرىم مەنىڭ دە بايبولاتىم،

ءور ەڭبەكپەن ەلىنە جايعان اتىن.

جالقاۋلىقتى بويىنان سىرىپ تاستا،

قاھارمان ول كۇرەستە قايرالاتىن.

ءاربىر باسقان قادامى، جەتىستىگى،

ناعىز باتىر جۇرتىنا ارنالاتىن.

قاسەيىن:

اتاقتى ۇيرەنەمىز ناق وزاتتان،

قارىشتاپ ەلىمدە ول العا باسقان.

بىرلىكتە ۇيرەنەمىز ەكى جاقتا،

تابىسىمىز كورىنىپ تۇر ءار تاراپتان.

ەلىمدە استىق كەندى تاۋ قىپ ءۇيدى،

وتانعا تارتۋ ەتەم وسى سىيدى.

ەلىمدە ماسال جولداس ۇلگىمىز بار،

حالقى ءۇشىن، وتان ءۇشىن جانىن قيدى.

جۇرەدى ءبىر دە تىنباي وراق ورىپ،

ۇلگى بوپ حالىق ىشىندە ويناپ-كۇلىپ.

جان قيار بۇل قاھارمان ەل ەسىنە،

ول بىزگە كەلە جاتىر ۇلگى بولىپ.

انداس:

ۇلگى الامىن مەنداعى ماسالىڭنان،

ءدان اعىزعان يگەرىپ اساۋ قىردان.

قۋات ەتىپ وتكەننىڭ تالىمدەرىن،

قايتپايدى ول كۇرەستى اپارۋدان.

ارنادى ول ەلىنە قىرشىن جانىن،

كوتەردىك بيىك كوككە جىر شۋماعىن.

سەن باستىڭ قاھارماندار قان ىزىمەن،

ولمەيسىڭ قاسىمىزدا، ءجۇرسىڭ جانىم.

ءبىر وزاتى تاعى دا ءالى دەگەن،

ەلى ءسۇيىپ ەڭبەگىن بالە دەگەن.

تاستان سالىپ قۇرىلىس نەشە الۋان،

سىيعا تارتىپ جيىنعا الا كەلگەن.

قاسەيىن:

كەز بولدىق، انداس اعا، ۇلى تويدا،

ماقتانىپ ايتقان ءسوزىڭ ءبىزدىڭ ويدا.

مىڭعىرعان ءتورت تۇلىكتى جىرعا قوسقان،

وزىڭدەي اسىل تەكتى اعا قايدا.

قار كەشىپ، مۇز توسەنىپ بيىك تاۋدا،

الىسقان تابيعاتپەن قۇز-قيادا.

تەڭدىككە ەندى جەتكەن حالقىمىزدى،

سۇيىنەم ەر قاھارمان داڭقىڭىزعا.

بىرلەستى وتان ءۇشىن وت جۇرەكتەر،

بيىكتەپ ءوستىڭ ورلەپ اسقار شىڭعا.

ايتالىق ءبىر-ءبىر باستان ماقتان ەتىپ،

كوشپەلى مەكتەپتەر بار اۋىلىمىزدا.

انداس:

جىر-دۋمان شالقىپ جاتقان وسى ارانى،

كورەالماستار وزەگىنە وت الادى.

تابيعاتتىڭ يگەرگەن مىلقاۋ كۇشىن،

باتىرلارىم تاۋ-قۇزدى قوپارادى.

كەلدى مۇندا جيىلىپ اقىندارىم،

جىرشىسىڭ عوي جىرلاي بەر اقىن ءبارىڭ.

بىزدەداعى كوشپەلى مەكتەپتەر كوپ،

الىپ تاۋعا بارادى شاتىرلارىن.

ءانىمدى ايتسام بايلىققا جاراسادى،

تابىسىمىز بيىككە تالاسادى.

قويناۋىندا مال تولى كەڭسۋىمنىڭ،

اق بۇلتتاي اققويىم جاراسادى.

قاسەيىن:

مەن ايتتىم ءبىر وزات دەپ ماسالىمدى،

كورمەسسىز ەڭبەگىمنەن وسالىمدى.

بىرلەسىپ  ەل شاتتىعىن جىرعا قوسىپ،

بيىككە كوتەرەيىك وتانىمدى.

انداس:

ايتقانىڭ راس، ءىنىم، اقىلىڭ بار،

جۇرەككە قۇيىپ جاتىر عاسىرىم ءنار.

شامانىڭ جەتكەنىنشە ەڭبەك ەتتىك،

قالعانىن سەندەر ارى اسىرىڭدار.

جاقسى، جاقسى دەگەن ءجون بولادى،

جاماندى جەرگە كومىپ جاسىرىڭدار.

