Búl talas 1881 jyldan «Ile shekara bekitu kelisinen» keiin tipti ushyǵa tústi. Qazaq pen qalmaq jerge talasyp, talai qyzyl-qyrǵyn boldy. Adam ólip, úrpaqtarǵa kek qaldy. Osydan jarty ǵasyr ótkende sol kezdegi Qyzai Soltangeldi atasynyń kúndesi Múratbek Júnisbekúly, Maltabar-shákil ruynyń záńgisi Omaraqyn Jansarbaiúly bastaǵan top 1933 jyly Júldyz jailauynda qalmaqtardyń ókilimen kezdesip, bir ai boiy kelisim jasasyp, sońynda qyzai-qalmaq shekarasyn bekitip, aq shaǵi búlǵa qytaisha, qazaqsha, mońǵolsha kelisimshart jasalyp, qol qoiysyp, bir ǵasyrǵa juyq jalǵasqan dauǵa núkte qoyady (Búl qújat 1996 jylǵa deiin QHR, Ile oblysy, Kúnes audandyq úkimette saqtalǵan. Qazir belgisiz). Sol kezde «Ókilder Múratbektiń qosynda keńesip, Omaraqynnyń qosynda as ishedi» degen sóz qalǵan. 1980 jyly kóne dau qaita qozǵalyp, taǵy da qyzai-qalmaq ortasynda talas tuyla bastaǵanda sol tústaǵy Ile qazaq avtonomialy oblysynyń tóraǵasy Núsiphan Qonbaev bastaǵan delegatsiya Baiynǵúlin mońǵol avtonomiyaly oblysynyń delegatsiyasymen kezdesuge attanǵanda 80 jastaǵy Múratbekti qataryna qosady (Ol kezde Omaraqyn Jansarbaiúly qaitys bolyp ketken edi). Múny estigen torǵauyttar: «Múratbek pen Omaraqynnyń biri tiri túrǵanda olardy (qyzailardy) jeńe almaimyz», – dep shekara 1933 jylǵy kelisim boiynsha qaita rásimdeledi. Joǵarydaǵy bilte sham 1933 jylǵy qyzai-mońǵol kelisiminde istetilgen.
https://kazneb.kz/kk/catalogue/view/1657755
Q-Andas aqparat











