Q-Andas
No Result
View All Result
  • باستى بەت
  • ولكەتانۋ
    • ءبىلىم
    • دەنساۋلىق
    • سپورت
    • قۋعىن-سۇرگىن
    • تۇلعا تانۋ
    • قورشاعان ورتا
    • حالىق جادى
    • مادەنيەت
    • جەتىسۋ جارتاس سۋرەتتەرى
    • جەتىسۋدىڭ اسيەتتى جەرلەر
    • ادەبيەت
    • شالعاي اۋىل
    • تۋريزم
      • تاريح
    • ەلتانۋ
    • كوشى-قون
    • تۋرنير
  • ارنايى جوبالار
    • بايقاۋ
    • كورمەلەر
    • كونفەرەنتسيا
    • گرانت
    • ەكسپەديتسيالار
  • مۇراعات
    • انداس وماراقىن ىزىمەن
    • اۋەسحان ماجايدىڭ جادىگەرلەرى
    • بەينەفيلم
    • حاتكەرلىك
    • گالەرەيا
  • ءبىز تۋرالى
    • ارىپتەستەر
    • بايلانىس
    • سايت اكىمشىلىگى
    • PDF-مۇراعات
kz Қазақ qz Qazaq tj توتە جازۋ ru Русский en English
Q-Andas
  • باستى بەت
  • ولكەتانۋ
    • ءبىلىم
    • دەنساۋلىق
    • سپورت
    • قۋعىن-سۇرگىن
    • تۇلعا تانۋ
    • قورشاعان ورتا
    • حالىق جادى
    • مادەنيەت
    • جەتىسۋ جارتاس سۋرەتتەرى
    • جەتىسۋدىڭ اسيەتتى جەرلەر
    • ادەبيەت
    • شالعاي اۋىل
    • تۋريزم
      • تاريح
    • ەلتانۋ
    • كوشى-قون
    • تۋرنير
  • ارنايى جوبالار
    • بايقاۋ
    • كورمەلەر
    • كونفەرەنتسيا
    • گرانت
    • ەكسپەديتسيالار
  • مۇراعات
    • انداس وماراقىن ىزىمەن
    • اۋەسحان ماجايدىڭ جادىگەرلەرى
    • بەينەفيلم
    • حاتكەرلىك
    • گالەرەيا
  • ءبىز تۋرالى
    • ارىپتەستەر
    • بايلانىس
    • سايت اكىمشىلىگى
    • PDF-مۇراعات
No Result
View All Result
Q-Andas
No Result
View All Result
باستى بەت ارنايى جوبالار كونفەرەنتسيا

ايماق جاڭعاليەۆ – 113: عىلىم، ولكەتانۋ جانە تابيعي مۇرا ساباقتاستىعى

admin
2026/08/31
كونفەرەنتسيا
0
Аймақ Жаңғалиев-113: Ғылым,өлкетану және табиғи мұра сабақтастығы

باسى:

اكادەميك ايماق جانعاليۇلى جانعاليەۆتىڭ تۋعانىنا 113 جىل تولۋىنا ارنالعان «جەتىسۋ ءوڭىرىنىڭ تاريحي-مادەني جانە تابيعي مۇراسى كونتەكسىندەگى سيۆەرس الماسى: الىپ بىرەگەي اعاشتىڭ تاريحي-بيولوگيالىق قۇندىلىعى جانە وعان “عىلىمي تابيعي وبەكت – ۇلتتىق يگىلىك” مارتەبەسىن بەرۋدىڭ عىلىمي نەگىزدەرى» اتتى حالىقارالىق عىلىمي-تاجىريبەلىك كونفەرەنتسيانىڭ وتكىزىلۋى – جەتىسۋ ءوڭىرىنىڭ تابيعي مۇراسىن عىلىمي تۇرعىدان زەردەلەۋگە، قورعاۋعا جانە كەلەشەك ۇرپاققا اماناتتاۋعا باعىتتالعان ماڭىزدى باستاما.