بويعا جيىپ ادالدىق، ارلىلىقتى،

ارامدىقتى ماڭايدان قاشىرىڭدار.

ەگەردە بويدا ۇلى مۇرات جوقتا،

ويداعى اسىل ويلار اقىرىندار.

قاشاندا جۇرەگىڭە جىگەر بەرگەن،

قاس – كۇنەس دەگەن ەكى اسىلىڭ بار.

بۇگىنگى تابىستاردى جەتىلدىرىپ،

بيىكتەرگە شىعۋعا اسىعىڭدار.

اعالىق كەڭەسىم بۇل ەلەككە ساپ،

جاسىعىن قايتار ماعان، اسىلىن ال.

قاشاندا ەل مەن جۇرتتى جەك كورگەننىڭ،

كورگەنبىز تالايلاردى باسى مۇنار.

جاقسى ادام جاقسىلىقتى ايتۋ كەرەك،

سەندەردە وسى جولعا جاتتىعىڭدار.

پارىقتاپ وڭ مەن سولى دۇرىس ءجۇرىپ،

بۇيىعىپ جۇرە بەرمەي اشىلىڭدار.

سوندا دا جولدان تايىپ كەتكەندەر كوپ،

بىلەمەكەن بەردەڭكەنىڭ باسۋىن ءدال.

قاسەيىن:

اعاجان، ايتقانىڭ ءجون ءتۇسىندىرىپ،

جەتەلەپ جۇرەدى ىلعي تۇسىمدە ءۇمىت.

ءبىر كەزدە جانىمىزدى جۇدەتتى عوي،

جان-جاقتان انتالاعان قىسىمدىلىق.

ءسىزدىڭ دە جۇرەگىڭىزدى جارالادى،

جالعاننان جاپسىرىلعان قىسىر قىلىق.

اقىرى ازاماتتىق ويىڭىزدى،

بۇگىندە ءبىلدى قاۋىم، ءتۇسىندى جۇرت.

بايقاماي جولدان تايىپ بارا جاتساق،

جۇرەسىز قاتەلىكتى ءتۇسىندىرىپ.

اعالاپ ارتىڭىزدان ەرىپ ءجۇرمىز،

اتانداي ارقالاعان ءىسىڭدى ۇعىپ.

ۇلى وتان بىزگە شابىت، باقىت بەردى،

بۇعاۋدان تاس بايلانعان اعىتتى ەلدى.

ءبىر كەزدە قاراڭعىدا جۇرگەن حالىق،

مىنە، ەندى، جارقىراعان جارىق كوردى.

حالىقتىڭ ساۋلە قۇيىپ كوڭىلىنە،

مۇناردان اسپان كوگى ايىقتى ەندى.

جاڭالىق، جاقسىلىقتار تەڭ جامىراپ،

بولاشاققا باستادى حالىقتى، ەلدى.

انداس، قاسەيىن:

جاساسىن جاڭا زامان، جاڭا ءداۋىر،

وسەيىك جۇقتىرماستان جاعاعا كىر.

بولادى ءالى تالاي تىڭ جاڭالىق،

ءومىردىڭ وركەنىنە قارادى تۇر.

كۇنىمىز كۇلىپ كوككە كوتەرىلدى،

ادىرا قاپ ءبىر كەزگى زامان اقىر.

شاتتانىپ بارلىق قاۋىم بەرەكەگە،

توي بولىپ جاتىر، مىنە، ۇلان-اسىر.

ءبىر كەزگى جارلى ۇلى بيلىك الىپ،

باي، ماناپ، باقسى، بالگەر جىرادى ءجۇر.

نار جانىپ بالا-شاعا، ەر-ايەلدىڭ،

جالىنىن جالىنداتتى مىنا عاسىر.

بارلىق جۇرت شاد-شادىمان كۇيگە ەنگەن،

ايتاسىڭ جەڭگەگە ءازىل، اعاعا سىر.

جاراسىپ  قاس – كۇنەستىڭ ىنتىماعى،

جاينادى بۇگىن، مىنە، جىر شىراعى.

وسىنداي نۇرلى ءومىردى كورگەندەردىڭ،

بويىنان بۇلا كۇشى بۇلقىنادى.

جاقسىلىق بولعاندىقتان اۋىزىڭنان،

ءان شىرقالىپ، جورعالاپ جىر شىعادى.

وسىلاي وسە بەرسىن، ورلەي بەرسىن،

حالقىمنىڭ ارەڭ جەتكەن نۇر شۋاعى.

جۇرەيىك اعا-ءىنى بوپ قولتىقتاسىپ،

ءبىزدىڭ جولدى باسقالار جول قىلادى.

باۋىرلاستىق، سىيلاستىق بولسا عانا،

كوڭىلدىڭ بەرەكەسى ورنىعادى.

