Ornalasqan jeri: Panfilov audany, Taldy okrugine qarasty Taldykesik degen jerdegi úlken ziratta onalasqan.
Zerttelui: Tarihshy, ólketanushy, Ibraiymjanov Qalidyń qysqasha «Jetisudyń dara bii» atty zertteu maqalasy.
Sipattamasy: Alty búryshty qyzyl kirpishten órilgen qabyrǵalary men ai ornatylǵan altyn tústes kúnge shaǵylysyp alystan kóz tartar ásem kúmbezi bar eńseli kesene. Kesene aldynda aldynda ornatylǵan qara tústi granit tasta Qojbambet bi Ebei úly turaly málimet berilgen.
Ańyz áńgime: Jetisu ólkesinde esimi ańyzǵa ainalǵan áigili túlǵalardyń biri emes , biregeii, el birliginiń shaiqalmauyna jan ayamai atsalysqan – Úly júz Suan taipasynyń Aqsha ruynan shyqqan Qojbanbet bi Ebeiúly. Otyz jasynda orda búzyp, sheshendigimen, batyldyǵymen aimaqqa aty shyǵyp, Úly júzdiń bii boldy. Áigili Abylai hannyń úrpaǵy Tezek tóreniń bas bii atanyp, Úly júzdiń, onyń ishinde Suan baba úrpaqtarynyń Resei imperiyasynyń qolastyna ótuinde el aǵasy retinde elshilikke baryp, qolyn qoiyp, mórin basqan.
Qaisar qazaqtyń dara túlǵalarynyń biri – Qojbanbet bi Ebeiúly HIH ǵasyrdyń 80-i jyldary SHyǵystaǵy Qytai men Batystaǵy Resei imperiyalarynyń kelisimderine sáikes Qorǵas shekara beketiniń belgilenuine bailanysty SHyǵys Túrkistan aimaǵyndaǵy búkil Suan ruyn Jarkent óńirine qonystandyruda erekshe qairatkerlik kórsetken dara túlǵa. Jetisu aimaǵyna aty tanymal Qojbanbet bi áigili Tezek tóreniń tóbe bii bolǵandyǵyn joǵaryda aityp óttik.
Sondai – aq, jyr alyby Jambyl babamyzdyń piri, múqym qazaqqa máshhúr Súiinbai aqynmen syrlas, kezinde aitystyń nebir múzbalaqtaryn múdirtken, qalyń qauymdy súiindirgen aitysker aqyn Baqtybai Jolbarysúlynyń jolyn ashyp batasyn bergen , qyrǵyzdyń aqyny Qataǵanmen qarailas bolǵan – áulie , bi , sheshen , tuǵan eliniń qaiyspas qara nary – Qojbanbet bi babamyzǵa audan ortalyǵy Jarkent qalasynan kóshe berilip otyr. Bizdiń el bolyp, álemge tanyluymyzda osyndai aruaqty babalarymyz ben eli men jeri úshin jany men qanyn ayamaǵan birtuar danalarymyzdyń arqasy ekendigi áli kúnge el jadynda.
Silteme: 1). Maqala, Q. Ibraiymjanov «Jetisudyń dara bii»
«Jarkent ainasy» gazeti № 5 (8), 8 nauryz, 2019 jyl.