كونفەرەنتسيانىڭ نەگىزگى ماقساتى – جەتىسۋ جەرىندەگى سيۆەرس الماسىنىڭ تابيعي پوپۋلياتسيالارىن، سونىڭ ىشىندە عاسىرلار بويى ساقتالعان الىپ بىرەگەي اعاشتىڭ تاريحي-بيولوگيالىق، گەنەتيكالىق جانە ەكولوگيالىق قۇندىلىعىن جان-جاقتى عىلىمي تۇرعىدان قاراستىرۋ، ونى ساقتاۋ مەن قورعاۋدىڭ ءتيىمدى جولدارىن ايقىنداۋ، سونداي-اق وعان «عىلىمي تابيعي وبەكت – ۇلتتىق يگىلىك» مارتەبەسىن بەرۋدىڭ عىلىمي نەگىزدەرىن قالىپتاستىرۋ.

سونىمەن قاتار بۇل باسقوسۋ عالىمدار، تابيعات قورعاۋ سالاسىنىڭ ماماندارى، ولكەتانۋشىلار، مۋزەي جانە ارحيۆ قىزمەتكەرلەرى، قوعامدىق ۇيىمدار مەن جەرگىلىكتى زەرتتەۋشىلەردىڭ ءوزارا تاجىريبە الماسۋىنا مۇمكىندىك بەرەدى. وسىنداي عىلىمي بايلانىستىڭ ورنىعۋى جەتىسۋدىڭ تابيعي جانە تاريحي-مادەني مۇراسىن جەكە-جەكە ەمەس، ءوزارا ساباقتاس تۇتاس قۇندىلىق رەتىندە زەرتتەۋگە جول اشادى.

سيۆەرس الماسى – جاي عانا جابايى جەمىس اعاشى ەمەس. ول – جەتىسۋدىڭ تابيعي تاريحىنىڭ ءتىرى كۋاگەرى، الەمدىك الما مادەنيەتىنىڭ گەنەتيكالىق باستاۋلارىنىڭ ءبىرى ءارى تۋعان جەرىمىزدىڭ تابيعي بايلىعىن ايعاقتايتىن بىرەگەي مۇرا. سوندىقتان ونى عىلىمي تۇرعىدان زەرتتەۋ، تابيعي ءوسۋ ورتاسىن ساقتاۋ، قوعامعا تانىتۋ جانە كەلەر ۇرپاققا جەتكىزۋ – عالىمدار مەن تابيعات قورعاۋشىلاردىڭ عانا ەمەس، بارشامىزعا ورتاق مىندەت.

بۇل باعىت «جەتىسۋ» ولكەتانۋشىلار ورتالىعى» قوعامدىق بىرلەستىگىنىڭ ماقسات-مىندەتتەرىمەن دە تىكەلەي ۇندەسەدى.

ءبىزدىڭ بىرلەستىك جەتىسۋ ولكەسىنىڭ تاريحىنا، تابيعاتىنا، مادەنيەتى مەن رۋحاني مۇراسىنا بەيجاي قارامايتىن، ورتاق ماقساتتاعى ازاماتتاردىڭ باسىن قوسۋ ءۇشىن قۇرىلدى. ءبىز ءۇشىن ولكەتانۋ – تەك وتكەن تاريحتى حاتتاۋ نەمەسە كونەدەن قالعان دەرەكتەردى جيناۋمەن عانا شەكتەلەتىن جۇمىس ەمەس. ولكەتانۋ – تۋعان ولكەنى جان-جاقتى تانۋ، عىلىمي شىعارماشىلىق پەن اعارتۋشىلىقتى دامىتۋ، تاريحي جادىنى جاڭعىرتۋ، تابيعي جانە مادەني مۇرانى قورعاۋ، جيناقتالعان دەرەكتەردى عىلىمي اينالىمعا ەنگىزۋ جانە ولاردى كەيىنگى ۇرپاققا جەتكىزۋ.

بىرلەستىكتىڭ نەگىزگى مىندەتتەرىنىڭ قاتارىندا عىلىمي-شىعارماشىلىق جانە اعارتۋشىلىق جۇمىستار جۇرگىزۋ، تانىلماي جۇرگەن تالانتتاردى قولداۋ، ەسكەرۋسىز قالعان تاريحي تۇلعالاردىڭ ەسىمدەرىن جاڭعىرتۋ، تاريحي-مادەني ساباقتاستىقتى زەردەلەۋ بار. سونىمەن بىرگە جەتىسۋدىڭ ورمان-توعايى، وزەن-كولى، اڭ-قۇسى مەن وسىمدىكتەر دۇنيەسى جونىندەگى مالىمەتتەردى جيناقتاۋ، ءوڭىردىڭ تابيعي بايلىعى تۋرالى جۇيەلى دەرەك قورىن قالىپتاستىرۋ دا ماڭىزدى باعىتتارىمىزدىڭ ءبىرى.

