Últtyq arhiv qoryn tolyqtyru jáne saqtau – tek tehnikalyq júmys emes, búl últ jadysyn júieleu, uaqytpen jarysqan jauapty mindet. Bólimniń negizgi qyzmeti – úiymdar men kásiporyndar qyzmeti barysynda qalyptasqan, zańnamalyq tártippen últtyq qúndylyq dep tanylǵan tarihi, ǵylymi, áleumettik jáne mádeni mańyzy bar qújattardy túraqty memlekettik saqtauǵa qabyldau. Árbir qújat esepke alynyp, onyń qúramy men mazmúnyndaǵy ózgerister tirkelip otyrady. Ásirese asa qúndy qújattarǵa erekshe baqylau júrgiziledi.
Arhiv salasynda qújattyń fizikalyq jai-kúii basty nazarda. Mamandar qújattardy zalalsyzdandyru, dárileu, aldyn ala óńdeu, isterdi túpteu, óship bara jatqan mátinderdi qalpyna keltiru, múqabalau, paraqtardy nómirleu, shań-tozańnan tazartu, tigu jáne topografiyalau júmystaryn júieli túrde júrgizedi.
Sonymen qatar arhiv qoimalarynda temperaturalyq-ylǵaldylyq rejimi qatań saqtalyp, órt qauipsizdigi talaptary qamtamasyz etiledi. Búl – ǵasyrlar boiy saqtaluy tiis múralardyń qauipsizdigi úshin mańyzdy shart.
Arhiv tek saqtau orny emes, ol – ǵylymi zertteu men tanym keńistigi. Oqu zalyna kelgen zertteushilerge, bólim qyzmetkerlerine, mekemeler men kásiporyndarǵa qújattardy uaqytsha paidalanuǵa beru rásimdelip, olardyń saqtaluy men qaitaryluy qatań baqylauda ústalady.
Bólim óz júmysyn josparly negizde úiymdastyryp, atqarylǵan is-sharalar boiynsha esep beredi. Búl júielilik – arhiv qyzmetiniń sapasyn qamtamasyz etetin basty qaǵida.
«TSifrlyq Qazaqstan» memlekettik baǵdarlamasy ayasynda qújattardy skanerleu, elektrondyq formatqa kóshiru jáne elektrondy arhiv júiesine engizu júmystary júrgizilude. Búl – bir jaǵynan qújattardyń saqtaluyn qamtamasyz etse, ekinshi jaǵynan olardy qashyqtan qoljetimdi etuge múmkindik beredi.
TSifrlandyru – arhiv isin zamanaui deńgeige kóterip, tarihi múrany keleshek úrpaqqa jańa formatta úsynudyń tiimdi joly.
Últtyq arhiv qory – eldiń ruhani tiregi. Ony tolyqtyru, saqtau jáne úqypty paidalanu – ótkenge qúrmet, bolashaqqa amanat.
Jetisu oblysynyń memlekettik arhivi osy jauapty mindetti abyroimen atqaryp keledi.
K. Ahmetova,
Jetisu oblysynyń memlekettik
arhiviniń bólim basshysy.
