Esimbai Júsipúly 1896 jyly Batyrbek degen jerde dúniege kelgen (Kópbirlik auylynan 10-15 shaqyrym qashyqtyqta). Bala kezinde auylda arab tilin biletin shala sauatty moldalardan bilim alady. Sol alǵan bilimin tereńdetu úshin ákem Qazan qalasyna baryp, jaldanyp júmys istep, ári oqyp, arab, orys jáne latyn tilin meńgeredi jáne medresede oqyp dini bilim alady.
Ákemizdiń jastyq shaǵy jáne eseiip, orta jasqa kelgenge deiingi ómiri músylmandyq dinge berilip, moldadyq qúru jolymen Qazan qalasynda ótedi. Eline tek 1935 jyly oralady.
Ol uaqytta ákemizdiń áke-sheshesi, aǵalary jáne tuystary Kópbirlik jáne Jańaóndiris kolhozdarynda eńbek etedi eken. Sodan ákemiz Jańaóndiris kolhozynda qoimashy bolyp júmysqa kiredi. Eńbek ete júrip, moldalyq qylady jáne jasyryn dini mektep ashady. Ol kezde auyl adamdary bilimsiz bolǵan ǵoi. Soardy arabsha oquǵa tartyp, sabaq beredi. Ol kezderde dini bilim oqytuǵa jáne arabsha bilim beruge tyiym salynǵan uaqyt eken. Sondyqtan bireuler úkimet organdaryna Esimbai dini mektep ashyp, eldi jasyryn oqytyp júr degen málimet jetkizedi. Sodan ákemizge kiná taǵylyp, sotqa tartylyp, 1938 jyly 5 jylǵa sottalady.
1930-1940 jyldary Balqash qalasynda mys qorytatyn alyp óndiris qúrylysy salynyp jatty ǵoi. Sol qalaǵa ákemizdi jazasyn óteuge jiberipti. Balqash qalasynyń janyndaǵy Qońyrat kenishinde shahtada júmys istep, 1943 jyly bosatylyp, eline qaitypty. Sol Jańaóndiris kolhozynda júmys istep jáne auyl adamdarynyń qalauymen auyl moldasy bolyp sailanady. SHeshemiz Asqarbaeva Qatipamen otbasyn qúryp, onshaqty balaly bolady. Biraq olardyń kóbisi sheiit bolyp ketip, qazir tirisi eki úl men bir qyz qalady.
Ákemiz 1961 jyldyń 19 jeltoqsanynda Dóńshi auylynda (Baishegir auylynyń qasynda) dúnieden ótti.
Núrǵazy ESIMBAEV,
Balasy. 2015 jyl. Úshtóbe qalasy.
Jariyalandy. Qaraman Q. «Qaratal aqtańdaǵy: tarihi-tanymdyq kitap» -Almaty: «Toǵanai T». 2015. -240 b. -166–167 b.