قورشاعان ورتانى قورعاۋداعى ازاماتتىق ۇستانىمدى قالىپتاستىرۋ، ۇلتتىق ونەردى ناسيحاتتاۋ، قاسيەتتى جانە تاريحي نىسانداردى انىقتاپ، ولاردى جۇيەلەۋ، ساياسي قۋعىن-سۇرگىن جىلدارىنداعى اقتاڭداقتاردىڭ اقيقاتىن اشۋعا اتسالىسۋ دا بىرلەستىك قىزمەتىنىڭ اۋقىمدى بولىگىن قۇرايدى. بۇعان قوسا شاعاتاي جانە توتە جازۋمەن جازىلعان ارحيۆ قۇجاتتارىن زەرتتەۋ، حالىق اۋىز ادەبيەتىنىڭ وزىق ۇلگىلەرىن جيناقتاپ، ناسيحاتتاۋ، مادەني-رۋحاني ەلارالىق بايلانىستاردى دامىتۋ، تۋريزم، مادەنيەت، ونەر جانە سپورت سالالارىنداعى باستامالاردى قولداۋ باعىتىندا دا جۇمىستار جۇرگىزىلىپ كەلەدى.

 

Посмотреть эту публикацию в Instagram

 

Публикация от Кажет Андас (@q_andass)

وسى ماقسات-مىندەتتەر بىرلەستىك قۇرىلعاننان بەرى ناقتى جوبالار، ەكسپەديتسيالار، عىلىمي-تانىمدىق كەزدەسۋلەر، كورمەلەر مەن باسپا جۇمىستارى ارقىلى جۇزەگە اسۋدا.

سولاردىڭ ءبىرى – «بابالار ىزىمەن» قىزىلجار ەكسپەديتسياسى. ەكسپەديتسيا بارىسىندا اقسۋ اۋدانىنداعى تاريحي شايقاس ورنى زەرتتەلىپ، ەرلىكپەن قازا تاپقان باتىرلار جەرلەنگەن تاريحي اۋماق ەسەپكە الىنىپ، ونىڭ سىزباسى جاسالدى. تاريحتا قۇداينازار باتىر، مەرگەنقىز جانە گۇلاياىم ەسىمدەرىمەن ساقتالعان بابالاردىڭ باسىنا بەرىك تاس قويىلىپ، رۋحىنا تاعزىم ەتىلدى. وسى ارقىلى ءۇش عاسىر بۇرىنعى تاريحي وقيعالاردىڭ ەل جادىنداعى ورنى جاڭعىرتىلدى.

ۇلتتىق ونەر مەن مادەني مۇرانى دارىپتەۋ باعىتىنداعى ءىرى باستامالاردىڭ ءبىرى – تالدىقورعان قالاسىندا ۇيىمداستىرىلعان «جەتىسۋ ونەرى» كورمەسى. وعان قازاقستاننىڭ ءار وڭىرىنەن، سونداي-اق رەسەي، تۇركيا، تمد ەلدەرىنەن جانە رەسپۋبليكالىق وقۋ ورىندارىنان ونەر وكىلدەرى مەن كوركەم ەڭبەك ءپانىنىڭ ۇستازدارى قاتىستى. كورمەگە قاتىسۋعا 335 قولونەرشىدەن ءوتىنىم ءتۇسىپ، جۇزدەن استام شەبەردىڭ تۋىندىلارى كوپشىلىك نازارىنا ۇسىنىلدى. كيىز بەن جىبەكتەن جاسالعان بۇيىمدار، زەرگەرلىك تۋىندىلار، اعاشتان ويىلعان زاتتار، ۇلتتىق مۋزىكالىق اسپاپتار مەن وزگە دە قولونەر ۇلگىلەرى حالقىمىزدىڭ ءداستۇرلى ونەرىنىڭ ومىرشەڭدىگىن كورسەتتى.

