باستى رۋلاردى نەگىز ەتىپ, 5 اقالاقشى, بىر مىڭبەگى سايلاندى. «ازدىڭ اتى وزبايدى» دەگەندەي, سولتانگەلدى ەلى ىشىندەگى بىر انادان تۋعان مالتابار, شەكىل از رۋ بولىپ, ۆزگە جۋان اتالاردان قاقپاي, قىسىم كۆرىپ شىعىندار بولا بەرگەندىكتەن حالقى ولاردان بۆلىنىپ شىعىپ ۆز الدىنا بىر زەڭگى ەل بولىپ قۇرىلۋدى تىلەنىپ جوعارىعا ارىز ۇسىنادى. ۈش ايماق ۋاقىتىلى ۆكىمەتىنىڭ جاڭا بەلگىلەمەسى بويىنشا 1945 جىلى مالتابار, شەكىل رۋى قوجابەك زەڭگىسىنەن بۆلىنىپ شىعىپ, بىر زەڭگى بولىپ ۇيىمداستىرىلادى. كۆزى اشىق, ساۋاتتى ازاماتى وماراقىندى ەلباسى زەڭگى ەتىپ سايلايدى. سول كەزدە زەڭگىلىك بەلگى ۈشىن تاڭبا بەرىپ, شەكپەن كيگىزىپ, بەلىن ورايتىن الماتىداعى زاۋىتتان ارنايى جاسالعان قارا ماتا بەلبەۋ بەرىلگەن ەكەن. بۇل زاتتار وماراقىن زەڭگىگە دە بەرىلگەن. ۆكىنىشكە وراي, باسقا زاتتار ۋاقىت ۆتە كەلە جوعالىپ, قارا ماتا بەلبەۋ بۈگىنگە دەيىن انداس وتباسىندا ساقتالىپ كەلدى. وماراقىن ۆمىر بويى وسى بەلدىكتى بەلىنەن تاستاماي وراپ جۈرگەن ەكەن. تالاي قيىندىققا جولىققاندا سول بەلبەۋ سەپ بولدى دەپ بۈگىنگى ۇرپاقتارى رىمداپ ساقتاپ كەلەدى.
1952 جىلدىڭ كۆكتەم كەزى كەڭسۋ ۆڭىرىندە دە كوللەكتيۋتەسۋدىڭ العاشقى ادىمدا ۇلى ناۋقانى العا قويىپ ساي-سالادا تارىداي شاشىلىپ جۈرگەن بىتىراندى ەل ۇيىمداسىپ, بىر اراعا تۇڭعىش باس قوسىپ, كيىز ۈيىمەن اۋىلداسىپ قونىستاندىرادى. ۇيىم كەڭسۋدان توعان الىپ, تۋسىپ جاتقان كەسىكتىڭ ۈستىنە سۋ شىعارىپ, استىق ەگۋدى جوسپارلايدى. ادامدار بىرتۇتاس اتتانىسقا كەلىپ كەنەرەدەن ۆستەڭ الۋعا قاتىناسادى. توعان قۇرىلىس قىزۋ جۈرىپ جاتقان بىر تۇستا ۆستەڭنىڭ ورتاسىنان ۈلكەن قاراتاس شىعادى. بىرنەشە ادام تۆڭىرەگىن قازىپ, ىرعاپ كۆرەدى دە قوزعاي المايدى.
– وسى تاستى كىم كۆتەرىپ سىرتقا شىعارىپ تاستاسا, سول ادام وسى توعان قازۋ جۇمىسىنان بوساتىلادى, – دەپ جاريالايدى بريگادير.
ۆزىن مىقتى ساناپ جۈرگەن, تالاي جارىسقا قاتىسىپ جۈلدەگەر اتانعانداردان تەبەرەك سيياقتى بىرنەشە بالۋان تاستى كۆتەرىپ شىعارا المايدى. سول كەزدە ومەكەڭنىڭ 49 مۈشەل جاستاعى كەزى ەكەن.
– تەۋەكەل مەن كۆرەيىن, – دەپ ەكى جارىم مەتىر كەلەتىن قارا بۇل بەلبەۋىن بەلىنە مىقتاپ وراپ, ۇزىن ارقان الدىرىپ تاستى بايلاپ, كۆتەرىپ ۆستەڭ ىشىنەن انادايعا شىعارىپ تاستاعان ەكەن. باسشىلىق ايتقان ۋەدەسى بويىنشا ۆستەڭ قۇرىلىسى بىتكەنشە ول كىسىنى جۇمىسقا شاقىرماپتى.
https://kazneb.kz/kk/catalogue/view/1657755
Q-Andas اقپارات











