Saltanatty jiyn bastalǵanda audan ákimi Almas Abdinov barlyq auyl túrǵyndaryn Táuelsizdik kúnimen qúttyqtap, jańa mádeniet úiiniń ashyluy audannyń áleumettik‑mádeni damuyndaǵy mańyzdy qadam ekenin atap ótti. Blokty‑modulьdi úlgide túrǵyzylǵan zamanaui mádeniet úii qysqa merzimde salynyp, el igiligine úsynyldy. Mekeme auyl jastary men búldirshinderiniń shyǵarmashylyq qabiletin damytuǵa, túrǵyndardyń mádeni demalysyn sapaly úiymdastyruǵa zor múmkindik beredi. Múnda kontsertter, úiirmeler men últtyq dástúrdi dáripteitin is‑sharalar ótkizuge barlyq jaǵdai jasalǵan.
Mádeniet úiiniń ashylu rásimi qazaqy dástúrmen bastaldy. Erekshe bezendirilgen alańǵa bilbordtar, sharlar, kilem‑tósenishter tóselip, shashu ústaǵan ájeler men lenta qiyuǵa daiyn qyzdar shyqty. Fanfar úninen keiin sóz alǵan audan ákimi jańa nysandy qolǵa aluda úles qosqan barlyq azamattarǵa jáne merdiger kompaniyaǵa alǵysyn jetkizip, búl eńbektiń Táuelsizdikti nyǵaituǵa qyzmet etetinin aitty.
Audandyq qoǵamdyq keńes tóraǵasy Erik Juanyshbaev auyl túrǵyndary atynan jyly lebizin arnap, auyldyń órkendeuine tilektestik bildirdi. Eńbek ardageri Amangeldi Ahmetjanov aq batasyn berip, jańa nysannyń igilikti isterge toly boluyn tiledi. Saltanatty rásimniń mańyzdy sátinde mádeniet úiiniń lentasy qiylyp, shashu shashyldy. Qonaqtar ǵimarat ishin aralap, kórermen zaly men úiirme bólmelerimen tanysty.
150 orynǵa arnalǵan kórermen zaly bar bir qabatty mádeniet úii 367,5 sharshy metr aumaqty alyp jatyr. Jobanyń jalpy qúny 209 mln 216 myń teńgeni qúraidy. Qúrylysty “Elektro‑Lider” JSHS merdiger kompaniyasy júrgizip, avtorlyq qadaǵalaudy “G6‑Project” JSHS, tehnikalyq baqylaudy “AAT Engineering HHI” júzege asyrǵan. Ǵimaratty saluǵa tapsyrys berushi Alakól audanynyń qúrylys, sáulet jáne qala qúrylysy bólimi. Kórkemdik qondyrǵylary men dybys tehnikasy zamanaui talaptarǵa sai jabdyqtalǵan.
Ashylu rásiminen keiin auyl ónerpazdary men audandyq mádeniet úiiniń ártisteri qatysqan merekelik kontsert ótti. Qazaqstan auyldyq mádeniet úiiniń direktory Aqyljan Adikov “Men qazaqpyn” ánin shyrqap, kópshiliktiń qoshemetine bólendi. Muzykalyq jetekshi Kúnim Qalieva “Jastar” ánin oryndady. Auyl ájeler ansambli “Auyldyń adamdary-ai” ánimen sahnany árledi.
Audandyq Zeinep Qoishybaeva atyndaǵy mádeniet úiiniń ónerpazdary da óner kórsetti. Kúlimhan Kákimseitova “Aq kóńil qazaǵym-ai” ánin, otbasylyq duet Jandos pen Aqbota SHámshi Qaldayaqovtyń ánderinen popurri úsyndy. “Mádeniet” etno toby halyq ánderinen popurri oryndady. Kishikbaev Didar “Alakólim” ánin shyrqasa, audandyq mádeniet úiiniń ánshisi Naziya Isaeva “Auylym” ánimen mereke shyraiyn asha tústi. Kontsert sońynda qatysushylar ortaq ánmen final jasady.
Qazaqstan auyly – berekesi men birligi jarasqan, óner men mádeniettiń ordasy bolǵan kieli meken. Búl auyldan álemge áigili jeztańdai ánshi Zeinep Qoishybaeva, Jetisu oblysy filarmoniyasynyń dástúrli ánshisi, mádeniet salasynyń qairatkeri Saya Esengelьdinova jáne basqa da kóptegen ánshi‑kúishr, aqyn men sóz zergerleri shyqqan. Audan ákimi atap ótkendei, jańa mádeniet úii auyldyń ósip‑órkendeuine, mádeniet pen ruhaniyattyń jandanuyna qyzmet etedi.
Jańa nysannyń ashyluy eldi mekenniń áleumettik‑mádeni ómirindegi aituly oqiǵa. Kópten kútken mádeniet úii auyl jastary men búldirshinder úshin shyǵarmashylyqtyń qainar kózi bolyp, túrǵyndardyń bos uaqytyn mazmúndy ótkizuge múmkindik bermek. Auyl ónerpazdary úiymdastyrǵan túrli mádeni shara men úiirmeler jergilikti júrtshylyqtyń ruhani ómirin baiyta túsetinine senim mol.
Qajet ANDAS,
«Q–andas» aqparattyq agenttigi
Alakól audany