ءبىزدىڭ ۇستانىمىمىز بويىنشا، ادام الدىمەن ءوز ولكەسىن تانۋى كەرەك. ءوز ولكەسىن تانىعان ادام ءوز ەلىنىڭ تاريحى مەن مادەنيەتىن تەرەڭىرەك تۇسىنەدى. جەتىسۋ – قازاق مادەنيەتىنىڭ سان الۋان ۇلگىلەرى توعىسقان، تاريحي جادى مەن ۇلتتىق ونەر ساباقتاسقان ەرەكشە ءوڭىر. سوندىقتان ونەر ادامدارىن ءبىر ورتاعا جيناۋ ارقىلى ولاردىڭ شىعارماشىلىعىن قولداپ قانا قويماي، ءوڭىردىڭ مادەني الەۋەتىن تانىتۋدى دا ماقسات ەتتىك.

ۇلتتىق كيىم مەن ءداستۇرلى ونەردى دارىپتەۋ ماقساتىندا ناۋرىزناما ونكۇندىگى اياسىندا «قىزاي ورنەگى» اتتى ۇلتتىق كيىم ۇلگىلەرىنىڭ كورمە-فەستيۆالى وتكىزىلدى. مۇنداي شارالاردىڭ باستى ءمانى – ۇلتتىق مۇرانى مۋزەي نەمەسە ارحيۆ قورىنداعى جادىگەر رەتىندە عانا ەمەس، قازىرگى قوعاممەن ساباقتاس، ومىرشەڭ رۋحاني قۇندىلىق رەتىندە كورسەتۋ.

بىرلەستىك تاريحي-مادەني جانە قاسيەتتى نىسانداردى زەرتتەۋ ىسىنە دە بەلسەندى اتسالىسىپ كەلەدى. جەرگىلىكتى تاريحشىلارمەن جانە ءتيىستى مەكەمەلەرمەن بىرلەسە وتىرىپ، جەتىسۋ اۋماعىنداعى تاريحي ورىنداردى انىقتاۋ، ولار تۋرالى دەرەكتەر مەن اڭىز-اڭگىمەلەر جيناۋ، جاڭا نىسانداردى عىلىمي جانە قوعامدىق اينالىمعا ەنگىزۋ جۇمىستارى جۇرگىزىلۋدە. الاكول، سارقان، اقسۋ جانە وزگە اۋداندارعا ۇيىمداستىرىلعان ەكسپەديتسيالار كەزىندە كوپتەگەن تاريحي جانە قاسيەتتى ورىندار جونىندە قۇندى ماتەريالدار جيناقتالدى.

بىرلەستىك قىزمەتىنىڭ تاعى ءبىر ماڭىزدى سالاسى – جاستاردىڭ وتانشىلدىق جانە اسكەري-پاتريوتتىق تاربيەسى. وسى باعىتتا تالدىقورعان قالالىق قورعانىس ىستەرى جونىندەگى باسقارمامەن بىرلەسىپ «ەرلىكتىڭ داڭقى وشپەيدى» اتتى اسكەري-پاتريوتتىق كونفەرەنتسيا ۇيىمداستىرىلدى. شارا بارىسىندا جاس جاۋىنگەرلەر مەن اسكەري-تەحنيكالىق مەكتەپ كۋرسانتتارىنا جەتىسۋ جەرىندە وتكەن وربۇلاق، قىزىلجار، توقتات تاۋىنداعى جانە باسقا دا تاريحي شايقاستار تۋرالى ولكەتانۋشىلار جيناقتاعان دەرەكتەر تانىستىرىلدى. ەل مەن جەردى قورعاعان بابالاردىڭ ەرلىگى بۇگىنگى ۇرپاققا تاعىلىم رەتىندە ۇسىنىلدى.

ولكەتانۋشىلار تۋعان ولكەنى زەرتتەيدى، ال اسكەري سالا ماماندارى ەل قاۋىپسىزدىگىن قورعاۋ جاۋاپكەرشىلىگىن موينىنا العان ازاماتتار. قىزمەت سالاسى ءارتۇرلى بولعانىمەن، ەكەۋىن توعىستىراتىن ورتاق قۇندىلىق – وتانعا قىزمەت ەتۋ. سوندىقتان ولكە تاريحى مەن بابالار ەرلىگى نەگىزىندە جۇرگىزىلەتىن رۋحاني-پاتريوتتىق تاربيە دە بىرلەستىك جۇمىسىنىڭ ماڭىزدى باعىتى بولىپ قالا بەرەدى.