دەرەككوز: دودا: (ايتىستار مەن تاريحي-ەتنوگرافيالىق جىرلارى) / ا. وماراقىن ؛ [قۇراستىرعان: ءا. ماجاي [ج. ب.] .- تالدىقورعان : [ب. ج.].                https://kazneb.kz/kk/catalogue/view/1657687

“Q-Andas” اقپاراتتىق اگەنتتىگى

5 1 vote
Рейтинг статьи
Post Views: 86
Қышқыш қалай жасалған?
انداس وماراقىن ىزىمەن

قىشقىش قالاي جاسالعان

August 12, 2026
Адамның пайда болуы
انداس وماراقىن ىزىمەن

ادامنىڭ پايدا بولۋى

August 10, 2026
Күн және жұлдыздар
انداس وماراقىن ىزىمەن

كۇن جانە جۇلدىزدار

August 5, 2026
كۇن مەن جەر
انداس وماراقىن ىزىمەن

كۇن مەن جەر

August 4, 2026
Аспанның биіктеуі
انداس وماراقىن ىزىمەن

اسپاننىڭ بيىكتەۋى

July 31, 2026
Жер-көктің айырылуы жөнінде (Күнес ауданының аңыз-ертегілері)
انداس وماراقىن ىزىمەن

جەر-كوكتىڭ ايىرىلۋى جونىندە (كۇنەس اۋدانىنىڭ اڭىز-ەرتەگىلەرى)

July 30, 2026
Subscribe
Login
Notify of
guest
guest
0 комментариев
Oldest
Newest Most Voted
Inline Feedbacks
View all comments
ӨЛКЕ ШЕЖІРЕСІН СӨЙЛЕТКЕН ҚАЛАМГЕР

ولكە شەجىرەسىن سويلەتكەن قالامگەر

November 9, 2026

«Бекзат өмір»: өнерге арналған еңбек

«بەكزات ءومىر»: ونەرگە ارنالعان ەڭبەك

November 7, 2026

Өлке тарихы ұрпаққа аманат

ولكە تاريحى ۇرپاققا امانات

October 23, 2026

ЖАҢА ҚАҒИДА?  «Әлеуметтік кәсіпкерлерге жаңа талаптар түсіндірілді»

جاڭا قاعيدا: «الەۋمەتتىك كاسىپكەرلەرگە جاڭا تالاپتار ءتۇسىندىرىلدى»

October 13, 2026

Жұмыспен қамту тәртібінде не өзгерді?

جۇمىسپەن قامتۋ تارتىبىندە نە وزگەردى؟

October 12, 2026

Ақпараттық агенттігі

Меншік иесі: “Жетісу” өлкетанушылар орталығы” қоғамдық бірлестігі
Қазақстан Республикасы, Жетісу облысы, Талдықорған қаласы “Болашақ” шағын ауданы, 12-27

Q-Andas желілік басылымы Қазақстан Республикасы Ақпарат және коммуникация министрлігі Ақпарат комитетінде 2025 жылғы 19 наурызда тіркеліп, № KZ21VPY00115275 куәлігі берілген.

Сайт материалын пайдалану үшін редакция келісімі керек және гиперсілтеме жасау міндетті.

Тел: 8 747 706 1382
email: andas_kazhet@mail.ru

qandas.kz © 2026. Барлық авторлық құқық заңмен қорғалған.

  • tjتوتە جازۋ
    • kz Қазақ
    • qz Qazaq
    • tj توتە جازۋ
    • ru Русский
    • en English
  • باستى بەت
  • ولكەتانۋ
    • ءبىلىم
    • دەنساۋلىق
    • سپورت
    • قۋعىن-سۇرگىن
    • تۇلعا تانۋ
    • قورشاعان ورتا
    • حالىق جادى
    • مادەنيەت
    • جەتىسۋ جارتاس سۋرەتتەرى
    • جەتىسۋدىڭ اسيەتتى جەرلەر
    • ادەبيەت
    • شالعاي اۋىل
    • تۋريزم
      • تاريح
    • ەلتانۋ
    • كوشى-قون
    • تۋرنير
  • ارنايى جوبالار
    • بايقاۋ
    • كورمەلەر
    • كونفەرەنتسيا
    • گرانت
    • ەكسپەديتسيالار
  • مۇراعات
    • انداس وماراقىن ىزىمەن
    • اۋەسحان ماجايدىڭ جادىگەرلەرى
    • بەينەفيلم
    • حاتكەرلىك
    • گالەرەيا
  • ءبىز تۋرالى
    • ارىپتەستەر
    • بايلانىس
    • سايت اكىمشىلىگى
    • PDF-مۇراعات

© 2025 qandas.kz

wpDiscuz