قىزىلجار شايقاسىنىڭ قاھارمانى قۇداينازار باتىردىڭ نەمەرەسى سولتانكەلدى مىرزا ءۇش نەكەلى بولعان. ءبىرىنشى نەكەسىنەن كوبەس، تابىلدى، يتقارا، قارىنباي، سامەمبەت، قونىسباي، تۇردىعۇل جەتى ۇل. ەكىنشى نەكەسىنەن – قوجابەك جالعىز. ءۇشىنشى نەكەسى – جاپ انامىزدان مالتابار، شاكىل ەكى ۇل بولىپ، كەنجەسى شاكىل ەدى.
مالتابار تۋراشىل، اتا جولعا جۇيرىك، باتىل، باتىر ادام بولىپتى. جالعىز ءىنىسى شاكىلدى بەتىنەن قاقپاي، مىرزا ەتىپ، ايالاپ وسىرەدى. ول ءبىر جولى ىنىسىنەن:
سەنىڭ كوڭىلىڭ نەگە سوعادى؟ نە ىسكە قىزعاسىڭ؟ – دەپ سۇراعاندا ءىنىسى:
– ساياتشىلىقتى ۇناتامىن، قۇسبەگى بولعىم كەلەدى، – دەيدى. مالتاكەڭ ەل-جەردى ارالاپ ءجۇرىپ، قاراكەرەي ىشىندەگى ءبىر اۋىلدان توماعالاپ قوندىرىپ، وتىرعىزىپ قويعان ءۇش بۇركىتتى كورىپ، ىنىسىنەن:
– وسىنىڭ قايسىسىن تاڭدايسىڭ؟ – دەپ سۇرايدى. قىرانعا قىزىعىپ، بۇركىتتى باقىلاپ جۇرەتىن ءىنىسى ورتادا قوندىرۋلى وتىرعان سارى باۋىر، بيىك قاباق، قاندى كوز، مۇزبالاقتى تاڭدايدى. مالتاكەڭ 14 جىلقىسى بار، ءبىر قىسىراقتىڭ ءۇيىرىن ماتاپ بەرىپ، قۇستى ىنىسىنە الىپ بەرەدى. شاكىل بابامىز بۇل قۇستى ەرەكشە باپتاپ، مۇزبالاق قىرانىنا ايۋ، قاسقىر، بۇعى-مارال، تاۋتەكە، تۇلكىدەن تارتىپ، ءتورت اياقتىنى تۇگەل الدىرىپ، 9 جىل قايىرىپ سالعان ەكەن.
P.S: سول سارى باۋىر قىراننىڭ تۇياعى دەپ ۇرپاقتان ۇرپاققا قاستەرلەپ ساقتالىپ كەلە جاتقان وسى ءبىر جادىگەر بۇگىندە مالتابار-شاكىلدىڭ قارا شاعىراعى انداس وتباسىنىڭ قورىندا ساقتاۋلى.
دەرەككوز:
تاريح تالعارىندا [ءماتىن] : (تاريحي زەرتتەۋلەر، ەسسە، ماقالالار) / ا. وماراقىن- تالدىقورعان : [ب. ج.] ، 2022.– 500 دانا . – ISBN 978-601-7865-39-9، ISBN 978
https://kazneb.kz/ru/bookView/view?brId=1657755&simple=true#