زەرتتەۋ مەن ىزدەنىستىڭ ناتيجەسىن كىتاپ ەتىپ جاريالاۋ دا قوعامدىق بىرلەستىكتىڭ تۇراقتى جۇمىستارىنىڭ ءبىرى. ولكەتانۋشىلاردىڭ زەرتتەۋلەرى نەگىزىندە 2024 جىلى 12 كىتاپ، 2025 جىلى 10 كىتاپ جارىق كوردى. وسىلايشا ەكى جىلدىڭ ىشىندە ولكەتانۋ باعىتىنداعى 22 ەڭبەك وقىرمانعا جول تارتتى.

بۇل باسىلىمداردا جەتىسۋدىڭ تاريحى، بەلگىلى جانە ەسكەرۋسىز قالعان تۇلعالارى، ەلدى مەكەندەر تاريحى، تابيعي جانە مادەني مۇراسى، تاريحي وقيعالار، ەل جادىندا ساقتالعان اۋىزشا دەرەكتەر مەن باسقا دا ولكەتانۋلىق ماسەلەلەر قامتىلدى.

جارىق كورگەن ەڭبەكتەر «كىتاپ سىيلا!» اكتسياسى اياسىندا قازاقستان رەسپۋبليكاسىنىڭ ۇلتتىق اكادەميالىق كىتاپحاناسىنا، الماتى جانە جەتىسۋ وبلىستىق، تالدىقورعان قالالىق كىتاپحانالارىنا تاپسىرىلدى. مۇنداعى ماقسات – ولكەتانۋشىلار جيناعان قۇندى ماتەريالداردىڭ جەكە قورلاردا قالىپ قويماي، كىتاپحانا قورلارى ارقىلى زەرتتەۋشىلەر مەن جالپى وقىرمانعا قولجەتىمدى بولۋىنا مۇمكىندىك جاساۋ.

بۇگىندە بىرلەستىك اينالاسىنا 80-گە جۋىق ولكەتانۋشى توپتاسقان. ولاردىڭ قاتارىندا كاسىبي زەرتتەۋشىلەرمەن بىرگە تۋعان جەردىڭ تابيعاتىن، تاريحىن جانە جەر-سۋ ەرەكشەلىگىن جەتىك بىلەتىن قاراپايىم ازاماتتار، اڭشىلار، بالىقشىلار، شوپاندار، ورمانشىلار، جەرگىلىكتى شەجىرەشىلەر مەن باسقا دا ماماندىق يەلەرى بار.

ولكەتانۋدىڭ ەرەكشەلىگى دە وسىندا. كەيدە عىلىم ءۇشىن اسا قۇندى دەرەك تەك ارحيۆ قۇجاتىنان نەمەسە كىتاپتان تابىلا بەرمەيدى. ول كونەكوز قاريانىڭ جادىندا، حالىق اراسىندا ساقتالعان اڭگىمەدە، جەر-سۋ اتاۋىندا، ەسكى سۇرلەۋدە، ۇمىت قالعان قورىمدا، تاۋ مەن وزەننىڭ بويىندا نەمەسە بىرنەشە عاسىردان بەرى تابيعي ورتادا ءوسىپ تۇرعان الىپ اعاشتىڭ وزىندە ساقتالۋى مۇمكىن.

سوندىقتان بۇگىنگى سيۆەرس الماسىنا ارنالعان حالىقارالىق عىلىمي-تاجىريبەلىك كونفەرەنتسيانىڭ تاقىرىبى ءبىزدىڭ ولكەتانۋ قىزمەتىمىزبەن تىكەلەي ساباقتاس.

تاريحي-مادەني مۇرا مەن تابيعي مۇرانى ءبىر-بىرىنەن ءبولىپ قاراۋعا بولمايدى. جەردىڭ تاريحى – ەلدىڭ تاريحى. وزەن-كول، ورمان-توعاي، تاۋ مەن دالا، جابايى الما ورماندارى، عاسىرلىق اعاشتار، كونە قورىمدار، ارحەولوگيالىق ەسكەرتكىشتەر مەن قاسيەتتى مەكەندەر – بارلىعى حالىقتىڭ تاريحي جادىن قالىپتاستىراتىن ورتاق ۇلتتىق قۇندىلىقتار.

