Qyzyljar shaiqasynyń qaharmany Qúdainazar batyrdyń nemeresi Soltankeldi myrza úsh nekeli bolǵan. Birinshi nekesinen Kóbes, Tabyldy, Itqara, Qarynbai, Sámembet, Qonysbai, Túrdyǵúl jeti úl. Ekinshi nekesinen – Qojabek jalǵyz. Úshinshi nekesi – Jap anamyzdan Maltabar, SHákil eki úl bolyp, kenjesi SHákil edi.
Maltabar turashyl, ata jolǵa júirik, batyl, batyr adam bolypty. Jalǵyz inisi SHákildi betinen qaqpai, myrza etip, ayalap ósiredi. Ol bir joly inisinen:
- Seniń kóńiliń nege soǵady? Ne iske qyzǵasyń? – dep súraǵanda inisi:
– Sayatshylyqty únatamyn, qúsbegi bolǵym keledi, – deidi. Maltakeń el-jerdi aralap júrip, Qarakerei ishindegi bir auyldan tomaǵalap qondyryp, otyrǵyzyp qoiǵan úsh búrkitti kórip, inisinen:
– Osynyń qaisysyn tańdaisyń? – dep súraidy. Qyranǵa qyzyǵyp, búrkitti baqylap júretin inisi ortada qondyruly otyrǵan Sary bauyr, biik qabaq, qandy kóz, múzbalaqty tańdaidy. Maltakeń 14 jylqysy bar, bir qysyraqtyń úiirin matap berip, qústy inisine alyp beredi. SHákil babamyz búl qústy erekshe baptap, múzbalaq qyranyna ayu, qasqyr, búǵy-maral, tauteke, túlkiden tartyp, tórt ayaqtyny túgel aldyryp, 9 jyl qaiyryp salǵan eken.
P.S: Sol sary bauyr qyrannyń túyaǵy dep úrpaqtan úrpaqqa qasterlep saqtalyp kele jatqan osy bir jádiger búginde Maltabar-SHákildiń qara shaǵyraǵy Andas otbasynyń qorynda saqtauly.
Derekkóz:
Tarih talǵarynda [Mátin] : (Tarihi zertteuler, esse, maqalalar) / A. Omaraqyn- Taldyqorǵan : [b. j.] , 2022.– 500 dana . – ISBN 978-601-7865-39-9, ISBN 978
https://kazneb.kz/ru/bookView/view?brId=1657755&simple=true#











