Ornalasqan jeri: Alakól audany, Jylandy auyldyq okrugine qarasty Kókjar auylynda.
Zerttelui: ólketanushy-jurnalist Qajet Andas zerttep júr
Sipattamasy: Auyldaǵy bútin saqtalǵan tek Alakól audandyq bilim bólimine qarasty Kókjar auyldyq mektebiniń ǵimaraty. Ony júrt «Aǵash mektep» dep ataidy. Mekteptiń qújatynda bekitilgen uaqyty degen jerde «1895, 1932 jyly» degen eki túrli tsifr túr. Búl aǵash úi 1895 jyly salynyp, 1932 jyly mektep retinde paidalanuǵa berilgen degendi bildirse kerek.
Ańyz-áńgime: Kóńildi qúlazytatyn jaǵdailar da joq emes. Auyldyń ótken tarihyn biletinderdiń kóbi ómirden ótip ketipti. Sondyqtan auyldaǵy aǵash úilerdiń dál qai jyldary boi kótergenin dóp basyp aityp beretinder tabylmady. «HIH ǵasyrdyń ekinshi jartysynan beri taǵany qalana bastaǵan» dep mólsherledik. Biraq búl jerdiń tarihy odan da erterekten óriledi.
– Kókjar auylynyń ainalasynda Qúrman jailauy, Kóktúǵyl, Qaraalma degen jer ataulary bar. Ol búgingi kúnniń emes erteden kele jatqan jer ataulary. Atalarymyzdyń atalary osylai ataǵan. Demek, osy jer ataulary osy óńir kimniń qútty qonysy bolǵanyn aiǵaqtaidy. Al ótken ǵasyrda búl mańda orys últynyń ókilderi tyǵyz qonystandy. Biz es bile bastaǵan kezde osy auylda Abdyraiymov, Myrzageldinov, Ábjanov, Stamǵazinov, Dúisenbekov, Bazyljanov, Túrǵanbaevtar áuleti túryp, malshy, omartashy, traktorshy bolyp júmys istedi. Ol kezde auyldaǵy aǵash mektepte 160-qa juyq bala oqydyq. Sabaq orys tilinde júretindikten meniń zamandastarym ózge tilde bilim aldy, – deidi auyl túrǵyny Múrat Ábjanov.
– Men 1950 jyldardyń sońynda osy mektepte oqydym. Apamda osynda bilim aldym dep júretin. Ol kisi 1990 jyldary seksenniń seńgirine kelip qaitys boldy. Bizdiń kezimizde auylda 700-den astam úi boldy. Qazaqtar az edi. Ekinshi dúniejúzilik soǵysqa auyldan 200-ge juyq adam attanypty. Mekteptegi sabaq orys tilinde júretin, – deidi auyl túrǵyny Vasilii Myrzageldinov.
Táuelsizdikten keiin auyldaǵy ózge últ ókilderi óz elderine kóship, qazaqtar qonystana bastapty.
– 1997 jyly osy mektepke matematika pániniń múǵalimi bolyp keldim. Ol kezde mektepte 65 bala oqityn, – deidi ústaz Gúlmira Ábjanova.
Ishki qúrylymy 10 bólmeden túratyn nysanda auyldyń bir ǵasyrlyq tarihy men bilim beru salasynyń taban izi jatyr. Búginde mektepaldy dayarlyǵymen qosa 1-9-synyp aralyǵynda 20 shaqty bala oqidy. Olarǵa 16 múǵalim sabaq beredi.
Mektep qúrylysy keiingi jyldary jańǵyrtylǵany bolmasa, syrtqy kelbeti sol qalpynda saqtalǵan. Auylda internet jelisi bolmaǵandyqtan mekteptiń kireberisi men úlken bólmesine ornatylǵan beinebaqylau kamerasy júmys istemeidi. Ústazdar syrtqy álemmen júmys telefon arqyly bailanysady. Auyldaǵy aǵaiynǵa alǵashqy kómek kórsetetin medbike bar. «Jedel járdem» Jylandy auylynyń ortalyǵy nemese alystaǵy Qabanbai auylynan keledi. Sondyqtan búl auylda auruǵa tózimdi adamdar túrady.
Kókjar auylyna bizben birge barǵan Jylandy auyldyq okruginiń ákimi Maqsút Asqarbekúly auylda internet jelisiniń bolmaǵany auyl túrǵyndarynyń sanynyń azdyǵymen bailanysty ekenin aityp:
– Qazir auyl irgesinen segnal taratatyn qondyrǵy ornatylyp jatyr. Aldaǵy uaqytta búl qiyndyq sheshiledi, – degen edi bizge. Odan beri biraz uaqyt ótti. Auyldaǵylar internetke qosylyp, máre-sáre bolyp jatqan shyǵar?!
Aita bersek, «Aǵash mekteptiń» birazǵa sozylatyn hikayasy bar. Maqsatymyz – tyrnaq astynan kir izdep, keleńsizdikti tabu emes. Bir baiqaǵanym – ǵasyrmen qúrdas, tipti odan da úzaq tarihtan syr shertetin osy bir sáulet eskertkishiniń (solai atauǵa bolady) tarihi múrany qorǵau mekemeleriniń nazaryna ilinbei kele jatqandyǵy. Biz Ádiletti Qazaqstan qúramyz desek, onda ár dáuirdiń tarihy men mádenietine ádilettilik túrǵysynan qarauǵa úirenuimiz kerek. Sondyqtan búl mektepti tarihi sáulet eskertkishteri qataryna qosyp, memleket tarapynan qorǵalatyn nysandar tizimine engizuge súrau salu qajet.
Silteme: https://7-su.kz/news/cat-12/19032/
https://aikyn.kz/258369/alakoldegi-ag-ash-mektep
Q-Andas ақпарат.