بۇل تۇرعىدان اكادەميك ايماق جانعاليۇلى جانعاليەۆتىڭ سيۆەرس الماسىن زەرتتەۋگە ارنالعان عىلىمي مۇراسىنىڭ ورنى ەرەكشە. ونىڭ ەڭبەكتەرى تابيعي گەنەتيكالىق قوردى ساقتاۋدىڭ ماڭىزىن ايقىنداپ، بۇگىنگى زەرتتەۋلەرگە بەرىك نەگىز قالادى

عالىمنىڭ مۇراسىن جالعاستىرۋ – سيۆەرس الماسىنىڭ تابيعي پوپۋلياتسيالارىن، الىپ جانە عاسىرلىق اعاشتارىن زەرتتەپ، قورعاۋعا الۋ. بۇل جەردە عىلىم مەن ولكەتانۋ ءوزارا توعىسادى: عىلىم نىساننىڭ بيولوگيالىق جانە گەنەتيكالىق قۇندىلىعىن انىقتاسا، ولكەتانۋ ونىڭ تاريحي جانە مادەني ماڭىزىن تولىقتىرادى.

بۇگىنگى كونفەرەنتسياداعى عىلىمي ۇسىنىستار الىپ سيۆەرس الما اعاشىن قورعاۋعا، ونىڭ ماڭىزىن ايقىنداۋعا جانە وعان «عىلىمي تابيعي وبەكت – ۇلتتىق يگىلىك» مارتەبەسىن بەرۋگە نەگىز بولادى دەپ سەنەمىز. بۇل – ءبىر عانا اعاشتى ەمەس، جەتىسۋدىڭ تابيعي مۇراسىن، عىلىمي ساباقتاستىعىن جانە تاريحي جادىن ساقتاۋ ماسەلەسى.

عىلىم، ولكەتانۋ جانە تابيعات قورعاۋ ءىسى ءبىر ارناعا توعىسقاندا عانا تۋعان ولكەنىڭ قۇندىلىعىن تولىق تانىپ، ونى كەلەر ۇرپاققا امان جەتكىزە الامىز.

كونفەرەنتسيا جۇمىسىنا تابىس، قاتىسۋشىلارعا ناتيجەلى پىكىر الماسۋ، جاڭا عىلىمي جوبالار مەن يگى باستامالار تىلەيمىن!

قاجەت انداس
«جەتىسۋ» ولكەتانۋشىلار ورتالىعى»
قوعامدىق بىرلەستىگىنىڭ ديرەكتورى.

 

Посмотреть эту публикацию в Instagram

 

Публикация от Кажет Андас (@q_andass)


دەرەككوز: اكادەميك ايماق جانعاليۇلى جانعاليەۆتىڭ تۋعانىنا 113 جىل تولۋىنا ارنالعان «جەتىسۋ ءوڭىرىنىڭ تاريحي-مادەني جانە تابيعي مۇراسى كونتەكسىندەگى سيۆەرس الماسى: الىپ بىرەگەي اعاشتىڭ تاريحي-بيولوگيالىق قۇندىلىعى جانە وعان «عىلىمي تابيعي وبەكت – ۇلتتىق يگىلىك» مارتەبەسىن بەرۋدىڭ عىلىمي نەگىزدەرى» حالىقارالىق عىلىمي-تاجىريبەلىك كونفەرەنتسيا ماتەريالدارى. /قۇراستىرعاندار: انداس ق.، نۇرعوجانوۆا ج. س. /. تالدىقورعان: «Travel» باسپا ءۇيى، 2026. – 150 ب. ISBN 978-601-12-9452-2

ينفورماتسيوننوە اگەنتستۆو «Q-Andas».

(پرودولجەنيە سلەدۋەت…)

0 0 votes
Рейтинг статьи
Post Views: 10
Qandas.kz сайтындағы өлкетану мақалаларын ағылшын тіліне аудару негіздері
قاجەت اقپارات

Qandas.kz سايتىنداعى ولكەتانۋ ماقالالارىن اعىلشىن تىلىنە اۋدارۋ نەگىزدەرى

October 8, 2026
Жетісу мен Ертіс өңірінің археологиялық және сакралды мұрасы
قاجەت اقپارات

جەتىسۋ مەن ەرتىس ءوڭىرىنىڭ ارحەولوگيالىق جانە ساكرالدى مۇراسى

September 30, 2026
Ұлттық парк мұражайы: табиғатқа танымдық саяхат
قاجەت اقپارات

ۇلتتىق پارك مۇراجايى: تابيعاتقا تانىمدىق ساياحات

September 29, 2026
Марқа тау таңбалы тастары
قاجەت اقپارات

مارقا تاۋ تاڭبالى تاستارى

September 28, 2026
Сиверис алмасымен қоректенетін зиянкес жәндіктер
قاجەت اقپارات

سيۆەريس الماسىمەن قورەكتەنەتىن زيانكەس جاندىكتەر

September 28, 2026
Сайрам-Өгемдегі жабайы алма: зерттеу және гендік қорды сақтау
قاجەت اقپارات

سايرام-وگەمدەگى جابايى الما: زەرتتەۋ جانە گەندىك قوردى ساقتاۋ

September 24, 2026
Subscribe
Login
Notify of
guest
guest
0 комментариев
Oldest
Newest Most Voted
Inline Feedbacks
View all comments
ӨЛКЕ ШЕЖІРЕСІН СӨЙЛЕТКЕН ҚАЛАМГЕР

ولكە شەجىرەسىن سويلەتكەن قالامگەر

November 9, 2026

«Бекзат өмір»: өнерге арналған еңбек

«بەكزات ءومىر»: ونەرگە ارنالعان ەڭبەك

November 7, 2026

Өлке тарихы ұрпаққа аманат

ولكە تاريحى ۇرپاققا امانات

October 23, 2026

ЖАҢА ҚАҒИДА?  «Әлеуметтік кәсіпкерлерге жаңа талаптар түсіндірілді»

جاڭا قاعيدا: «الەۋمەتتىك كاسىپكەرلەرگە جاڭا تالاپتار ءتۇسىندىرىلدى»

October 13, 2026

Жұмыспен қамту тәртібінде не өзгерді?

جۇمىسپەن قامتۋ تارتىبىندە نە وزگەردى؟

October 12, 2026

Ақпараттық агенттігі

Меншік иесі: “Жетісу” өлкетанушылар орталығы” қоғамдық бірлестігі
Қазақстан Республикасы, Жетісу облысы, Талдықорған қаласы “Болашақ” шағын ауданы, 12-27

Q-Andas желілік басылымы Қазақстан Республикасы Ақпарат және коммуникация министрлігі Ақпарат комитетінде 2025 жылғы 19 наурызда тіркеліп, № KZ21VPY00115275 куәлігі берілген.

Сайт материалын пайдалану үшін редакция келісімі керек және гиперсілтеме жасау міндетті.

Тел: 8 747 706 1382
email: andas_kazhet@mail.ru

qandas.kz © 2026. Барлық авторлық құқық заңмен қорғалған.

  • tjتوتە جازۋ
    • kz Қазақ
    • qz Qazaq
    • tj توتە جازۋ
    • ru Русский
    • en English
  • باستى بەت
  • ولكەتانۋ
    • ءبىلىم
    • دەنساۋلىق
    • سپورت
    • قۋعىن-سۇرگىن
    • تۇلعا تانۋ
    • قورشاعان ورتا
    • حالىق جادى
    • مادەنيەت
    • جەتىسۋ جارتاس سۋرەتتەرى
    • جەتىسۋدىڭ اسيەتتى جەرلەر
    • ادەبيەت
    • شالعاي اۋىل
    • تۋريزم
      • تاريح
    • ەلتانۋ
    • كوشى-قون
    • تۋرنير
  • ارنايى جوبالار
    • بايقاۋ
    • كورمەلەر
    • كونفەرەنتسيا
    • گرانت
    • ەكسپەديتسيالار
  • مۇراعات
    • انداس وماراقىن ىزىمەن
    • اۋەسحان ماجايدىڭ جادىگەرلەرى
    • بەينەفيلم
    • حاتكەرلىك
    • گالەرەيا
  • ءبىز تۋرالى
    • ارىپتەستەر
    • بايلانىس
    • سايت اكىمشىلىگى
    • PDF-مۇراعات

© 2025 qandas.kz

wpDiscuz